جديد ولا مستعمل

**hoky** · 21-12-2011 01:11 PM

القصه كلها ان في قرشين متوفرين في حدود100 الف لمدة كام شهر من 6 الي 12 شهر بالكتير قوي وخايف يقعدو معايا عشان بيتصرف منهم كتير فمضطر اني اجيب عربيه عشان اجمد القرشين ومش مش عاوز اخسر كتير في البيع او اجيب مستعمل واستحمل مفاجاءته واصرف عليه صيانه واخسر في بيعه برضه ياريت حد يفيدني ولو في اقتراحات تانيه يبقي كتر خيركم

**medododo** · 21-12-2011 01:30 PM

تجيب كسر الزيرو
مبيخسرش كتير ومش هيتعبك في الصيانة

**Ghosts** · 21-12-2011 05:49 PM

المشاركة الأصلية كتبت بواسطة medododo

تجيب كسر الزيرو
مبيخسرش كتير ومش هيتعبك في الصيانة

حضرتك تعرف معارض كسر زيرو ؟

**Ghosts** · 21-12-2011 07:33 PM

المشاركة الأصلية كتبت بواسطة hoky

القصه كلها ان في قرشين متوفرين في حدود100 الف لمدة كام شهر من 6 الي 12 شهر بالكتير قوي وخايف يقعدو معايا عشان بيتصرف منهم كتير فمضطر اني اجيب عربيه عشان اجمد القرشين ومش مش عاوز اخسر كتير في البيع او اجيب مستعمل واستحمل مفاجاءته واصرف عليه صيانه واخسر في بيعه برضه ياريت حد يفيدني ولو في اقتراحات تانيه يبقي كتر خيركم
:u_thin1[1]:

على فكرة أنا محتار زيك بالظبط ....
بس مليش نفس أشترى أى حاجة عشان أحوال البلد ماطمنش خااااااااالص ....

أنا لو منك كنت أستنيت شوية لحد ما الأمور تستقر ....
محدش عارف بكرة مخبى لنا أية ....

البلد على كف عفريت ....
ربنا يستر ....

**mody3on** · 21-12-2011 07:37 PM

جديد او كسر زيرو

**medododo** · 21-12-2011 08:30 PM

المشاركة الأصلية كتبت بواسطة ghosts

حضرتك تعرف معارض كسر زيرو ؟

جميع معارض السيارات عارفين سكك كسر الزيرو
وفي منهم عنده كسر زيرو
وكمان في اعلانات هنا في المنتدى عن سيارات ماشية قليل وموديل حديث

**Dr'AhmZZong** · 22-12-2011 01:33 AM

بص يا باشا موضوع كسر الزيرو ده مقرف جدا ومتعب اللي ابعد الحدود عشان متضمنش العربية اتعمل إيه فيها .. لإن أنا اعرف ناس ممكن يخلولك العربية زيرو من غير مايعرف أي مخلوق يفرقها عن الزيرو . مفيش دايما احسن من الزيرو .

أنا من رأي هات نيسان صني 2012 عربية محترمة وفيها كل اللي حضرتك عيزه

**Sehsss** · 23-12-2011 11:32 AM

فعلا موضوع كسر الزيرو ده مقرف وكان ليا معاه تجربتين مريرتين واحدة لانوس كانت من برة إيه وهم مالهاش حل والموتور 90 % وآخر حلاوة، بنكشف عليها من تحت لقيناها مغير ربع خلفي، والثانية كان الموتور خفيفة والعفشة سليمة، مش هاتلاقي واحدة كاملة إلا نادرا لأن الأغلب بيبيع علشان العربية فيها عيب إلا اللي عاوز يركب حاجة أعلى وده قليل شوية

**Ghosts** · 25-12-2011 06:29 PM

المشاركة الأصلية كتبت بواسطة sehsss

فعلا موضوع كسر الزيرو ده مقرف وكان ليا معاه تجربتين مريرتين واحدة لانوس كانت من برة إيه وهم مالهاش حل والموتور 90 % وآخر حلاوة، بنكشف عليها من تحت لقيناها مغير ربع خلفي، والثانية كان الموتور خفيفة والعفشة سليمة، مش هاتلاقي واحدة كاملة إلا نادرا لأن الأغلب بيبيع علشان العربية فيها عيب إلا اللي عاوز يركب حاجة أعلى وده قليل شوية

بس الزيرو فى بلدنا خسااااااااااااارة ....
لا الشوارع ولا السواقين الهمج اللى فى كل حتة ممكن تشجع الواحد أنة يجيب زيرو ....

سوق السيارات مليان عربيات ....
ميكانيكى شاطر يكشف على العربية اللى تعجبك وتاخدها تكشف عليها بالكوميوتر فى التوكيل وكل حاجة هتبان ....