انا اشتريت ماتور لعربيتي 128 من عزبة شلبي من 3 شهور تقريبا وكان البائع قالي ان ورق الماتور هيتبعت للمرور بتاعك من مرور بور سعيد فأنا موفقتش على النظام ده وقلتله انا مش هاخد الماتور الا وورقه في ايدي واوديه للمرور بنفسي , المهم انا روحت معاه في يوم لبورسعيد عند واحد فاتح مكتب كده في السوق اللي فيه قطع غيار العربيات والمكتب ده بيخلص ورق المواتير لاي حد بيقولو عليه المستخلص , وفعلا خد مني صوره الرخصه والبطاقه وقالي يومين والورق هيكون خلص , وفعلا جابلي الورق عباره عن ورقتين ورقه فاتوره الشراء باسمي وعليها رقم الماتور ودي من التاجر وورقه تانيه جواب من الاداره المركزيه لجمارك بورسعيد لاداره المرور ..
ده اللي أنا عملتو بس لسه مروحتش المرور عشان ارخص , المفروض اروح الاسبوع ده ان شاء الله.
على فكره فيه مواتير كتيره في السوق من غير ورق لان في احداث الثوره في ورق اتحرق تقريبا في مقر الجمارك في بورسعيد والتاجر قالي كده ان ورق الماتور اصلا اتحرق ومكتوب في الجواب اللي معايا ملحوظه بالشكل ده :
(وقد اعطيت هذه البيانات بناء على كتاب مرور بورسعيد نظرا لأحداث الاخيره دون أدنى مسؤوليه لجمارك بورسعيد .)
فانصحك تتصل بالتاجر وتتفق معاه تروحو بورسعيد وتقابله الشخص اللي بيخلص الورق والا ترجعلو الماتور .
المفضلات