الفتيس اتحرق و مطلوب فتيس لوجان استيراد ضرورى

**Ahmed Selim** · 14-04-2012 09:10 AM

ينزل الحرفيين أو صقر قريش و هيلاقيه إن شاء الله.

أنا بس اللى مش فاهمه..........أيه علاقة كاوتشة الكوبلن بزيت الفتيس ؟

و بالنسبة للرقم هو مبالغ فيه بس مش كتير قوى........يعنى لو أى توكيل رحت تسأله على فتيس جديد مانيوال لعربية هتسمع رقم أعلى من 10 على أقل أقل تقدير.

ليا واحد أعرفه جاب فتيس أوكتافيا a4 إستيراد من الحرفيين ب 12 ألف جم............الكلام ده من 5 سنين تقريباً.

**megamoudy** · 14-04-2012 10:05 AM

يانهار ابيض .......... سعر الفتيس مبالغ فيه

**samoreception** · 14-04-2012 10:10 AM

ليه ده سعر فيتيس الاوكتافيا فى التوكيل ب15000

**shaddadfalcon1** · 14-04-2012 10:22 AM

المشاركة الأصلية كتبت بواسطة mido7337

معاك جدا و ياريت الناس تبطل تقول اى كلام لأن الاسعار دى افترى

يعني حضرتك معاك لوجان ومتفق ان الأسعار غاليه فعلا ؟

**BLACKVERNA** · 14-04-2012 11:37 AM

شكرا للتعليق و المساعدة

انا لسه مفقتش من الصدمة و مش عارف اتصرف
بس ربنا يسهل و انزل و الاقيه و هقلكوا ان شاء الله على الاخبار

بالنسبة للاخ اللى بيسأل عن علاقة كاوتشة الكوبلن بزيت الفتيس
اللى حصل ان لما العربية راحت التوكيل و كشفوا على العربية لقوا كاوتشة الكوبلن الداخلية متقطعة خالص و بالتالى زيت الفتيس نقص بالتدريج و مع السفر و المشوار الطويل للغردقة الزيت راح و بالتالى العربية مشيت بالفتيس من غير زيت و هو ما اكتشفش الموضوع الا لما لقى الفتيش معشق على التالت و مش راضى يرجع على المور حملها من هناك و بعتها التوكيل

**Ahmed Selim** · 14-04-2012 06:01 PM

المشاركة الأصلية كتبت بواسطة blackverna

شكرا للتعليق و المساعدة

انا لسه مفقتش من الصدمة و مش عارف اتصرف
بس ربنا يسهل و انزل و الاقيه و هقلكوا ان شاء الله على الاخبار

بالنسبة للاخ اللى بيسأل عن علاقة كاوتشة الكوبلن بزيت الفتيس
اللى حصل ان لما العربية راحت التوكيل و كشفوا على العربية لقوا كاوتشة الكوبلن الداخلية متقطعة خالص و بالتالى زيت الفتيس نقص بالتدريج و مع السفر و المشوار الطويل للغردقة الزيت راح و بالتالى العربية مشيت بالفتيس من غير زيت و هو ما اكتشفش الموضوع الا لما لقى الفتيش معشق على التالت و مش راضى يرجع على المور حملها من هناك و بعتها التوكيل

شكراً على الشرح........

بص أنا مش هفتى كتير.........بس على حد معلوماتى البسيطة أن حتى لو كاوتشة الكوبلن الداخلية أتقطعت ده ملهوش علاقة بتسريب الزيت
يعنى بفرض ان الكاوتشة متقطعتش.....هل ده معناه أن جواها زيت ؟

الكاوتشة مش هتوقف الزيت.

أعتقد ممكن يكون فيه عيب صناعة أو حاجة تانية هى اللى أدت إلى تسريب الزيت خصوصاً أن الفتيس المانيوال لو الزيت نقص فيه السواق هيبتدى يحس بعضة فى النقلات.....و هتكون عضة بسيطة فى الأول و بتزيد كل لما الزيت ينقص......كون أن صاحبك محسش بالحتة دى يبقى الموضوع حصل بسرعة مش بالراحة....و الله أعلم.

يا ريت بس تتأكد من أى حد عنده معلومات أكتر عن الموضوع ده علشان على حد علمى ده عيب صناعة فى المقام الأول.

**Ahmed Selim** · 14-04-2012 06:42 PM

دى صورة توضح قصدى شوية

ده عمود الكوبلن.......بيبقى فيه من ناحية الكوبلن الخارجى و من التانية الكوبلن الداخلى.

الجزء اللى على الشمال هو اللى ناحية الفتيس

أعتقد الحتة الرفيعة فيه هى اللى بتبقى داخل الفتيس و الباقى بيبقى برة الفتيس...اللى هى الحتة الضخمة شوية دى

شوف هى فين و كاوتشة الكوبلن فين.

عاوزين نتأكد من الموضوع ده علشان لو كلامى صح يبقى صاحبك ممكن يلبسهم فى الحيط.

**shaddadfalcon1** · 14-04-2012 06:56 PM

فعلا ممكن يكون عيب تصنيع والتوكيل بيشتغله عشان ميصلحش حاجه وبيضرب رقم كبير عشان يتخض ويروح يصلحه بره

ياريت تسال اي مهندي او خيبر من هنا او من بره وتشوف عشان متضيعش حقك

-

الموضوع: الفتيس اتحرق و مطلوب فتيس لوجان استيراد ضرورى

LinkBack

أدوات الموضوع

عرض

-

-

-

-

-

المواضيع المتشابهه

الحقوووووووووووووووووووون ى الفتيس اتحرق !!!!!

الحقوووووووووووووووووووون ى الفتيس اتحرق !!!!!

فتيس جولف استيراد (الى خبراء الفتيس)

مطلوب فوانيس شارك لينس جديد او استيراد ضرورى

اصلح الفتيس ولا فتيس استيراد

الكلمات الدلالية لهذا الموضوع

المفضلات

المفضلات

ضوابط المشاركة