ريموت الاكسنت باااظ ... ضروري لو سمحتم

**hazememam14** · 11-02-2012 07:32 PM

استحملوني شوية انا ضيف من فيات :))
الريموت بتاع النيو اكسنت انتهي تماما وغيرنا البطارية بتاعته ماشتغلش برضه واللي شغال دلوقتي الريموت الاحتياطي بس .. وعايز اعمل واحد تاني بس عندي استفسارات :
- هل لازم يتعمل في المركز الرئيسي في قليوب او ابو رواش ؟؟ ولا ممكن مركز معتمد ؟؟ ولو في حاجة في المنصورة او بورسعيد ياريت تدلوني .
- هل لازم العربية نفسها تروح المركز ولا بيتعمل حسب الكود اللي مكتوب علي الريموت ورقم الشاسيه وكده ؟؟
- لو مش لازم العربية تروح .. يبقي اللي يروح هياخد معاه ايه ؟؟ رخصة العربية مثلا او حاجة تانية ولا ايه بالظبظ ؟؟
- اخيرا التكلفة حوالي قد ايه ؟؟

**Speed_1747** · 11-02-2012 08:34 PM

عندى نفس المشكله ... بالظبط !!!
و عاوز اعرف زيك ...

متابـــــــع :)

**m7mda7md** · 11-02-2012 08:42 PM

حاول تصلحه الأول.........شوف حد من اصحابك او قرايبك ليه في الالكترونيات........بس عندي كام سؤال..........اعتقد الريموت فيه ليد او لمبه صغيره.....ياتري بتنور لما بتضغط ع اي زرار ولا لأ...........الريموت باظ مره واحده كده ولا جه عليه ميه او خد خبطه شديده ؟

**hazememam14** · 11-02-2012 08:53 PM

المشاركة الأصلية كتبت بواسطة m7mda7md

حاول تصلحه الأول.........شوف حد من اصحابك او قرايبك ليه في الالكترونيات........بس عندي كام سؤال..........اعتقد الريموت فيه ليد او لمبه صغيره.....ياتري بتنور لما بتضغط ع اي زرار ولا لأ...........الريموت باظ مره واحده كده ولا جه عليه ميه او خد خبطه شديده ؟

ايوة اللمبة بتنور لكن مش بتعمل حاجة ...قبل كده كان ساعات السنتر اللي بيعلق بس يعني لما تيجي تقفل العربية تعمل صوت الانذار بس السنتر مايقفلش ...لكن دلوقتي العربية مش بتعمل اي استجابة للريموت خاالص .. وده فجاة من غير خبطة ولا ميه ولا اي حاجة

**adel1212** · 11-02-2012 09:42 PM

لسبب او لاخر الريموت فقد البرمجه الخاصه بالجهاز
حول تشوف اى حد يكون خبرة يساعدك في اعادة البرمجه
تحياتى

**original** · 11-02-2012 09:57 PM

مش فاهم سبب زعلك!! هوا مش برده عند حضرتك الإنذار المضروب بتاع غبور وللا عندك الكورى الأصلى؟؟
ياسيدى دا أنا من غير حاجة كنت هخلع الجهاز وأركب واحد يفتح الشنطة وفعلا فى السوق موجود واحد شبهة تماما ومكان علامة هيونداى زرار
عمتا أنا كان عندى نفس المشكلة بس فتحته وغسلت اللوحة اللى جوا الريموت بمزيل الصدأ وفرشة سنان وركبتله 3 بطاريات يابانى مش صينى وإشتغل أحسن من الأول بس شكل الريموت بتاعك فيه مشكلة أكبر من كده عشان بتقول إنك جربت قبل كده!!

**m7mda7md** · 11-02-2012 10:06 PM

طيب تمام......شوف حد من الناس ال قلتهالك يبص عليه لأن بصراحه هتروح التوكيل هيلهفوا مبلغ محترم و عن نفسي مش شايف اي داعي لكده طالما مكونات الريموت سليمه كلها او اغلبها.........ممكن تجرب حكايه التنضيف و بص علي لحامات الجزء الخاص بالاشاره.........اتصرف و متروحش التوكيل ههههههههههههههههههههههههه ههههههههههههههههههههههههه ه

**sabregas2010** · 11-02-2012 10:13 PM

الموضوع ما يستهلش انك تشغل بالك بيه اصلا لان الانذار اللى مركبه غبور صينى ومركبه هنا فى مصر يعنى العربية جايه من غيره وانا عموما غيرته لانه كان بيعلق وركبت بتاع السيراتو وعملت فتح الشنطة من الريموت
والموضوع من اسها ما يمكن

**original** · 11-02-2012 10:24 PM

نسيت أقوللك إنك هتشترى إنذار كامل فى حدود 150-200 جنيه وإحتمال كبير هيركب على نفس الفيش يعنى مفيش أى لعب فى الضفيرة وهيشتغل تمام وخللى القديم عندك لما تيجى تبيع إبأا ركبه
ولما تفتح الفيبرة اللى تحت الدريكسيون وتلاقى حاجة وقعت ومدلدلة قدامك ماتصعقش عشان هوا ده الإنذار الصينى اللى إنتا خايف عليه
ممكن تلاقى إنذار شبهه فى السوق وتاخد البورده تركبها جوا جسم الريموت بتاعك بعد ما تركب جهاز الإنذار الجديد

**Kareem Fawzy** · 11-02-2012 10:41 PM

المشاركة الأصلية كتبت بواسطة original

نسيت أقوللك إنك هتشترى إنذار كامل فى حدود 150-200 جنيه وإحتمال كبير هيركب على نفس الفيش يعنى مفيش أى لعب فى الضفيرة وهيشتغل تمام وخللى القديم عندك لما تيجى تبيع إبأا ركبه
ولما تفتح الفيبرة اللى تحت الدريكسيون وتلاقى حاجة وقعت ومدلدلة قدامك ماتصعقش عشان هوا ده الإنذار الصينى اللى إنتا خايف عليه
ممكن تلاقى إنذار شبهه فى السوق وتاخد البورده تركبها جوا جسم الريموت بتاعك بعد ما تركب جهاز الإنذار الجديد

هو دة اللى انا كنت داخل اكتبه بالظبط..،،
بالتوفيق

الموضوع: ريموت الاكسنت باااظ ... ضروري لو سمحتم

LinkBack

أدوات الموضوع

عرض

-

-

-

-

-

المواضيع المتشابهه

بخصوص الاكسنت ال rb ضروري جداااااااا

ريموت الاكسنت من غير صوت

لوسمحتم محتاج ريموت طاره بيونيير ضروري

سؤال ضروري لملاك الاكسنت

لو سمحتم ممكن حد يساعدني (مفتاح ريموت كونترول)

الكلمات الدلالية لهذا الموضوع

المفضلات

المفضلات

ضوابط المشاركة