الموضوع: تقرير عن فليشيا 95 بعد اجراء العمره

السلامو عليكم
النهارده عربيتي تمت 1000 ك بعد العمره وطبعا انا غيرت زيت بدري شوية علي 500 كيلو ورجعت تاني غيرت زيت علي 500 كيلو الكلام ده امبارح
والنهارده كانت الاختبار
اول مرحله
في الاول بعد لما العربيه طلعت من عند المكانيكي وصلت البيت بدون ما ادوس بنزين نهائي وبعدين وقفت في المدخل بتعها واخدة صفيحة بنزين وهي مكنها بدون حركه وكل يوم ساعه

تاني مرحله
بدأت امشي بيها كل يوم 6 كيلو كده بدون ضغط بنزين لحد لما وصلنا 200 كيلو بدأت اشد عليها شوية في المشي يعني امشي 40-50 كده وبردو نفس المسافات يوميا لحد لما وصلنا 500 كيلو وغيرنا زيت

تالت مرحله
بدات اشد علي العربيه شوية كمان 60-80-100 بس 100 دي كانت نادر جدا وبدات اشد علي الغيارات شوية يعني الاول 30 التاني 60 التالت 70-80 والرابع والخامس لما بكون ماشي برحتي
وغيرت زيت تاني
المرحله الاخيره
وبدأت النهارده الساعه 10:35 ص وقفت حطيت مايه وبصيت علي الزيت كله تمام
هع هع هع فركه سمعت صوت كنت هموت اسمعه
وطلعنا بقئ 100-120 لان الطريق كله مطبات مش عارف اخد رحتي بس مسكت واحد بتاع هيونداي اكسنت موديل 2005 تقريبا لان مش متابع اخبرها خليته دغدغ العافشه اكلته المطبات مطب مطب
طيب خلصت حجات كنت رايح اعملها (بقدم علي شغل ادعولي)
وطلعت الكلام ده اخد نص ساعه وطلعت من هناك الساعه 12 كده ورحت علي الجامعه طلعت المكتبه لقيتها قافله زي العاده
نزلت مشيت الساعه كانت 12:30 وقفت مع صحابي شوية
وطلعنا طريق مفتوح اول وصله 100-120 وبعدين عديت مطب 140 وانا ماشي علي الرابع كان بتنافس معايا واحد بتاع شاهين بس ربنا كرمه ومعرفش يوصلي انا مش كملت عن 140 لان في عربيه نقل قطعت الطريق بالعرض بياخد دوران
بس بجد العربيه عجباني اوي اوي اوي ومؤشر الحراره 85 وبس ووصل للنص لما كنت ماشي برحتي بس طول ما انا ماشي بسرعه مفيش حاجه اسمها تسخن مع ان الجو كان حار شوية عندنا
والي اللقاء في المره القادمه
AhMeD MeTwAlY