الموضوع: تقرير عن تغير البطاريه ومسامير العجل الخلفي

تقرير عن تغير البطاريه ومسامير العجل
اخوكم الحمد لله اول واحد منحوس في العالم ويمكن اكون اول واح لقي عظم في الكرشه
وزي ما المثل بيقول المنحوس منحوس ولو علقوا علي دماغوا فانوس
القطع لان الموضوع طويل :-
بطاريه هجبلكم بكرة او بعده سعرها ونوعها
كبل بطاريه ب60 جنيه
عدد1 مسمار +1 صاموله =20
عدد 4مسمار اطول من الفابريكه + 4صاموله =20
مصنعيه المكانيكي =20
وانا هقلب الحج في 20 جنيه حق شيل البطاريه ههههه
الاستفسارات :-
فتحت علبه زيت الباكم هل كده ممكن تاخد هواء
المسامير الاطول ممكن تعمل مشكله ولالاء
ايه الي خلي المسامير تقطم وتبقي مزرجنه بالشكل الفظيع ده

[gdwl]البدايه[/gdwl]

يوم الخميس

وانا راجع من اسكندريه

الساعه 10:30 كنت هلبس في الحاجز الي علي الطريق لان النور ضعيف بقاله فتره بتاع شهرين واخدنا قرار بتركيب زينون

الساعه 11 بليل وصلت من اسكندريه السكه اصلا واخده 3 سعات بحلهم علشان الزراعي مرشق مطبات L الساعه 11:10 ركنت تحت البيت

الساعه 2:20 صباحا وهنا الصاعقه سبت الانتزار شغال ادور مفيش نهائي يابنت الحلال يهديكي يرضيكي ابداااااااااااااااااااااا ااا بعت جبت جوز اختي جالي ياعيني وروحنا شترينا كبل بطاريه هاااااه النور نور فقط لاغير

الساعه 3:00 تقريبا كنت هاولع في العربيه ياااااابنت الحلال جيباني 3 سعات يعني تبقي تدوري ابدا طب روحي الجراش ابداااااا

الساعه 11:30 بكلمها هاه دا انا بحبك دورت طلعتي الaf في وشي وروحت ادور بتكتك وقفت تاكسي اسف التاني حاضر لاء الكبل قصير –التالت وصلي فعلا ومقمتش بس التكتكه زادت

الساعه 12:00 طنطنطنتااااا الفرده نايمه وانا لازق في الرصيف هااااااااااااه اهبب ايه قولت مش مشكله قولت هارخي الصواميل وبقي ارفعها واتحمل شويه القرف دول حط الصليبه اعزم هاه بيدور تكككك المسمار قطم ورحت اصلي الجمعه

الساعه 1:05 روحت جبت بطاريه والله نسيت اسمها لاني اخذتها من عمي والدي هيبقي يحسبه بس هوا شغال في توكيل ران ستون فغالبا هتبقي ران ستون جافه جبتها 60 امبير وقلت اشوف القديمه حطها علي الجهاز عنده طلعت 6 !!!!!!!! قام قلي احمد ربنا انها وصلتك قلي دي فصلت وعملت وووو

الساعه 1:20 ركبت البطاريه دور هيييييييييييييييييييييه بس والدي نسي يسبلي مفتاح الكلبش ياااااااااد الليله الي مش هتعدي ج قلت خلاص همشي بالهند علي اساس ابعدها عن الرصيف كنت هشيل قفص فاكهه يلا الحمد لله وجري جبلي المفتاح الله يكرمه

الساعه 2:00 وفاه المسمار الثاني وعملت تلفون

الساعه 3:00 وفاه المممار الثالث ومعرفتش اتحرك

الساعه 3:30 نجاه المسمار الرابع وكنت هرقص بلدي في الشارع

الساعه 4:00 واحد جرنا الله يكرمه يارب معايا مسبنيش دقيقه والله جابلي مكانيكي

وبدات رحله البحث عن مسامير

لقيت محل استغل الظروف فا اخذت

عدد 1مسمار بصاملته و1 صموله ب 20 جنيه قد الفبريكه بالظبط

بعدها روحنا لقينا محل

قلت اسال

اداني مسامير

عدد4 مسمار + اربعه صاموله =20 جنيه اطول من الفابريكه

روحت قلت اتخانق وانا روحي كانت في مناخيري

بعدها لقتي بقول كلام مكنش في دماغي اني اقوله قولته الراجل باعلي طقم كامل ومرضيش يبعلي 3 قالي خلاص ورجعه

الساعه 5:30 فكينا الطنبورة الي ورا عايزين شاكوش فين وين هااااااااه مفيش مممممممممممممممم تاكس

روحت لواحد بتاع كاوتش وركبنا المسامير عنده كام مرضيش

الساعه 6:30 اتزنقنا في زيت باكم علشان مش عارف ايه والاكس فتح علبه زيت الباككم وحط فيها منديل و مسح بيه علي حاجه شبه الدايرة نزلت صدا كتير وقالي زيت الباكم ناقص خالص زوده وقالي التيل الي وا ملبط وعايز يتغير والي قدام كمان عايز يتغير دا من الصفافير الي شغاله في العربيه

وقالي علي تيل كل سواقين تاكسي الاوبترا بياخدوة اسمه فيريسكا !!!!!!!!!! بكام ب 80 !!!!!! اذا كان لما كنت بجيب الكوري ابو 95 ريجلي الطنابير وصفر تاني يوم اما طيته قلي اصل الكوري وحش قلته طب برضه مش معقول قلي ابقي تعالي عندي الورشه وجرب

كام صحيح 20 جنيه

الساعه 6:45 رجعت وتقريبا كنت ناوي انتقم من العربيه ومن اللي عملته فيا بعدها لدركه الشنطه واخده بوسه من قدام البربريز بس السايس غسلها

من يوم الاثنين بقي ساعه قبل ما اروح اسكندريه كان خط سيري

الزقازيق –القاهره-الدائري من الحي العاشر- صحراوي اسكندريه –الهانوفيل

كانت والدتي في مصر عند خالتي روحت اجبها

طلعت 4.30 الفجر مطرت يلا اوكيه 5:30 كنت في السلام ووصلت علي الساعه 6 عقبال ما طلعت وشربت

ومشينا علي الساعه 6:30 مطرت بس الطريق بيلمع بس وصلنا الصحروي ةاحنا ماشين تنديع خفيف بعديها مطرة خفيفه ولما وصلت اسكندريه نزلت بقي في بركه غيرت لون العربيه من سماوي الي بني مط ووصلت 9:50 وطلعت مش نمت لاء موت المهم بعدها بيوم قلت انضف حبيبه قلبي وبعد شغل ساعه بقي هااااااااااه ووطيت راسي في الارض لقيت حاجه زي الفريز خبطط في قفيا ببص فوق نقطه وقعت علي راسي ولمده 2ثانيه رافع راسي وهوووووووووووووووب ترااااااااااااااااااااخ تشششش سيول وقعت مرة واحده نطيت جوا العربيه وكان ناقص اعيط ساعه ونص يا مفترين قعدت بتاع ربع ساعه كده وبوووووم وبرق ورعد بس كان قمبله والله قمبله لدرجه العربيه اتهزت سمعت دي من هنا تقريبا كنت ماشي 220 علي السلم وملعون ابو العربيه ياعم

والسلام عليكم واسف جدا علي اللاطاله لاني كان خلاص هيجلي شلل خماسي

حبيبي يا دكتورك:-))))))))