محتارة جدا يا جماعة

**hanaa2012** · 23-02-2012 01:51 PM

انا عاوزة اعرف رايكم فى اختيار سيارة مناسبة لاسرتى انا مش بسوق جوزى هو الى هايسوقها احنا كان عندنا سيارة فولفو مويل 85 وكانت تعبانا فى قطع الغيار كتير مش بنلاقيها احنا كل اللى معانا حوالى 47 الف عوزين عربية كبيرة لاسرة خمس افراد مش مهم تكون حديثة او سى سى قليل بس متكونش بتعطل كثير علشان احنا بنسافر بيها دائما وعلى فكرة المرسيدس المعدل (79-84) انا مش بحبها معرفش لية وبس فى ناس رشحت لجوزى حاجه اسمها ص126 على ما اعتقد ال 280 بس احنا منعرفش عنها حاجة ولا قطع غيارها اخبارها اية وفمن فضلكوم يا شباب افيدونى قبل ما نتدبس فى حاجة ز

**Dr'AhmZZong** · 23-02-2012 01:58 PM

أنا من رأي تشوفي حضرتك فيرنا موديل 2007 أو 2008 .. قطع غيارها في كل حتى و برخص التراب ..

**alaasaid** · 23-02-2012 03:02 PM

السلام عليكم

لو ناويين على عربية مستعملة بالمبلغ المتوفر معاكم يبقى أفضل حاجة فيرنا أو لانوس موديل 2008 او تدفعوا المبلغ دة مقدم و تقسطوا الباقى و ساعتها الاختيارات هتكون كتيرة زى نيسان صنى و أوبترا و دة يتوقف على ميزانية الاسرة

**samyyousef** · 23-02-2012 03:10 PM

كابرس كلاسيك موديل 1991

**hanaa2012** · 23-02-2012 03:45 PM

المشاركة الأصلية كتبت بواسطة samyyousef

كابرس كلاسيك موديل 1991

هى الكابرس دية ليها قطع غيار متوفرة فى مصر ويا ترى هى انجكشن ولا كربراتير وكام سى سى

**3ateef** · 23-02-2012 04:24 PM

فى الرينج دا هيكون افضل الخيارات كورى...
او يابانى تسعينات مثلا...

بالتوفيق..

**midobond** · 23-02-2012 04:37 PM

انا لو مكان حضرتك يبقى نوبيرا و انا مغمض
عربية صالونها واسع جدا عائلية موتور محترم مش خفيفة اوى زى اختها لانوس و يا حبذا لو تعرفى تخلصى نفسك من المرور و لجان المرور يبقى تنزلى على بورسعيد تشوفى نوبيرا معاقين
كانت معايا واحدة موديل 2002 كانت جاية من المانيا اتوماتيك العربية جاية ماشية 80 الف كيلو و لما بعتها كانت عاملة 200 الف كيلو و مغيرتش فيها مسمار يادوب بنزين و زيت و تيل فرامل و عشان مبقاش كداب انا غيرتلها ريدياتير لما عملت معايا 50 الف كيلو كأمان للفتيس لان ماسورة زيت الفتيس ماشية جوا الريدياتير مش عشان ضرب نيجى بقى للكماليات اللى كانت فيها تكيف تاتش كاسيت تاتش مالتى فانكشن فى الدركسيون و ايرباج و مثبت سرعة و تابلوه ابانوس ده غير انى كنت حاسس ان ثباتها عالى جدا غير الدايو اللى هنا فى مصر و جنوط اسبور كمان كانت سابقى جيلها ب 10 سنين و لما بعتها و هى عاملة 200 الف كيلو خدى بالك و موديل 2002 بعتها ب 57000

**Sehsss** · 24-02-2012 10:02 AM

الرقم ده ما يجيبش غير حاجة كوري، وأرشحلك دايو لانوس، قطع غيار متوفرة، تتميز في وجهة نظري عن الفيرنا بالعمر الافتراضي للموتور (ألماني)، وربنا يوفقك للخير