الموضوع: العربيات الي ملهاش ورق؟

المشاركة الأصلية كتبت بواسطة Deshahcoka

رجالة في حورا منتشر اليومين دول سمعت عنه

العربيات الي نازلة من ليبيا الي مش بترجع و بيبيعوها هنا باسعار رخيصة جدا! و في حورا العربيات الجمرك برضه الي مش بترجع ( مسروقة محروقة اي حاجة ) بعيد عن العربيات المسروقة ملناش دعوة بيها و ربنا يكفينا شر الحرام :)

ينفع الواحد ياخد المكنة من عربية من دول و يثبتها على عربية اختها هنا في مصر ؟ عشان انا سمعت في نس بكوسة اكبر من كدة عملوا ملفات للعربيات ديه فهل قانوني اثبات موتور كانه جي استيراد ؟

الف شكر

فى موضوع اتعمل شبه الموضوع ده قبل كده عن عربيات ليبيا و الرابط اهو و يا رب يفيدك

http://www.nilemotors.net/Nile/267848-a.html

لا ياباشا انا مكنش قصدي تريخص الكربية بالكامل! الواحد حياخد منها الموتر و يرخصة على عربية في مصر اساسا سليمة و بالتالي حياخد الصالون و كدة يعني !

المشاركة الأصلية كتبت بواسطة m_elkhishin

طبعا مينفعش لأن الموتور الاستيراد عشان يترخص لازم يكون له افراج جمركي، والافراج الجمركي مصلحة الجمارك هي اللي بتبعته للمرور الي حترخص فيه ولا يمكن أن تمسكه بيدك. فقط تقدر تاخد صورة منه

اها ! يعني العربية تصفى على قطع غيار للعربية بتاعتي و شكرا !

المشاركة الأصلية كتبت بواسطة MASERATI

السلام عليكم و رحمة الله و بركاته

أنا اللى أعرفه أن:

1 - العربيات اللى مالهاش ورق ممكن تيجى من أى مكان و ليبيا مش أرخصهم و لا حاجة, ممكن تلاقى فى ألمانيا أرخص.
2 - أن العربيات اللى بينضربلها ورق دى ممكن تودى فى داهية بالراااااااااااااااااااحة خالص حتى لو عملت الموضوع ده و ركبت العربية كااااااااااااام سنة, ساعة مالعصابة بتقع, بيدل على كل العربيات اللى ضربها و بيجيبوها و كل اللى اسمه اتربط بالعربية بيتجاب و بيلبس, و بتبقى قضية أمن دولة و كان فيه من كام سنة كده قضية اتاخد فيها لواءات شرطة كانوا ملطوطين فى الموضوع ده.
3 - لو العربية اتسرقت منك, فعلا بيبقى مطلوب منك أن تدفع جماركها على دااااااااااااير مليم و مرة كان واحد معاه مرسيدس معدلة جمرك مو 83 و اتسرقت و كان عامل اعلان 20000 جنيه مكافأة للى يلاقيها.
4 - لو عاوز تشد عربيتك بقطع غيار نظيفة و رخيصة, ممكن تجيب من ألمانيا العربية اللى أنت عاوزها و تقطعها هناك و تدخلها مصر متخردة عشان يبقى موتورها بورق و تعرف تثبته على الرخصة.
5 - اللعب فى العربيات اللى منغير ورق, بيبقى مهروش و بيبقى عامل زى واحد فارش و بيبيع حشيش و بانجو أودام وزارة الداخلية و لو لاقدر الله, اتلطيت, هتبقى مصيبة سودة و من غير لازمة.

بالتوفيق ان شاء الله .

حلوة النقطة رقم 5