الموضوع: موضوع للمناقشه اعدل موتور الفيرنا ولا اسقط مكنه mivec 1600 ولا موتور هيونداي2000

السلام عليكم : دلوقتي يجماعه انا محتار بين اعدل في الموتور بتاعي ولا اسقط ؟؟ اجابتي انا من وجهة نظري اني اعدل احسن في الموتور بتاعي بس ده لسبب اني انا اساسا موتوري عاوز عمره لانو بياكل زيت و بيطلع دخان من فايظ الزيت و من غطاء زيت وفي ميه بتخرج من الشكمان الميه دي لو نها عادي بس ملمسها مزييت و العربيه مش قادره انها تعدي ال 120 ومتغير ليها طقم الدبرياج .المهم دلوقتي انا سالت ناس وبعد تدوير على النت فقولت اني اعرض عليكم الفكره اللي جتلي انا وسالت عليها بعض المراكز ...... دلوقتي طبعا علشان اعمل عمره حغير بساتيم وطقم شنبر وحقوم بعمل خراطه للشمايز ووش السلندر وحغير طقم جوانات والدنيا دي الفكره اللي جاتلي هنا اني اكبر البستيم يعني حجيب بستيم اكبر من اللي موجود في العربيه يعني المقاس اللي بعد البستيم الاصلي وحقوم بعمل خراطه للبستيم الجديد في الشمايز يعني حخرط الشيميز للمقاس الجديد طبعا هنا حيبقى في اختلاف لان هنا مقاس البستيم بقى اكبر يعني حنعوز كمية حرق اكبر للبنزين ودخول للهواء اكتر بالتالي حنعدل الرشاشات علشان نظبط كمية البنزين اللي حتدخل وحنعدل بردو في البوابه علشان ندخل كمية هواء اكتر علشان يتم الحرق صح داخل غرفة الحريق.... وبكدا بدل مالعربيه بقت 1600 نقدر نقول مع تكبير البستيم والله واعلم علشان محدش يقول اني بفتي وانا بقول انو مش صح اوي كده ممكن تبقى العربيه بقت 2000 cc والله واعلم ده توقعي طبعا لو عملنا الموضوع ده وفلح يبقى ده اختراع جااااااامد مع الفلتر الرياضي والسلوك وطقم شكمان حتبقى العربيه طلقه والله واعلم.....

نيجي بقى للتسقيط:::دلوقتي انا سمعت ان موتور الميتوبيشي مايفك 1600 يركب على الفيرنا وسمعت ان الهورس باور بتاعو جااااامد وتمنو بالعفشه والكنتروول والعدادت داخل في 9000 جنيه بس انا خايف اولا قواعد الشاسيه.... ثانيا/// حتبقى بهدله كبير جدا

نيجي للتسقيطه التالته:::انا سمعت ان موتور الهيونداي كوبيه هوه هوا اللي في الفيرنا بس 2000 cc وحيركب على العربيه على طول بدون لعب في الشاسيه والدنيا دي وحيدخل تقريبا في حدود 6000 او 5000 جنيه بحكتو برضو العفشه والكنتروول وانا سمعت من ناس كتير انو بيسقط للفيرنا عادي جدا

انتو ايه رئيكو في الافكار دي انا قولت الاولاني لاسباب ::::
اولا:مش حبهدل العربيه لان تقريبا في حوار التسقيط مش حيبقى في تكييف مش حيبقىفي قرايه صح للعدادات غير ان العربيه اكيد كل يوم عند الميكانيكي

ثانيا:اني انا اللي هعملو في الموتور بتاع العربيه هوه مجرد تغيير حاجات بس يعني بردو عمره

ثالثا:انا هعرف منين ان الموتور اللي حاجيبو مش مفوت او خفيف واجي اركب الاقيه في عيب يبقى لبست

رابعا:رقم الموتور دي حاجه والتراخيص وبهدلة المرور وروح وتعالى وورق الافراج الجمركي بتاع الموتور ودنيا تانيه صح

انا مستني منكم الاراء وكلنا نناقش الموضوع من كل الجهات ونجمع اراء وياريت كل عضو يقول هوه يقترح لانهي فكره الاولى ولا التانيه ولا التالته علشان من هنا هنعرف انهي فكره الاحسن ونا