اخي العزيز انا لست متفق معاك تماما فى هذا الموضوع
اولا الحوادث دي قضاء وقدر من عند الله
ثانيا انا عاوزك لما تبقي على الدائري ولا الاوتوستراد ولا الزراعي وشوف الناس بتسوق ازاي على الطريق
وساعات كمان بتبقي فى حادثه فى الطريق اللى رايح والدنيا واقفه تلاقي كمان الطريق اللى جاي واقف علشان الناس بتهدي علشان تتفرج (الناس اللي سايقة السبب فى %90 من الحوادث)
ثالثا بقي ان الله لا يغير ما بقوم حتى يغيرو ما بانفسهم واحنا بصراحة عاوزين نتغير كتييييييييييييييييييييييي ييييير
السؤال ده ليك وليا ولكل الناس انت بتلتزم بالسرعة اللى على الطريق ولا طبعا بتمشي على 120 و 130 ولو فيه رادار نبقي نهدي (احنا اتعلمنا الخوف سيدي) المشكلة فينا احنا مش فى حد تانى
رابعا انت لما تقاطع وزارة الداخلية ومترخص العربية هتلاقي الحوادث قلت بالعكس انت هتلاقي عربيات مسروقة و موتوسيكلات وسرقة وكله شايل النمر وكله مفيم وكله طالع جري بالعربية والدنيا هتبوظ اكتر
اهتقد ان لو كل واحد فينا التزم بقواعد المرور ومش مظبوط هتلاقي الحوادث قلت وبقينا احسن بكتير
اخر حاجه هقولهالك عن تجربة شخصية انا كنت مسافر بره مصر وكنت بسوق عربيتي بره طريقة السواقة مختلفة تماما ومحدش بيرمي على حد وكل واحد عنده زوق وبيستني التانى يعدي الاول وناس محترمة فجيت فى مصر اسوق بنفس الاسلوب لقيتني بالبلدي كده بتاخد على قفايه والناس تقولي يابني سواقتك ده متنفعش هنا فى مصر
وفعلا فى مصر السواقة مختلفة ولازم تبقي قليل الزوق علشان تعدي علشان بصراحة محدش بيستني حد
اللى شوفته بره ونفسي يطبق فى مصر فعلا ان اللى الرخصة تتسحب منه 4 مرات خلاص مالوش حق السواقة تاني فى حياته وفعلا ميسوقش علشان بعد كده لو اتمسك بيسوق بيدخل السجن
ارحمو الداخلية شوية مش كل حاجه هما السبب
والله المستعان
المفضلات