للاسف اللانوس عملت حادثه ( الحمدلله ) ومحتاج ارائكم

**kimo-nubira** · 14-02-2012 03:51 PM

الحمدلله رب العالمين علي كل حال بس مبدأيا كده العربيه اللانوس خدت خبطه جامده شويه من ناحيه اليمين الرفرف والباب اليمين

الرفرف ممكن يترد عادي وهيحتاج رش بس الباب واخد الخبطه في العضم من عند الشفه والمفصلات واتني الناحيه التانيه

اخدتها ورحت للسمكري قالي ان الباب هيتحتاج يتغير

انا كان عندي امل اني ارده بس للاسف ماينفعش دلوقتي محتاج باب يمين

وللاسف بارضو ان النوبيرا بتجدد سمكره ودوكو ومش عارف اتحرك من غير عربيه

حد عنده خلفيه عن اسعار البيبان استيراد ومش شرط يكون باب كامل

انا هافك الفرش والمكن الكهربا والازاز والمرايه واركبهم فيه انا عايز الصاج بس .. وشكرا للرد مقدما

**MMamdouh** · 14-02-2012 05:25 PM

قدر الله و ما شاء فعل

روح لسيد العجوز و قولة انك من طرفى و هو يعملك حوار الباب دة... انا عملتة فى عربية الوالد لما اخدت نفس الخبطة دى

MMamdouh

**ahmedezzat78** · 15-02-2012 12:39 AM

راى تغير الباب احسن

ممكن يعمل 200 الى 250

**MMamdouh** · 15-02-2012 11:30 AM

المشاركة الأصلية كتبت بواسطة kimo-nubira

متشكر جدا يا كبير علي ردك بس فين سيد العجوز ده يا دوحه

وبص كده علي الخبطه ديه هى هى تقريبا بس عندي اقوي شويتين بص كده واديني رأيك تستاهل تغير باب ولا لاءه ؟؟

سيد العجوز فى عرب المعادى... بص على الخريطة

الخبطة عندك فعلا اقوى من عندى و لو هتتعمل هتبقى مقرفة للصنايعى و اكيد هيطلب فلوس كتير

انا شايف انك تروحلة برضة و تسالة لو الخبطة دى اتصلحت تكلف كام... لو المصنعية قريبة من تمن الباب يبقى اشترى باب... انا لما حصل عندى الخبطة دى كان الباب ب500 جنية و هو قاللى هياخد 150 او حاجة كدة فا صلحتها طبعا... الوضع معاك مختلف... النهاردة الباب مش غالى كدة و الخبطة عندك محتاجة شغل اكتر فا اعتقد شراء الباب هيكون حل اقتصادى اكتر

MMamdouh