الفيــــــــوم تستغيـــــث

**beckeryahia** · 10-04-2012 06:33 AM

باجماعة اللي بيحصل في الفيوم دلوقتي دا بلطجة وقلة ادب عيتي عينك , الشئ اللي اسمة البنزين دا اختفي من الوجود , انا وقفت النهارده في طابور مكون من 40 عربية علشان امون 20 لتر بنزين 92 , وبكام ب2 جنية اللتر عيني عينك كدا قدام الضباط وبتوع التموين , ومن كام يون وقفت في طابور مكون من 140 عربية علشان امون 20 لتر بنزين 80 , ونزلت القاهره لقيت البنزينات مش لاقية اللي يدخل يمون منها وكل بنزينة اعدي عليها الاقي فيها بالكتير عربية , لية كدا , ولا الناس خدت علي السرقة وحبتها وداقت طعم الفلوس الحرام وعجبها , انا متأكد ان اصخاب البنزينات هم السبب فب المشكلة دي اللي مش عايزينها تنتهي بقالها شهرين , وبلطجة وقلة ادب وتقطيع بالمطاوي قدام الضباط وماحدش بيتدخل , دي الفيوم البلد الوحيده اللي شوفت فيها طابور علي طرمبة الغاز مكون من 500 عربية , ايوة 500 عربية انا المنظر شدني ووقفت وعدتهم انا وواحد صاحبي , واللي من الفيوم هايفهم انا باتكلم علي انهي طرمبة , ومحافظ الفيوم اصدر قرار مالوش اي لازمة بأضافة عدد 1700 عربية تاكسي جديدة للفيوم بعد مافتح التراخيص من تاني , والناس اتهبلت جري واشترت عربيات زيرو ورخصوها ودلوقتي مش عارفين يبيغوها حتي بخصاره 10000 جنية , بس نفعنا شركة هيونداي ب800 عربية فيرنا وشركة شيفورلية ب400 عربية لانوس وشركة لادا ب400 عربية لادا وخلاص, وبقينا مش عارفين نمشي علي رجلينا في البلد ومعظم السواقين بتوع التاكسيات الجديدة دول بلطجية وحرامية وهم سبب رئيسي في ازمة البنزين في الفيوم , الفيوم اللي كانو اصحابي اللي من القاهره بيحسدوني علي الهدوء والراحة النفسية اللي مجوده فيها , دلوقتي القاهره بالنسبة ليها تعتبر الجنة .

**koshary** · 10-04-2012 07:05 AM

ربنا يعينكو ان شاء الله ازمة وهتعدى هنعمل ايه ادينا مستحملين حاول تروح بدرى الصبح صلى الفجر وروح حط بنزين انا كنت بعمل كدا

**me_medoo** · 10-04-2012 07:31 AM

ياخسارة عليكي يا فيوم .... فعلاً طول عمرها الفيوم ملهاش بخت ، رغم انها من اجمل بلدان مصر امبارح كنت في اكتوبر ومش عاوز اقلك علي عملينو. السواقين الفيومين فيها ، عمرك شفت ياباش واحد يقف في نص الاشارة واقف بيغسل النص نقل بتاعتو ههههههههه وفي اشهر ميدان فيها ميدان الحصري والي واقف يغير زيت لعربيتو في الاشاره الي جمبها ماظر انا كان نفسي بس اخود كام صورة كده وهيا الوحيدة الي تعبر عن الموضوع وكلمت واحد من السوقين وبقلوا انتو ليه كده بتعملو كده ليه قالي ياباشا البلد الي انتا مش فيها امشي وش........... فيها
كان زمان البشوات بس هما الي يروح الفيوم كل اسبوع من المناظر الطبيعيه الي هناك وبحيرة قارون والشللات دلوقتي الواحد بقه يخاف يهوب بس على الطريق علشان يروح لها
ربنا يكون في عونكم بجد لان قلة صغيرة من ناس منحرفة عملت سمعة للفيوم حلوة قوي في مصر ، وحضرتك انتا بتطالب الحكومة انها تدخل هتدخل ازاي الحكومة وهما اغلبهم كلهم كده قرايب في قلب بعض ، وكل ما اسئل حد يقلي الفيوم دي جمهورية كده لوحدها وعايشة كده مع نفسها ههههههههه. وتحياتي ليك ياباشا والله يكون في عونكم بجد بجد واحترامي لكل حبايبنا واصدقائنا في الفيوم

**koshary** · 10-04-2012 07:55 AM

المشاركة الأصلية كتبت بواسطة me_medoo

ياخسارة عليكي يا فيوم .... فعلاً طول عمرها الفيوم ملهاش بخت ، رغم انها من اجمل بلدان مصر امبارح كنت في اكتوبر ومش عاوز اقلك علي عملينو. السواقين الفيومين فيها ، عمرك شفت ياباش واحد يقف في نص الاشارة واقف بيغسل النص نقل بتاعتو ههههههههه وفي اشهر ميدان فيها ميدان الحصري والي واقف يغير زيت لعربيتو في الاشاره الي جمبها ماظر انا كان نفسي بس اخود كام صورة كده وهيا الوحيدة الي تعبر عن الموضوع وكلمت واحد من السوقين وبقلوا انتو ليه كده بتعملو كده ليه قالي ياباشا البلد الي انتا مش فيها امشي وش........... فيها
كان زمان البشوات بس هما الي يروح الفيوم كل اسبوع من المناظر الطبيعيه الي هناك وبحيرة قارون والشللات دلوقتي الواحد بقه يخاف يهوب بس على الطريق علشان يروح لها
ربنا يكون في عونكم بجد لان قلة صغيرة من ناس منحرفة عملت سمعة للفيوم حلوة قوي في مصر ، وحضرتك انتا بتطالب الحكومة انها تدخل هتدخل ازاي الحكومة وهما اغلبهم كلهم كده قرايب في قلب بعض ، وكل ما اسئل حد يقلي الفيوم دي جمهورية كده لوحدها وعايشة كده مع نفسها ههههههههه. وتحياتي ليك ياباشا والله يكون في عونكم بجد بجد واحترامي لكل حبايبنا واصدقائنا في الفيوم

والنبى ابقى عدى على حدايق الاهرام كدا برضو القى نظره وتعالى اشرب معايا الشاى هههههههههه وادخل على الموقف واتفرج على حلاوة الفيوميين وهما مقطعين بعض على الزباين

**me_medoo** · 10-04-2012 07:58 AM

حبيب قلبي واللهي هما وصلوا عندكم في حدائق الاهرام عليه العوض ومنو العوض

**dr.hazem** · 10-04-2012 08:02 AM

الله المستعان

ربنا يكون في عونكم

تحياتي

**windofchange** · 10-04-2012 08:11 AM

بس سؤال يا بكري باشا حضرتك متأكد ازاي ان اصحاب البنزينة هما السبب فالازمة؟ وصحيح يرجالة فالقاهرة هنا ممنوع العامل بالبنزينة يديك بنزين في جركن 4 او 5 لتر ويقلك التموين وغرامة وحوارات كده...مع العلم في بنزينات بتدي بمزاجها

**koshary** · 10-04-2012 08:14 AM

المشاركة الأصلية كتبت بواسطة windofchange

بس سؤال يا بكري باشا حضرتك متأكد ازاي ان اصحاب البنزينة هما السبب فالازمة؟ وصحيح يرجالة فالقاهرة هنا ممنوع العامل بالبنزينة يديك بنزين في جركن 4 او 5 لتر ويقلك التموين وغرامة وحوارات كده...مع العلم في بنزينات بتدي بمزاجها

ياباشا الواحد بيظرف العامل 5 جنيه يعبيلك مقطوره مش جركن 5 لتر هههههههههههه

**me_medoo** · 10-04-2012 08:18 AM

شوفو لسه كنا بنتكلم في ايه ، قفلت الكمبيوتر طلعت اشوف الحادثة الي تحت بيتنا توك توكين. بيتمخطرو على الصبح وبيتمرقع قام دخل واحد فيهم في العربية الانسر بتاعت جرنا تحت الناس مسكت سواق التك تك وكل واحد نازل بالبيجاما على شلوت وبونيات انتا منين يابني انا من الفيوم ويافرحت الراجل صاحب العربية. بعربيتو الجديدة الي راكنه على جنب واتشلفطتت