الموضوع: شحن سيارة من الإمارات إلى مصر وترخيصها في مصر

المشاركة الأصلية كتبت بواسطة ahmed a.maksoud

انا مش هقدر أفيدك فى الأسئلة كلها بس هرد على حد معلوماتى

ليا واحد صاحبى شحن بيجو 307 من سنة شحن برى أو بحرى مش فاكر بالظبط و كلفته ساعتها حوالى 1500 أو 2000 درهم.

علشان يرخص لازم طبعاً يبقى المالك الأول للعربية و معاه ما يثبت ده.

الجمارك هياخد 5% تخفيض على كل سنة إستخدام..............يعنى بفرض العربية كان سعرها زيرو ما يعادل 100 ألف جم يبقى هياخد 20% خصم.

الجمارك نفسها كانت 60% على ما أذكر......و مش عارف معاها حاجات تانية زى ضرايب أو خلافه ولا لأ.

يعنى فى حالة عربية سعرها الأصلى 100 ألف جم
يبقى الجمارك هتكون 100000*60% = 60000
التخفيض 60000*20%=12 ألف
الجمارك الواجبة = 60000-12000= 48 ألف جم.

أشكرك أخي العزيز
هو فعلا المالك الأول للعربية ... لكن يبدو أن هذه السيارات تفقد الكثير من ثمنها في دول الخليج ... واعتقد أن تخفيض الجمارك يكون 10% عن السنة الأولى و5% عن كل سنة تالية ... وبيتهيئلي إن الخصم ده مش من ثمن العربية إنما من الجمرك.
يعني السيارة كان سعرها حوالي 40 ألف درهم ما يعادل 60 ألف جنيه مصري بسعر يومها يعني ممكن يطلع عليها حوالي 30 ألف جمرك بعد خصم الاستخدام وممكن يزيدو علشان فيه ضريبة اسمها سيف وارد باين ولا مش عارف ايه... لكن هل هيحاسبوه على سعرها وقت الشراء ولا بسعر النهاردة ... وهل هيعتد بفاتورة الشراء وهيتم الحساب على أساسها ولا حسب الجدول بتاعهم ... الحقيقة الموضوع محتاج حد جرب قبل كده ينورنا.
أشكرك على معلومة الشحن دي