الموضوع: احداث و و استنتاجات في صيانة 30000

بسم الله ....

بداية .... شكر ... و اعتذار ....

شكر .. لمنتدانا الرائع اللي مفيش حد فينا يقدر ينكر فضله علينا بعد الله سبحانه و تعالى ... في اختيارنا للنيسان من البداية .. في معرفة تفاصيل التفاصيل في كل ما يخص النيسان ... في التواصل مع اناس من اكثر الناس خلقا و احتراما ... انهم فعلا اخوة ...

اعتذار .. لتقصيري في حق هذا الصرح الرائع ... فعلا .. له علينا كل الحق بأن نعبر له على انتمائنا و حبنا له .. فله كل تقدير و احترام ...

......

نبدأ نقول ...



من فترة و انا محتار اعمل صيانة 30000 للصني فين ... من كلام ناس كتير .. قلت مفش غير اوتو ايجيبت ابو رواش .... مع اني من سكان العاشر من رمضان و كنت بستسهل اروح لمودرن موتورز الهايكستب ...

لكن الظروف ما سمحت شاني اروح المشوار دا كله ... علشان كده رحت مودرن موتورز الهايكستب ...



حقيقة .. اخر صيانة كانت ليا هناك ... العلاقات اللوجيستية ما عجبتنيش قوي ... لذلك لما اتصلو بيا في استطلاع الخدمة بعديها .. قلتلهم .. المركز محتاج تطوير ....


و تشاء الاقدار ... و اني انسى انطباعي و مكالمتي معاهم .. و احجز عندهم لصيانة 30000 .....

و كمان قصة انهم بيغيرو زيت موبيل 1 بس كان محتاج تفكير مني ... لاني بجد كنت عاوز اغيره .. و ذلك للانطباع السيء لكثير من الناس عنه ...

رسيت بعد بحث على كاسترول ايدج .... قلت انشاء الله و انا رايح الصيانة اعدي على فاخوري في جسر السويس اجيب منه .... للاسف لقيته قافل ... ...

قلت اروح الصيانة .. و انا راجع .. اعدي عليه تاني ...
...

و تبدأ قصة الصيانة ....

اول ما دخلت المركز حسيت في حاجة غريبة ..

حصل تغيير كبير ... و ذلك انهم بدأو يعتنوا كثر بترتيب و نظافة و تنظيم المركز ...

اول ما وصلت ... م. اسامة استلم من العربية ...

قلتله صيانة 30000 ...

قالي فيها حاجة تاني ...

قلت اه ... في صوت صفارة من السيور تقريبا ... بيزيد اكتر لما بكون ماشي مشوار طويل ...
والمراية اليمين فيها رجه خفيفة ...

قالي و نغير زيت ....

سادت حالة من الصمت الذي يدل على تردد ...

بدأ بتحريك قلمه ليكتب ذلك ...

و لكن




لا .. كانت الكلمة اللي قلتهاله ...

قالي كده الاجمالي 176 جنيه ...

قلت ... قشطة ...


وهكذا تم تسليم السيارة ...

في هذا الاثناء قعدت ادور في قصة الزيت على النت ... من موبايلي ...

لقيت رد عجبني ... قالي لو مش هتغير كاسترول ايدج من بنزينة طاقة .. يبقة شل مش هيختلف كتير ...

من ساعتها الكلمة دي بتزن في ودني ... و دورت لقيت اقرب بنزينة طاقة بعد نزلة مسطرد على الدايري ( يالهوي همشي دا كله)

المهم ...

استلمت العربية ... شيكت على المراية ... لووز .. حاولت اسمع صوت التصفيير ... مالقتش ... قلت تمام ...

خرجت و انا لسه الكلمة بتزن في ودني ...

و انا ماشي على طريق اسماعيلية علشان تاخد يوتيرن تلف و تطلع على الدايري ...

لقيت بنزينة شل ...قلت و الله ما هي فارقة ...رحت داخل على تغيير الزيوت ...مالقيتش الفني بتاع تغيير الزيوت ...عد معايا 15 ثانية .. محدش جه ...رحت راجع تاني بالعربية ...

وقلت ما فيش غير طاااااقة ...

ورجعت علشان اطلع الدايري .... و فضلت ماشي ماشي ماشي ولا بيدي ...

و اخير ا ... وصلت بنزينة طاقة .... دخلت على تغيير الزيوت ... بقوله عاوز اغير زيت كاسترول ايدج .. قالي هتغير هنا ... قلت اه ...قالي لو معاك فلتر ماشي ..


اوووووبس .... ما عملتش حسابي ....

و من لخبطتي ... ما حسبتاهش صح .... و رحت راجع ادراجي تاني من غير ما اغير زيت و لا اشتريه كمان ....

و فضلت راجع راجع لحد ما عديت على بنزينة شل تاني ... دخلت لقيت الفني ... و غير لي الزيت ... بس علشان ما عندوش فلتر للصني قالي هنركب فلتر اللانسر .... شغال تمام ... و على مسؤوليتي ...

و لحد كده خلصت الحكاية ...

انطباعي : كنت بدأت اخد مسلمات ان صوت الصني عالي كده ... و ان الغيارة بتدي النتشة دي ...

الكلام دا اتغير تماما بعد ما غيرت الزيت الموبيل ....

بس كده علشان تعبت ...

السلام عليكم