الموضوع: سؤال للناس اللي معاهم سيريون اتوماتيك

المشاركة الأصلية كتبت بواسطة أبو حمزة

كان نفسي أفيدك يا شريف بس انا مسوقتش أوتوماتيك غير عربيتي فمش هاقدر أقارن زي مانتا عملت

شكرا ابو حمزه

المشاركة الأصلية كتبت بواسطة أبو عبدالله

الفتيس فعلا مبينقلشي الا بعد سرعة معينه بس تقريبا ده في الأول والتاني بس على ما اعتقد
ولكن انا أظن ان كل الأتوماتيك كده يا شريف
يمكن القديم هو اللي مش كده
بس طبيعي مينفعشي تنقل التاني وانت على 10 كم

اما مسألة ان العربيه انعم لو الحاج توفيق مغير الكاوتش بأعرض فأكيد يبقى الكاوتش هو السبب طبعا

وبعدين يا شريف المسائل دي بتختلف من شخص لأخر حسب طريقة السواقة
يعني ممكن تكون العربيه عندك حرقها مش زي الحاج توفيق
ولا تنسى ان بوجيهات الحاج توفيق غير بوجيهاتك ده لو مكنش غيرها لموديل اقل
هو عموما عاوز اقولك على حاجه سبق وقولتها لمعاذ اول ما جاب عربيته
موديلات 2006 و 2007 انا حاسس ان ادائها اعلى بفارق ملاحظ من موديلات 2008 و 2009
ومتقوليش ليه بس ده اللي انا حسيته لما جربت كل موديلات 2008
حتى لو ماتور 1500 سي سي
انا حاسس ان عربيتي بتجري اكتر منهم
لو عاوز تجرب مره ابقى كلمني وقابلني ماشي يا جميل

عكش اللانسر والنيسان اللي حسب دوسه البنزين يعني ممكن تاخد التاني على سرعه 10 عادي على حسب ما انا دايس بنزين

ابو عبدالله منا كاتب الجمله اللي فوق دي النيسان عندي بتاخد النقله على طول طالما ثبتشويه عليها العربيه بتروح مريحه نفسها ونقله للتاني حتى لو 10
لكن السيريون بتفضله معلقه نفسها لحد ما توصل ال 20 انا مش فارق انا بس عايز اطمن انها كده طبيعي ولا فيها حاجه مع العلم انها كده من يوم ما جبتها لو كده الطبيعي بتاعها خلاص انا كده كده اتعودت عليها بس انا عايز اطمن مش اكتر
طيب بالنسبه للعفشه بقه انا حاسس انها ناشفه بس مفيش تخبيط او اي حاجه وثابته على الطريق زي الفل الحمد لله لكن ناشف اوي خصوصا في عيون القط والمطبات المتسلسله الي هي مطبات كتير صغيه وره بعض بحس انها كلها بتخبط فيا انا وفي العربيه يعني بحس بكل اي زلطه ياترى ده كاوتش بس ولا في حاجه اصل الحاج توفيق بيقولي ممكن يكونوالمساعدين طيب واعرف منين لو المساعدين
ومعلش طلب يابو عبد الله ممكن انزلك يوم تعمل تيست درايف لعربيتي شوف يوم يناسبك انزلك فيه بعد اذنك يعني لو مش هيضايقك

المشاركة الأصلية كتبت بواسطة MoToRiZeR

جزء كبير من نشوفية عفشة السيريون موجودة في نشوفية الكاوتش الدانلوب اللي نازل معاها اللي ناشف نشوفية التنين.

محمود باشا عاش من شافك ياعم انت اخبارك ايه
انا برده كنت معتقد ولازلت متأكد انه جزء كبير من النشوفي بسبب كاوتش الموتوسيكل ده شكلي هنزل اجيب طقم 14 مستعمل واجرب

ربنا يخليك يا ابو عبد الله
شوف انت الميعاد اللي يناسبك وقولي يعني اي يوم عادي

جورجووو صديقييي عامل ايه يا مان :)
انا العربيه اتعودت عليها كده بس انا خايف يكون ده عيب عندي انا عشان كده قلت اسال
انا مش عارف برده اوضح انا قصدي ايه بالظبط بس ان شاء الله هقابل الخبير بتاعنا ابو عبدالله واخليه يعمل تيست لعربيتي ونرود عليكم في الموضوع ده

وبرده شوفلي كده الحوار ده عندك كده ولالاء
وياترى العفشه عندك عامله ايه مع عين القطه والزلط والذي منه