هيونداى i 30 cw

**ehab_hamed** · 10-03-2012 10:57 AM

ياجماعه عايز اعرف رأيكم فى العربيه الهيونداى i30 cw اللى هى الموديل الكبير من الـ i 30 هل فيه حد شافها او جربها وايه رأيكم فيها وموجوده فين فى انهى معرض؟ وانهى افضل هى ولا الكيا الكارينز؟
وشكـــــرا

**Land_Cruiser** · 10-03-2012 11:42 AM

المشاركة الأصلية كتبت بواسطة ehab_hamed

ياجماعه عايز اعرف رأيكم فى العربيه الهيونداى i30 cw اللى هى الموديل الكبير من الـ i 30 هل فيه حد شافها او جربها وايه رأيكم فيها وموجوده فين فى انهى معرض؟ وانهى افضل هى ولا الكيا الكارينز؟
وشكـــــرا

خللى بالك الكارينز شكلها هيتغير ابتداء من ٢٠١٣ و نازل شكل جديد كليا

**Hosam_Optrawy** · 10-03-2012 05:32 PM

وال i30 اتغيرت خلاص

**Kareem Fawzy** · 10-03-2012 08:24 PM

انا رأيي تستنى لحد الصيف
وتجيب الكارينز الشكل الجديد

**mahmoud_afifi** · 11-03-2012 03:17 PM

المشاركة الأصلية كتبت بواسطة ehab_hamed

انا رحت النهارده غبور - ابو رواش علشان اشوف العربيه هناك اللى هى I30 cw لقيت اللى موجوده هناك عربيه واحده وموديل 2011 ومش حينزل منها 2012 لأنهم بيقولوا هناك ان الشكل بتاعها حيتغير بس لسه مافيش معلومات مؤكده عن ميعاد وصولها مصر. وطبعا ده خوفنى انى اشترى العربيه لأنها مش منتشره خالص وحتبقى مشكله فى قطع الغيار خصوصا بالنسبه للأكسسوارات بتاعتها. والعربيه فيها فئتين الهاى لاين سعرها 146 الف والفئة البيسك سعرها 122 الف. بس المشكله ان العربيه قليله ومش موجوده حتى فى التوكيل غير 3 او اربع عربيات متوزعين على امعارض المختلفه للتوكيل.

بس وانا هناك شفت العربيه IX 20 عربيه تحفه برضه وواسعه وجميله جدا بس برضه بيقولوا هناك انها لسه نازله قريب، مش عارف انتشارها حيبقى شكله عامل ازاى. فالعمليه بقى اتلخبطت معايا واحترت اشترى ايه ولا اعمل ايه. انا غالبا حعمل برأى الاخ كريم فوزى واستنى لغايه الصيف تكون الدنيا وضحت
شكرا ليكم ولأهتمامكم.

الميزه الوحيده في الi30 cw انها تقفيل اوروبي (او مواصفات اوروبي) والكلام ده من كلام موظفين ابو رواش. اما غير كده مفيش اي ميزه ومش منتشره نهائي وهتلاقي قطع غيارها نار.

الix20 جميله جدا بس سعرها غالي عليها والناس هتفضل الcarens عشان ارخص بمراحل و تقريبا اوسع.
حضرتك ممكن تنتظر عشان في عربية احتمال تنزل مصر وهي الDacia Lodgy وممكن تنزل مصر تحت اسم Renault Lodgy.