شاري ماتور وافيدوني

**AhMeD MeTwAlY** · 02-02-2012 08:41 PM

انا اشتريت ماتور لعربيتي الفليشيا من المنصوره وكان الراجل وانا معاه قالي هبعت الورق باسمك في المرور قولت مفيش مشاكل الكلام ده من شهر وبعدين روحت المرور من يويمين سألت علي الموظفه هناك الي المفروض بتمشي الساعه 3 كانت ماشيه الساعه 1 روحت تاني يوم الحمد لله لقتها طلبت مني فاتوره او الافراج الجمركي قولتها مش معايا قالتلي روح جبهم من الي اشتريت منه شوية واتصلت بالراجل وانا تحت قالي اديها رقم الماتور الجديد وهي تشوف الورق بتاعه جه ولي لا وبس لما طلعت ليها لقيتها بتقولي انا اسفه انا لازم امشي نزلت تحت طبعا لقيت عسكري بقولو هو المفروض الناس دي بتمشي امتي قالي 3 قوتله .... يا مصر قالي في اية قولتله الموضوع قالي اسأل في الشباك ده سألت قالتلي الورق بيطلع من بورسعيد علي القاهره وممكن يجي الزقازيق وانت ونصيبك انما ميجيش عندنا ديرب نجم
هل الكلام ده صحيح لازم اروح اجيبه من القاهره؟؟
ولي ممكن يجي المرور عندنا؟؟
مع العلم انا مطلع الرخصه وانا في مكتب الظابط وكان نفسي اشوف الناس وهي بتتعامل معانا باحترام انما للاسف لازم وهنزل اروح ليها بردو يوم السبت او الحد بس بوسطه واشوف هعرف اشوف الورق ولي لا
وانا اسف للاطاله

**Kareem Fawzy** · 02-02-2012 09:13 PM

اللى اعرفه لما كنت شارى موتور للعربية القديمة لازم يكون معاك فاتورة فيها اسمك
ورقم موتور العربية
ورقم الشاسية ونوع العربية
وكمان يبقى معاك صورة من الافراج الجمركى للموتور مختومة بختم النسر
كل دة ملوش علاقة بالورق اللى عندهم
كل دة علشان يدورلك على الورق اصلاً