الموضوع: ربنا يستر و الفتيس يتظبط و صوت الونه تختفي

دعواتكم يا جماعة ان ربنا يسترها و التوكيل يعرف يحل مشكلة الونه اللي بتظهر عندي و مجنناني دي

انا وصلت القاهرة يوم السبت بالليل و روحت التوكيل يوم الأحد الصبح بدري اول واحد دخل التوكيل كان لسه مقفول
انتظرت بتاع نص ساعة علي ما الناس وصلت و فتحوا التوكيل و سمحولي بالدخول

العربية كان عدادها عامل ٧٤٥٠٠ كم فقلت بالمرة اعمل صيانة ال ٧٥٠٠٠ كم و هتكون اخر صيانة في الضمان

قابلت م/ ياسر و فهمته المشكلة بتاعة صوت الونه دا لانه كان شافها في احدي زياراته لمركز خدمة رينو الاقصر وطبعا كان معايا كل أوراق الصيانات بتاعة العربية من ساعة ما استلمتها لحد صيانة ال ٧٠ الف كم و مظبط نفسي تمام

طلعت اجرب العربية مع مهندسذ تاني غير م/ ياسر و طبعا مقتنعش بالصوت و قال انه طبيعي جداً انا قلت له لا يا هندسة الصوت مش طبيعي ركز الله يكرمك العربية خلاص يومين و هتطلع من الضمان لانها هتكمل ٣ سنين و حرام البس انا فنيس بعد ما اطلع من الضمان و انا ملتزم بالضمان من ساعة ما اشتريت العربية
هز دماغه و قاللي فعلا كلامك صح انا هجرب العربية تاني و فعلا انا نزلت و لقيته ركب واحد من الفنيين معاه شكله كبير و طلعوا يجربوها و بعد ما رجعوا. قاللي هتسيب لنا العربية كام يوم عشان هنحل الفتيس و نشوف إيه مصدر الصوت دا

سألته كام يوم هتحتاج قاللي و صدمني انه ممكن تأخذ أسبوعين او اكتر !!!!!!!!!!
ليييييييه يا عم كل دا أنتو هتصنعوها من اول و جديد ؟؟. قاللي ممكن يكون فيه مشكلة في ترس الرابع و محتاج يتغير و هنبعت نجيبه من برا !!!!

انا بصراحة سكت و بصراحة كنت متوقع انها هتعقد عندهم بس مش لمدة أسبوعين انا كنت منوقع اسبوع

طبعا مجبر اخاك لا بطل لان الضمان خلاص هينتهي و اغني انا ظلموه بعد كدا

سبتلهم العربية و أخدت رقم مهندس الاستقبال البلي استلم من العربية و قاللي اتصل. بعد اسبوع


مش عارف ليه احيانا بحس بالقلق و خائف ارجع اندم بعد كدا علي اللي انا عملته لو فكه الفتيس و معملوش حاجة و زودا الطينه بله. و هكون طلعت من الضمان خلاص و هينفضولي بعد كدا
مش عارف ليه عندي إحساس القلق دا

حاسس ان المشكلة مش مهمة و مكنتش هتعمل حاجة و كان بلاش فك الفتيس لانه كان كويس و غياراته زي الفل ولا بيعض و لا بيتهز و مافيهوش مشكلة اللوجان المعهودة بتاعة رعشة الفتيس


إيه رأيكم يا جماعة هل انا عملت الصح و لا. اتسرعت ؟؟؟(


و تنصحوني بايه. قبل ما استلم العربية منهم ؟؟؟؟

بإذن الله تعالي


متشكر جداً لإهتمام حضرتك