الموضوع: لو انتوا مكاني هتعملوا ايه ؟

من كام يوم كده يا جماعه والدي قالي رامي خد التويوتا و دي عربيتي و عربيه والدي قبل ما اجيب كوكي حبيبه قلبي ههههههه المهم قالي خدها وديها البنزينه تتغسل بودي و ماتور و صالون و زبطها قولتلوا حاضر يا حاج من عنيا المهم كسلت اروح لحد البنزينه في عندنا مغسله كده في المنطقه قولت اغسلها فيها و خلاص . المغسله دي عامله بالظبط زي بنزينه بس طبعا مش بتبيع بنزين هي غسيل بس و جمبيها محل ملحق كده بيبع زيت و كده المهم خدت العربيه و نزلت روحت لقيت العربيات الي هتغسل راكنه الناحيه التانيه عشان متقفلش الشارع طبعا زي عدتي واخد العربيه و مشغل السديهايه بتاعت عمرو دياب الله يحرقها هي الي ودتني في داهيه ههههه و كنت قافل الازاز اول ما ركنت مع العربيات لقيت واحد كده جي عليا افتكرتو من البنزينه هو كان بيقول حاجه طبعا مسمعتهاش قولت افتح الازاز اشوف بيقول ايه اول ما فتحت الزاز قام سايبني و ماشي المهم محطتش في دماغي و نزلت من العربيه لقيت بتاع البنزينه جايلي و اسموا عم ايوب راجل كده زي العسل و معرفه قديمه يعني هتغسل يا بشمهندس اه هغسل يا عم ايوب ادامي كام واحد قالي اودامك ٥ عربيات طبعا كنت هشتموا ههههه قولتلوا لا الكلام ده مينفغش انا هدخل بعد العربيه الي خارجه دي قالي طب بص سيبهالي انا ادخلها عشان محدش يتكلم قولتلوا اشطه
بس سيبتلوا المفتاح و روحت علي محل الزيت لما لقيت عليه استيكر ليكوي مولي قولت لما اروح اسأل كده عشان كوكي لما اجي اغيرلها زيت ابقي اغير موبيل ١ ب ليكوي مولي بس فدخلت و استفسرت و كده و طلعت ببص علي العربيه لقيت الفاجعه و المصيبه السوداء !!!!!!!!!!!!!!
لقيت التيت الي كان بيكلمني و انا قافل الازاز نايم تحت العربيه جريت عليه بقولوا بتعمل ايه يا عم انتا قالي فكيت طبه الزيت يا باشا ساعتها حسيت باستبحسس بتنجناوي ههههههه و كنت هاكلوا بصراحه قولتلوا ليله اهلك سودا انا قولتلك غير يا بني ادم قالي اه يا بيه ما انت هزتلي راسك وانا بقولك هتغير زيت بس فا بصراحه لقيتوا غلبان قولتطب اسيب السب و الشتيمه للناس بنت ستين في سبعين هههههه
المهم قولتلوا خلاص كمل يا عم ربنا يسامحك بس هتخليني اغير زيت و مش لعربيتي و كوكي اصلا الزيت فيها طينه هههههه بس فا قولت دفع بدفع اغير ليكوي مولي ف جيبت عبوه كده ب ١٢٠ مكتوب عليها 50w بتعمل ٥٠٠٠ كيلو
بس و غسلت و مشيت
طبعا ماشي مقهور علي ال ١٢٠ جنيه هههه
غير كده الي كان محسرني ان الزيت نازل لونه اصفر غامق من المكنه ده كان لسه متغير من يومين تلاته
طبعا دي حاجه من غباء الصنايعيه في مصر قولولي بقه انتوالو مكاني تتصرفو ازاي

اها طبعا مش عايز قاقولكوا ان صوت المكنه وطي بطريقه فعلا جميله جدا لدرجه اني كنت انهارده بالعربيه برا كنت بجيبلها كرتيره عشان ظروف شغل والدي مش مساعداه انو يفوق للعربيه عشان كده العربيتين علي دماغي انا بس طبعا عربيته هو يدفعله ههههه ف كنت واقف بجيب حاجه و الله من صوت المكنه الهادي قومت مدور المفتاح و العربيه دايره افتكرتها مبطله
و الحمد لله خدت ال ١٢٠ من الحاج ههههه و هغير ليكوي مولي انا كمان
يلا عايز اعرف. لو مكاني تعملوا ايه ؟؟؟؟
معلش طولت عليكم ..

يعني نفهم من كده ان عمرو دياب خد توكيل ليكوي مولي :)))))))))))))))))))))