الفتيس مش مظبوط فليشيا 97

**MostafaHassan** · 17-03-2012 10:30 PM

السلام عليكمو رحمة الله
عندى مشكلة رخمة اوى فى الفتيس و خصوصا فى المارشدير مبيجيش بسهولة من شهر تقريبا عمل معايا الحركة الرخمة دى و وديتها للميكانيكى و ظبطهولى من غير ما يشتريله حاجة المهم بقى كويس جدا جدا معايا النهاردة عمل معايا نفس الحركة و حاسس ان عصاية الفتيس نفسها سايبة كدة مبتخدش الغياار مرتاحة بتاخد كل الغيارات اه بسهولة لكن المارشدير لا و حاسس ان العصاية نفسها مش مرتاحه و مش ماسكه نفسها ده ممكن يكون عيب ايه ؟؟؟؟؟

**dado_256** · 17-03-2012 11:46 PM

هقولك الحل الامثل لحله مشكله فتيس الفليشيا بس للعلم لك حريه الاختيار

انا كنت زيك كده عصايه الفتيس عندى سايبه خالص بتروح يمين وشمال كده مع نفسها واكن مفيش السوسته دى المهم كنت كل فتره اروح للميكانيكى يقوم حاطط مسمار جديد فى جلبه الفتيس من تحت ويربط عليها وبعدين بعدها ب شهر ولا يمكن اقل تحصل نفس المشكله تانى وتتكرر المهم ناس قالتلى غير العصايه كلها بالمعلقه والكلام ده فا انا قولت لأ انا الاول افهم

محدش يضحك عليا ف اللى عملته جبت الكوريك ورفعت العربيه من الجنب وجبت مصليه وفرشتها ونمت عليها وبصيت على الفتيس من تحت وخليت واحد صاحبى يحرك الفتيس لاقيت ان فيه بوش فى الجلبه دى والمسمار مش هيكون حل اساسى لانه كل فتره هيفك والفتيس يبقى سايب تانى

المهم سالت الميكانيكى قلتله فيها مشكله لو نحل محل المسمار ده ب لحام كهربا مش نحاس لانه اقوى قالى لأ مفيش مشكله خالص وهتمسك وعمرها ما هتفك رحت اخد بعضى وطالع على بتاع شكمانات وقلتله يا باشا الحملى جلبه الفتيس فا قالى اه اه عارفها طلع ان فى ناس كتير بتعمل كده المهم قالى ثبت الفتيس على الوضع الطبيعى فى النص رحت مثبته وهو اشتغل وبسم الله ما شاء الله داخله فى 3 سنين اهو والفتيس اكنه فابريكه

اسف انى طولت عليك بس حبيت انقلك تجربتى فى الموضوع ده
وعلى فكره الموضوع مش مكلف خالص الحام ب 10 جنيه يعنى بدل ما كل يوم 20 جنيه للميكانيكى ...

يارب مشكلتك تتحل زيي

**MostafaHassan** · 18-03-2012 12:14 AM

شكرا جدا ليك يا باشا و انا ان شاء الله يوم الاتنين هروح للميكانيكى و لو فعلا المشكلة كدة انا هعمل زى ما قولت و اريح دماغى احسن بدل ما كل اسبوعين اروح اصلحه

**benmatar** · 18-03-2012 03:14 PM

كلام زي الفل وواضح إنه حل معمر لأنه مع حضرتك 3 سنين، بس...........
مش ممكن تكون إعاقة وصعوبة لو حصل أي فك وتركيب للإصلاحات أو أي صيانات للفيتيس؟؟؟

**AhMeD MeTwAlY** · 18-03-2012 03:16 PM

طيب ما في فكرا تانيه يا بحميد
ان نعمل تيل للمسمار دا بدل ما نلحم لحام كهربه
ازازي
ولنفترض ربطنا المسمار بصموله تمام نيجي بعد الصموله بظبط ونحدد ونفك المسمار تاني ونطلع علي المخرطه تعملك خرم في مكان العلامه وتحط في الخرم دا مسمار تاني زي نظام تيل كدا
وانسي انها تفك تاني :):)

**dado_256** · 18-03-2012 03:45 PM

المشاركة الأصلية كتبت بواسطة benmatar

كلام زي الفل وواضح إنه حل معمر لأنه مع حضرتك 3 سنين، بس...........
مش ممكن تكون إعاقة وصعوبة لو حصل أي فك وتركيب للإصلاحات أو أي صيانات للفيتيس؟؟؟

لأ يا باشا مفيش فيها اى قلق خالص لو حبيت تفك الفتيس خالص من مكانه بيتفك عادى بس من المعلقه اللى هى فى ناس بيقولو عليها ضفضعه المهم متقلقش من موضوع الفك ده خالص الموضوع سهل

**dado_256** · 18-03-2012 03:48 PM

المشاركة الأصلية كتبت بواسطة XMANX51

طيب ما في فكرا تانيه يا بحميد
ان نعمل تيل للمسمار دا بدل ما نلحم لحام كهربه
ازازي
ولنفترض ربطنا المسمار بصموله تمام نيجي بعد الصموله بظبط ونحدد ونفك المسمار تاني ونطلع علي المخرطه تعملك خرم في مكان العلامه وتحط في الخرم دا مسمار تاني زي نظام تيل كدا
وانسي انها تفك تاني :):)

ماهو يا احمد انت كده برضو محلتش المشكله انت كده برضو مركب مسمار اوكى مثبته كويس بالتيله بس برضو مع مرور الوقت المسمار اللى جوه ده من كتر حركه الفتيس هيتأكل برضو وتحصل نفس المشكله تانى
انا قصدى ان ده حل انسب يعنى ننسى موضوع الفتيس ونريح دماغنا
انا قلتله فى الاول ان هو ليه حريه الاختيار انا قولت ده عن تجربه شخصيه يعنى

واى خدمه يا معلم نحن فى الخدمه هنا

**AhMeD MeTwAlY** · 18-03-2012 05:03 PM

احنا بنحاول نطرح افكار بس مش اكتر

**sakr_skoda** · 18-03-2012 07:17 PM

هههههههههههه والله المشكلة دى فعلا عندى بالظبط وكل لما اروح لميكانيكى يدوبك ينام تحت العربية ويقوم الفتيس يتظبط وبعد شهر تقريبا لازم اروح تانى يعنى كدا زى المريض (متردد) لتناول العلاج كل فترة....

كل التقدير والاحترام للأخوة الكرام الذى طرحوا الحلول الناجعة القاطعة الناهية لتلك المشكلة....*