محتاره ومحتاجه مساعدتكم

**aushoforget** · 27-03-2012 09:27 AM

السلام عليكم ورحمه الله

أولآ أحب أن أبدى إعجابى بمنتداكم وكل الشكر والتقدير للقائمين بالعمل به

ثانيآ بقى أنا مشكلتى كلها تتلخص فى إنى عايزه أشترى عربيه ومش عارفه أجيب إيه

وهقولكم على إختياراتى وأكيد إنتم هتفدونى بالأصلح

1 - هيونداى ماتريكس
2 - هيونداى RB
3 - شيفروليه أفيو
4 - هيونداى فيرنا

نيجى بقى للمهم أنا محتاجه عربيه عمليه وتكون مشاكلها قليله ومفيش مانع يعنى تكون حلوه وتستحمل السفر مع إنى مش هسافر بيها بس بردوا الأمر ما يستغناش

وياريت تعرفونى ثمن كل عربيه فيهم AT كام بالضبط

**A.Saad** · 27-03-2012 09:48 AM

3 - شيفروليه أفيو
4 - هيونداى فيرنا

ابعدى عنهم
الاولى مشاكلها كتير
التانية فى المقارنة مع 1 ، 2 اقل

**aushoforget** · 27-03-2012 09:58 AM

مشكور أخى الفاضل A.Saad لردك على مشاركتى

يعنى بلاها فيرنا وأفيو
طيب بالنسبه للماتريكس وال RB إيه الأفضل بين الإتنين وهل صحيح غن الماتركس تم وقف تصنيعها

**rammar** · 27-03-2012 10:42 AM

صح الماتريكس تم وقفها بس لسة موجود منها في السوق
كدا مفيش غير rb وهيا ممتازة
بس انت بتقولي ان اخرك 105000
وبكدا مش هتخدي كماليات كتير هتبقى اول فئة اوتوماتيك الي هي بـ 103000
وعشان كدة هنصحك بـ نيسان صني سوبر صالون وسعرها 102000
ودي اعلى فئة وهتبقى مليانة بقى كماليات وعوامل امان ولو ان انا عارف ان شكلها
عجوز ورخيم شوية بس هيا ممتازة
وانا تحت امرك

**kbarema** · 27-03-2012 10:47 AM

حضرتك الماتريكس افضل من ناحية الاعتمادية وسيارة عائلية وكمان قطع غيارها متوفرة جدا ورخيصة وعفشتها افضل من الاكسنت ار بي بس للاسف اتوقف تصنيعها فعلا لكن ممكن تجيبى مستعمل نضيف منها
فيه كيا ريو الجديده والبيكانتو الجديده والفيات بونتو الايفو
و لو عاوزه زيرو ممكن اوبترا واسعه جدا عاليه جدا قويه جدا فقيرة في الاوبشن جدا وتمنها اوتو ب 103 الف
لو حضرتك عاوزه عربيه 5 سنين بدون اعطال وموفرة بنزين وقطع غيار معقوله وصالون مش واسع اوي يبقي لانسر بومه هي قديمة والناس زهقت منها لكن ثبات محترم عوامل امان محترمة ومعمرة ومش هتكسفك خالص
لكن رائي المتواضع انك لسه مش بتسوقي كويس يعنى حرام تجيبى زيروا هتبهدليها معاكي خليكى في المستعمل وسنه كده وابقي هاتى زيرو

**aushoforget** · 27-03-2012 11:17 AM

المشاركة الأصلية كتبت بواسطة rammar

صح الماتريكس تم وقفها بس لسة موجود منها في السوق
كدا مفيش غير rb وهيا ممتازة
بس انت بتقولي ان اخرك 105000
وبكدا مش هتخدي كماليات كتير هتبقى اول فئة اوتوماتيك الي هي بـ 103000
وعشان كدة هنصحك بـ نيسان صني سوبر صالون وسعرها 102000
ودي اعلى فئة وهتبقى مليانة بقى كماليات وعوامل امان ولو ان انا عارف ان شكلها
عجوز ورخيم شوية بس هيا ممتازة
وانا تحت امرك

ميرسى ليك أوى
بس أنا عملت بحث دلوقتى على نيسان صنى لقيت من عيوبها

1- ضيق المساحة الخلفية مما يسبب عدم الراحة للركاب فى المقاعد الخلفية خاصة فى المسافات الطويلة.
2- استهلاك وقود اعلى من سيارات كثيرة فى فئتها
3- صوت المحرك اعلى من سيارات كثيرة فى فئتها

هل ده صحيح ولا

**aushoforget** · 27-03-2012 11:31 AM

المشاركة الأصلية كتبت بواسطة kbarema

حضرتك الماتريكس افضل من ناحية الاعتمادية وسيارة عائلية وكمان قطع غيارها متوفرة جدا ورخيصة وعفشتها افضل من الاكسنت ار بي بس للاسف اتوقف تصنيعها فعلا لكن ممكن تجيبى مستعمل نضيف منها
فيه كيا ريو الجديده والبيكانتو الجديده والفيات بونتو الايفو
و لو عاوزه زيرو ممكن اوبترا واسعه جدا عاليه جدا قويه جدا فقيرة في الاوبشن جدا وتمنها اوتو ب 103 الف
لو حضرتك عاوزه عربيه 5 سنين بدون اعطال وموفرة بنزين وقطع غيار معقوله وصالون مش واسع اوي يبقي لانسر بومه هي قديمة والناس زهقت منها لكن ثبات محترم عوامل امان محترمة ومعمرة ومش هتكسفك خالص
لكن رائي المتواضع انك لسه مش بتسوقي كويس يعنى حرام تجيبى زيروا هتبهدليها معاكي خليكى في المستعمل وسنه كده وابقي هاتى زيرو

ميرسى أوى على كل النصايح دى
بس أنا خايفه أشترى عربيه مستعمله وأتدبس فيها وأصرف عليها أد تمنها مرتين تلاته علشان كده فكرت إنى أشترى جديد على طول علشان تستحمل معايه الخبط والرزع

أما بالنسبه لللانسر أنا بصراحه متعقده منها علشان جوزى كان جايبها وعملنا بيها حادثه على طريق شرم
بصراحه أنا محتااااااااااااااااااااره جدآ

**kbarema** · 27-03-2012 11:42 AM

المشاركة الأصلية كتبت بواسطة aushoforget

ميرسى أوى على كل النصايح دى
بس أنا خايفه أشترى عربيه مستعمله وأتدبس فيها وأصرف عليها أد تمنها مرتين تلاته علشان كده فكرت إنى أشترى جديد على طول علشان تستحمل معايه الخبط والرزع

أما بالنسبه لللانسر أنا بصراحه متعقده منها علشان جوزى كان جايبها وعملنا بيها حادثه على طريق شرم
بصراحه أنا محتااااااااااااااااااااره جدآ

حضرتك متخفيش من المستعمل لانو ببساطه هتكشفى عليها في التوكيل
ثانيا لو كنتى راكبه قبل كده لانسر بومة يبقي مينفعش تركبي بعد كده كورى لانك هتضايقى من العفشة وضعف الصاج لان هناك فرق بين الكورى واليابانى وعن تجربه حاليا انا معايا بومه 2009 والنترا 2012 الشكل الجديد اليبانى تقفيل وثبات وامان لا يعلي عليه والكورى اوبشن
الاخ العزيز اللي اقترح نيسان علي فكرة عربية جميله جدا وموضوع الضيق ده مش مؤثر لانها مش عربيه عائله انتى بتقولي جوزك معاه عربيه
ولو مصممه علي الزيرو
ممكن حضرتك تكتبي ميلك ابعتلك اكسيل شيت كنت عامله لواحد صاحبي فيه العربيات الجديدة واسعارها