Mg 350

**bayantt** · 10-04-2012 11:16 AM

بأختصار العربية 1500 cc وكمية أوبشنز خيالية (فتحة سقف, تحكم طارة, كرس السائق كهرباء, جنوط أسبور 16, كاوتش Maxxis يابانى, فرش جلد, CD+USB, Parking sensor, 2 air bags, ABS+EBD+CBC,عدادات ديجيتال, Trip computer) وكل ده ب 115000 هى مصنعة فالصين فى مصانع شركة SAIC ودى نفس الشركة اللى بتعمل الPassat وال Skoda Fantasia وعربيات تانية ل GM

علاقة الشركة بأنجلترا أن شركة SAIC أشترت شركة MG الانجليزية وبتصنع موديلات فى أنجلترا (MG 6) وموديلات فى الصين (MG 350) وفى موديلات تانية بتتصنع فالصين وتروح تتقفل فى أنجلترا

العربية واخدة خمس نجوم فى أختبارات الامان فى الصين (C-NCAP)

أنا عملت test drive للعربية وهى مقارنة بالألنترا والعربيات الكورى المشابهة على نفس المستوى فى التعليق والعزل, الموتور أقل شوية, مستوى الخامات والتقفيل والصاج والدهان أعلى بكتير

اسعار قطع الغيار ممتازة

مراكز الخدمة ثلاثة بالقاهرة, واحد فالسويس, وواحد فى الأسكندرية

من الآخر, أجيبها ولا لأ ؟!!!

**hany63** · 10-04-2012 12:12 PM

لو العربيه هتفضل معاك 5 سنين هاتها عشان الريسيل
العربيه ممتازه موضوعا المشكله ان فيه حاجز نفسي بالنسبه للمصريين بخصوص ا الصيني فمسأله وقت

**bayantt** · 10-04-2012 12:15 PM

المشاركة الأصلية كتبت بواسطة hany63

لو العربيه هتفضل معاك 5 سنين هاتها عشان الريسيل
العربيه ممتازه موضوعا المشكله ان فيه حاجز نفسي بالنسبه للمصريين بخصوص ا الصيني فمسأله وقت

انا فعلا عايز عربية مغيرهاش قبل خمس سنين

**mody3on** · 10-04-2012 12:23 PM

بلاش تجيب عربية تبقى اول من يجربها , خليك في المضمون احسن

**Dr'AhmZZong** · 10-04-2012 02:42 PM

بـ 115 دول تجبلك نيسان تيدا أو صني < 103> أو لانسر .. و متفكرش تبعها قبل 10 سنين مش 5 بس

لكن صيني بلاااااااااااش ..

**Sehsss** · 10-04-2012 06:34 PM

المشاركة الأصلية كتبت بواسطة ahmazong

بـ 115 دول تجبلك نيسان تيدا أو صني < 103> أو لانسر .. و متفكرش تبعها قبل 10 سنين مش 5 بس

لكن صيني بلاااااااااااش ..

+11111111111111

**hany63** · 11-04-2012 12:35 PM

ياريت ياجماعه بما انكم خبراء يكون الرد مغطي كافة الجوانب
اولا الراجل بتكلم عن ماركه بعينها هل حد شاف العربيه على الطبيعه ؟ طب ايه الفرق بينا و بين الناس التانيه
بما انه فتح الموضوع يبقى فعلا انبهر بيها و بالفعل العربيه ياجماعه فخمه فعلا
فاضل الموتور و الفتيس و التعليق
تكنولوجيا الموتور و الفتيس قديمه يعني اتجربت فحت اما جودة العفشه الله اعلم
و بالنسبه للريسيل هنقول زفت بس بعد 5 سنين هتقل 5 او حتى 7 عن الياباني او الكوري و احتمال في الفتره دي تكون ثبتت نفسها و الريسيل يبقى فل الفل
بالنسبه ليا هاعمل تست درايف ولو عجبتني كسواقه هاتكل على الله

**bayantt** · 11-04-2012 12:50 PM

بصوا يا جدعان, عشان الكلام يبقى موضوعى انا هقارن بأخر 3 عربيات معايا (من الاحدث للاقدم)

SUZUKI SX4 Sedan: ال MG تتفوق بمراحل فى جودة الخامات والتقفيل وSuspension softness وsteeringوال SX4 تتفوق فالموتور ( تسارع ال SX4 غريب)
Chevrolet OPTRA Manual : الموتور لصالح الاويترا ومفش فرق كبير
lanos : لا تقارن

طبعا المقارنة على أساس ال Test Drive فممكن متكونش دقيقة أوى, بس دى انطباعتى الاولية عن السيارة

-

الموضوع: Mg 350

LinkBack

أدوات الموضوع

عرض

الكلمات الدلالية لهذا الموضوع

المفضلات

المفضلات

ضوابط المشاركة