المشاركة الأصلية كتبت بواسطة mostafahassan
السلام عليكمو رحمة الله
عندى مشكلة رخمة اوى فى الفتيس و خصوصا فى المارشدير مبيجيش بسهولة من شهر تقريبا عمل معايا الحركة الرخمة دى و وديتها للميكانيكى و ظبطهولى من غير ما يشتريله حاجة المهم بقى كويس جدا جدا معايا النهاردة عمل معايا نفس الحركة و حاسس ان عصاية الفتيس نفسها سايبة كدة مبتخدش الغياار مرتاحة بتاخد كل الغيارات اه بسهولة لكن المارشدير لا و حاسس ان العصاية نفسها مش مرتاحه و مش ماسكه نفسها ده ممكن يكون عيب ايه ؟؟؟؟؟
المشاركة الأصلية كتبت بواسطة dado_256
هقولك الحل الامثل لحله مشكله فتيس الفليشيا بس للعلم لك حريه الاختيار
انا كنت زيك كده عصايه الفتيس عندى سايبه خالص بتروح يمين وشمال كده مع نفسها واكن مفيش السوسته دى المهم كنت كل فتره اروح للميكانيكى يقوم حاطط مسمار جديد فى جلبه الفتيس من تحت ويربط عليها وبعدين بعدها ب شهر ولا يمكن اقل تحصل نفس المشكله تانى وتتكرر المهم ناس قالتلى غير العصايه كلها بالمعلقه والكلام ده فا انا قولت لأ انا الاول افهم
محدش يضحك عليا ف اللى عملته جبت الكوريك ورفعت العربيه من الجنب وجبت مصليه وفرشتها ونمت عليها وبصيت على الفتيس من تحت وخليت واحد صاحبى يحرك الفتيس لاقيت ان فيه بوش فى الجلبه دى والمسمار مش هيكون حل اساسى لانه كل فتره هيفك والفتيس يبقى سايب تانى
المهم سالت الميكانيكى قلتله فيها مشكله لو نحل محل المسمار ده ب لحام كهربا مش نحاس لانه اقوى قالى لأ مفيش مشكله خالص وهتمسك وعمرها ما هتفك رحت اخد بعضى وطالع على بتاع شكمانات وقلتله يا باشا الحملى جلبه الفتيس فا قالى اه اه عارفها طلع ان فى ناس كتير بتعمل كده المهم قالى ثبت الفتيس على الوضع الطبيعى فى النص رحت مثبته وهو اشتغل وبسم الله ما شاء الله داخله فى 3 سنين اهو والفتيس اكنه فابريكه
اسف انى طولت عليك بس حبيت انقلك تجربتى فى الموضوع ده
وعلى فكره الموضوع مش مكلف خالص الحام ب 10 جنيه يعنى بدل ما كل يوم 20 جنيه للميكانيكى ...
يارب مشكلتك تتحل زيي
المشاركة الأصلية كتبت بواسطة sakr1964
هههههههههههه والله المشكلة دى فعلا عندى بالظبط وكل لما اروح لميكانيكى يدوبك ينام تحت العربية ويقوم الفتيس يتظبط وبعد شهر تقريبا لازم اروح تانى يعنى كدا زى المريض (متردد) لتناول العلاج كل فترة....
كل التقدير والاحترام للأخوة الكرام الذى طرحوا الحلول الناجعة القاطعة الناهية لتلك المشكلة....*
المشاركة الأصلية كتبت بواسطة zyadahmed
الفتيس كان عندى مش مضبوط وسايب
وفى مرة فجأة حجر معايا والغيارات اتعكست الاول مارشدير والتالت اول ولخبطة جامدة روحت للصنايعى غير حاجة
اسمها المدفع ب 80 جنيه و20 مصنعية والحال بقى غير الحال بقى زى الجديد انا مش خبير ميكانيكا لكن حد سمع عن
حاجة اسمها مدفع فى الفتيس ؟ جايز تكون هى سبب المشكلة لان الفتيس بعد تغير المدفع بقى ممتاز جدا
السلام عليكم
الاول يا جماعه مع احترامى لكل الاراء قلى اتقالة الموضوع ده
مش هيحتاج اكتر من حاجه واحده اسمها ضفدعة فتيس ايوا اسمها ضفدعة فتيس و دى ثمنها 65 ج التركى و تغيرها هترجعالك عصاية الفتيس زى الفبريقه لانه فى كاوتشة هى قلى بتعمل سوسته للعصايه مع الغيارات
و مينفعش تلحمها او تزود عليها مسمار لانه هتصدر الغيارات فى الترس
ده حل المشكله بكل بساطه
اسمها ايه ضفدعة الفتيس
بس و على فكرة انتا ممكن تركبها بنفسك و تركيبها سهل جدااااا بس هيستلزم منك تنزل تحت العربيه
و لو حابب الميكانيكى يركبهالك هيخد 15 جنيه و تركيبها مفيش اكتر من 5 دقايق
وربك المستعان
المفضلات