الموضوع: حادثة قضت عليا...إحبـــــاط..يا رب حد يساعدني

بسم الله الرحمن الرحيم
أولا الحمد لله الذي لا يحمد على مكروه سواه
ثانيا كل التقدير و الأحترام لأعضاء المنتدى الحترمين اللي انا شخصيا استفدت منهم كتير و كانوا السبب الرئيسي اني اشتري اللـــوجـــان (العربية الحترمة)..
ثالثا..انا تقييمي الشخصي للسيارة هي جيدة جدا في فئتها بل تكاد تكون الأفضل.
رابعا..الحــــادث و هو الموضوع الرئيسي...
سيارتي هي لــــوجــــان 2012 اشتريتها من 6 شهور فقط..و لكن من اسبوعين بالظبط عملت حادثة بالعربية و كنت هروح فيها لولا ربنا ستر و الأير باج كان ليها عامل رئيسي...
انا كنت ماشي في شارع جانبي بالليل و لكن بسرعة عالية و انتابتني حالة من اللا مبالاه و مهدتش في التقاطع...و دخلت في عربية باســــات من جنبها كان جاي قاطع الشارع...و انا بعترف ان انا الغلطان بنسبة 100 % مع العلم اني مش غشيم سواقة بس اليوم دا كنت راجع من الشغل 11 بالليل من 8 الصبح و كان عندي شوية مشاكل كده خليتني اتوه و انا سايق لدرجة اني اقسم بالله ما حسيت بنفسي الا بعد ما خبطت و لا شفت العربية قبل ما اخبطها...المهم انا بقول التفاصيل دي لتذكير الأعضاء الكرام بضرورة مراعاة الحالة الذهنية و البدنية اثناء السواقة و متجيش على نفسك لو مش نايم كويس او مرهق او تعبان نفسيا مهما كنت سواق شاطر...
طبعا انا كنت على وشك اكتئاب قبل الحادث لوجود مشاكل في الشغل عندي..و جت الحادثة كملت عليا و قفلتني تماما...
بس الحمد لله ابتديت افوق الأيام دي و هبتدي اصلح اللــــوجــــان ان شاء الله بس مش في التوكيل...
العربية لما شفتها النهاردة..مع العلم اني اول مرة ابص عليها بعد الحادثة كان واحد صاحبي حاططها في الجراج عنده..
العربية فيها الأتي...
1- الأكصدام
2- الكبوت
3-الفوانيس
4-الفوجان
5-قنطرة امامية
6-رادياتير
7-مروحة تبريد
8-سربنتينة تكييف
9-الرفارف قدام هتتعدل سمكرة
10-الشبكة فوق الأكصدام
11-حلية نيكل تحت الكبوت
12-ماسك امامي

فتنصحوني بأيه بعيدا عن التوكيل لأني مش مأمن.. مين احسن واحد يشتغل في اللوجان و ايه احسن مكان الاقي فيه الحجات دي..و لو حد يعرف الأسعـــار دي برة التوكيل هتكون ايــــه...
ارجو المســـاعدة... لأني ان شاء الله مش هتحرك في حاجة بدون مشورتكوا
و اخيرا...شكرا مسبقا على الأهتمام و المساعدة