الموضوع: نفسى أتجوز ومليش نفس تنصحونى بأيه؟

انصحك إنك تتجوز ومش هتندم بإذن الله
أنا متزوج منذ أكثر من ثلاثة اعوام وأب لطفلة والحمد لله حياتي اتغيرت خالص بعد الزواج
سعة في الرزق وراحة بال
بالتأكيد هيكون فيه مشاكل بين الزوجين ودا طبيعي جداً لأن كل واحد ليه وجهة نظر مختلفة
المهم كيفية حل هذه المشاكل بشيئ من الحكمة والصبر
عموماً ربك هو إللي بييسر ولو رزقت البركة في زواجك عمرك ما هتندم معاك إن الزواج بيقيد الواحد شوية في خروجاته وشيئ من حريته لكن لحد إمتى الواحد هيقضيها خروج مع أصحابه وسفر ورحلات وسهر
ممكن تعمل كل ده مع إنسانة بتحبها وتحترمها وهي بتبادلك نفس الإحساس
المهم لا تنسى حاجتين اساسيتين
-النية الصالحة
-الاجتهاد ثم الاجتهاد في اختيار الزوجة الصالحة حتى لو قعدت تدور سنين مع الاستخارة

تقبل تحياتي وأسأل الله أن ييسر لك كل خير