الموضوع: موضوع للنقاش : بتلاقى مكان تركن عربيتك ؟!

انا بركن جنب البيت فى حتة ارض فضاء حوالى 700 متر مربع

المشاركة الأصلية كتبت بواسطة ahmedjumpo

السلام عليكم و رحمة الله
زى ما هو واضح من العنوان ,هل بتلاقى مكان تركن فيه عربيتك ؟؟؟
فكلنا شايفين دلوقتى كل محل و كل بيت يأما تلاقيه حاطط حجارة او مركب حديد امامه علشان ماحدش يركن
لا و الجديد كمان و اللى طلع فى المقدر جديد ان المحلات بقت مش عايزة حد يركن لا يمينها و لا شمالها و لا امامها بعشرة متر بالرغم من وجود اماكن فاضية مش ضراهم فى شيئ ابدا و لكن ديه الموضة الجديدة
و شخصيا اتعرضت لموقفين فى يومين
الاول من يومين و كنت بركن فى ساحة كبيرة بجوار منزلى و الساحة ديه بقالى سنتين بركن فيها و لكن فوجئت بأصحاب ثلاث محلات كل واحد اصلا واخذ خمسة متر خارج محله بيقولوا متركنش فى الساحة و الحجة الموضة ان كده بنقفل و ندارى على المحلات و شوية تخاريف
طبعا اتكلمت معاهم بالعقل شوية و التهديد شوية و قلتلهم لو اتحط طوب او حديد فهاشيله و هما ملهمش فى الساحة ديه و هجمع اصحاب العربيات عليهم و هاقلب الحى و اخليه يجيلهم و يتسلى عليهم بسبب مخالفاتهم الكثير

الموقف الثانى بالامس فى الليل حيث امام عمارتى فى مكان لو مفيش عربية واقفة بركن عربيتى فيه و لكن فوجئت بمحل بجانب المكان ده جايب واحد بيكسر فى الاسفلت اللى لسه معمول جديد و ملحقناش نفرح بيه و بيعمل حديد رحت واقف بالعربية و نزلتله كلمته بالذوق مانفعش رحت بالعافية شايله الحديد و رحت راكن بالعافية و اقسمتله انه لو فكر يعملهم تانى لاشيلهملوا و عملت معاه مشكلة و تدخل الناس و الجيران و شهدتهم عليه و غلطوه
و لما اتكلمنا بتعمل ليه كده كانت فى الاول حجته ان الناس بتحط زبالة جمب العربية و شخصيا لما بلاقى زبالة بجيب شنط و اخذها معايا و انا ماشى
و لكنه وقع بالسبب الحقيقى و هو الموضة الجديدة ان العربية بتدارى على المحل و للعلم محله عبارة عن سنترال صغير بيبيع كروت شحن بس مافيش حتى عدد و لا حاجة الناس تتفرج عليها
طبعا فى مواقف برده فى اماكن تانية و لما بلاقى حد بيحط حجارة باشيلهم و اركن

فيا ترى بتتعرضوا للمواقف ديه و بتصرفوا فيها ازاى ؟؟
هل بتستسلموا لأصحاب المحلات و تشوفولكم اماكن تانية ؟؟
ام بتأخذوا مواقف و بتصرفوا طالما مابتضروش حد و فى حدود الاصول ؟؟
منتظر مشاركات الزملاء الاعزاء

اللى انتا عملته صح الصح.انما معظم الناس بتخاف تقول هيخربش العربية و الا هيعمل حاجة و انا مش موجود.

الرد يكون بأني عملت ان رزقي لن يأخذه غيري فاطمأن قلبي
ولو جريت من رزقك هيطير وراك

حضرتك بتتكلم عن اصحاب المحلات ... ياه ده أنتا قديم قووووووي الموضوه دلوقتي بعد الثورة ... حتى أصحاب الفرشة عارف يعني ايه فرشة يعني جيه واحد كده وفرش على الرصيف علشان يبيع عود قصب الناس تمصو ... ولا بيبيع سجاير ... ولا بيبيع شوية توك ومقصات ... أو شورتات وفنيلات ......وشربات على الرصيف تعاله جرب كده توقف جمب منو يقلك بعد ئذذذذذذذذذذذذذذنك عجلة قدام لا وهو بيشخط فيك الاخ ... وأن منصعتش لتعليمات معالية ترجع تلاقيه قاعدلك فوق الكبوت أو ناشرلك ......... وفنلتين على عربيتك كنوع من الداعيه يعني عمل عربيت حضرتك يفطة لفرشتوو ... حاجة تقرف بجد مشكلة الركنة في بلدنا . بلطجة في بلطجة ... وتحياتي .


يرجى مراعاة ادب الحوار
11:44pm 5/4/2012