الموضوع: سؤال للي معاهم الmcv اوتوماتيك

المشاركة الأصلية كتبت بواسطة gebreel

ياااااه يا مصطفى باشا اخيرا حد رد عليا في الصحراء اللي انا فيها دي

انا كنت عاوز اسأل على اداء الفتيس الاوتماتيك علشان هينزل في السيدان العادية

بالنسبة لعربية حضرتك الموتور هيبقى ال90 حصان اللي هو في السيدان اخبار السحب مع حضرتك ايه مع وزن العربية و كدة بالمقارنة مع السيدان

أنا آسف جدا ا/جبريل علي التأخر في الرد انا مدخلتش القسم من زمان

العربية بتاعتي موتورها 16 صباب 105 حصان فتيس مانيوال
مش زي السيدان المغربي لا في المحرك وكمان الفتيس مختلف
و طبعا السحب مختلف تماما العربية جرايه جدا و خصوصا و هي بدون كامل حمولتها
انا عامل حاليا 80 الف كم بالعربية و بسم الله ما شاء الله زي الفل
عندي بس مشكلة واحدة صوت ونه بيظهر في العربية بالذات في السرعة ما بين 60-80 كم/س مش عارف من فين و بتابع في التوكيل و المفروض انهم غيروا ترس الرابع في الفتيس و لكن المشكلة مازالت موجودة و هروح لهم تاني المقطم
للاسف لازم اسافر القاهرة بالعربية لان مركز الخدمة عندنا في الأقصر معندوش امكانيات لمشاكل الفتيس

بس بصراحة و احقاقا للحق خدمة مابعد البيع في رينو من احسن ما يكون ويمكن الافضل في مصر ضمان 100% و عمرهم ما بيتأخروا

غير كدا العربية زي الفل و بصراحة عمري ما ندمت اني اشتريتها وكان نفسي تكون فول اوبشن لانها هاف اوبشن لأنه مكنش بينزل غيرها 105 حصان ساعة ما اشتريتها و كانت الفول اوبشن في ال 90 حصان فقط اللي بتنزل بموتور السيدان 90 حصان 8 صباب

انا فضلت قوة الموتور عي الرفاهية و الحمدلله كان قرار موفق و صائب

انا بعتبر العربية دي فلته من رينو زي ما بيجو عملت ال 504 و ال 505 العربيات دي مبتتعوضش تاني