الحقوووووووووووووووووووون ى الفتيس اتحرق !!!!!

**dreammate** · 25-12-2011 09:58 PM

سلامو عليكم
اللى عنده صبر ولو بنسبة بسيطة يكمل الموضوع عشان انا تعبت بجد
انا عندى مشكلة رهييييييييبة وزهقت بمعنى الكلمة
عربيتى شيرى a11
المشكلة بدأت انى رحت اكشف على زيت الفتيس لاقيته ناقص
زودته عادى مفيهاش حاجة
جيت بعد اسبوع لاقيته نقص تانى
رحت زودته
لما نقص لتالت مرة رحت للعفشجى قلتله الكبالن بتجيب زيت قاللى غير راس الكوبلن الداخلية مع ان مفيش صوت طقطقة لا فى العدل ولا فى الملفات المهم رحت اغيرها الراجل قاللى يا بيه الراس عندك سليمة مدام مفيش طقطقة اكيد اللى بيسرب الزيت حاجة تانية سيبك من الصنايعى ده وشوف غيره
رحت لوحد تانى قاللك ال oil seal بتاع الكوبلن باظ وهات واحد جديد
قلت ماشى يا عم نغيره ورحت جبت نفس المقاس جديد وركبته وزودت زيت بردو نقص تاااااااااانى
رجعتله قاللى نجيب المقاس الاصغر عشان يقفل كوييس ققلت ماشى جبته وبردو لسه الزيت بينقص
اعمل ايييييييييه
حد يدلنى اعمل ايه الفتيس يكاد يكون باظ صوت العربية مستحيل حد يستحمله انا اكيد هحتاج اغير الفتيس بس لازم احل مشكلة تسريب الزيت دى الاول هوا الفتيس كدا كدا باين عليه باظ
اروح لمين ولا اعمل ايه
ولما اجيب فتيس جديد اجيبه جديد ولا استيراد
وهل اصلحه ولا اغيره احسن وهو سعره كاااااام
انا زهقت من ام الصنايعية عايز اولع فيهم واحد واحد
معلش انى متنرفز بس هعمل ايه ملقيتش غيير المنتدى هنا الجأ له
ساعدونى انا مش عارف افكر

**rotanamasoud** · 26-12-2011 11:50 AM

طيب لو بتحط زيت خفيف غير بزيت تقيل عشان يستحمل معاك تقريبا درجته140 على ما اعتقد او قله زيت فتيس بتاع العربيات القديمه جرب وقولى

**ahmed_rgina** · 27-12-2011 09:48 AM

بص ياسيدى فى الاول اغسل الموتور والفتيس فى المغسلة او اى بنزينة كويس بعد كدة روح لاى ميكانيكى او عفشجى محترم يشوف تسريب الزيت منين بالضبط وفى الغالب بيكون التسريب فى كوتش الكوبلن اللى راكبة من ناحية الفتيس (كوتشة الزيت ) ممكن تكون بتهرب زيت ولما تيجى تزود زيت فى 3 درجات الاول خفيف نوعا ما والثانى متوسط والثالث ثقيل شوية زود من النوع المتوسط اللزوجة افضل

**dreammate** · 27-12-2011 09:41 PM

والله يا باشا لسه عامل الحركة دى من يومين تلاتة بالظبط وقولتله حطلى اتقل زيت عندك قاللى اللى هنا 140 كان بيتحط للعربيات القديمة
حطيت كيلو ونص
و وهوا بيزوده قاللى على فكره فيه رايش كتير وورانى ايده كان عليها ذرات حديد كدا قاللى امشى بيه شوية وتعالى اغيرهولك كله على بعضه عشان يكون الزيت التقيل ده اخد كل الذرات دى ونزل فاهمنى؟؟
بس دلوقتى انا مش متأكد فيه تسريب ولا لا
بس المشكلة الاكبر ان صوت العربية مع كل الغيارات كانى راكب طمبييل والله
ولو جبت خامس بحس ان فى حاجة بتتاكل كدا ف بقى اخر حاجة عندى هوا الرابع
انا متغاظ جدا ومش عارف كدا الفتيس باظ ولا فيه امل؟؟
هوا تمنه كام اصلا والاقيه فين ده؟؟؟

**yoga** · 31-12-2011 10:00 PM

الله يعينك ويخلصنا م البهايم

**eyeswizard** · 01-01-2012 04:03 AM

انا عارف انو رقم كبير بس معتقدش انو هيعدى ال 500 جنيه
دا قياسا على فتيس الفيرنا

**farselkon** · 02-01-2012 01:16 AM

ياعم حل الفتيس وإلحقة وريح دماغك واكيد هيكون عطل بسيط وكل يوم هيعدى عليك هيجيبلك باقى إخواته (بقية الأعطال)
نصيحة من اخ حل على طول وكله هيبان

**dreammate** · 04-01-2012 12:13 AM

انا معاك يا باشا اوكى هحل على طول طيب
بس هحل فييييييييييييييييين؟؟
الصنايعية فى الضياع
يمكن عشان انا فى الشرقية كلهم بهايم
المبة تشيك انجن نورت والزيت بيسرب ومش عارف اعمل ايه
راكن العربية تحت البيت ومقضيها مواصلات
مش عارف اروح لميييييييييين