الموضوع: أٌقرب طريق لمصانع المحله ازاى ؟

عاوز مصنع مين فى المحله ؟
عموما المحله فيها كذا مكان فيه مصانع
بس اكتر مكان فيه مصانع هو المنطقه الصناعيه
هتركب من عندك (معرفش منين)
هينزلك فى المحله هنا ميدان الشون
المنطقه الصناعيه قريبه منك بس للاسف مفيش مواصله مباشره ليها غير تاكسى
اركب تاكسى قوله عاوز اروح المنطقه الصناعيه الى على الدائرى
اديله 3 او 4 جنيه بالكتير اوى اوى اوى
انا للاسف مش بنزل من البيت نهارا عشان تعبان و باخد دوا ممنوع التعرض للشمس
بس رقمى اهو 01116033992
كلمنى لو عوزت حاجه و لو الدنيا باظت هبعتلك الى يوصلك
بس قولى لو انت رايح مصنع معين لان انا اصلا شغلى فى المنطقه الصناعيه و عارف مصانع كتير

نسيت اقولك ان الطريق لو ماشى كويس هتوصل فى ساعتين
لو فى مشاكل فى الطريق يبقى الوقت مفتوح ..3 4 5 ساعات عادى

المشاركة الأصلية كتبت بواسطة mshawky

جزاك الله خيرا يااستاذ خالد على زوقك وتعبك معايا

انا كنت عايز مصنع اسمه المسيرى المغروض انه مشهور جدا هناك بس معرفش مكانه

وانا كنت هركب من عبود مثلا او رمسيس لسه مش عارف

المسيرى و القليوبى
ده مش فى المنطقه الصناعيه اصلا !
ده فى مكان فى المحله بنقول عليه المشحمه
انت اه هتركب من رمسيس هتنزل الشون
فى ميكروباصات كتير بتروح المشحمه
وبرده ممكن تركب تاكسى قوله عند المشحمه او قوله عند شركه المسيرى الى فى مدخل المحله من ناحيه الدائرى
واديله 2.5 او 3 جنيه
حسب النوع لو تاكسى جديد 3 لو قديم 2.5
المهم
هتوصل عند المشحمه هينزلك عند محطه بنزين "موبيل"
خلى المحطه على يمينك و بص على شمالك
هتلاقى شركه المسيرى
هو حضرتك هتوصل فى حدود الساعه كام ؟
انا من اول يوم التلات الجاى هبدأ انزل لو حابب اقابلك على الشون اوصلك انا بحيث لو احتجت تروح فى مكان تانى ابقى معاك و متلفش حوالين نفسك
بس على اى وضع لو لقيت نفسك تايه كلمنى و انا ابعتلك حد من اصحابى يوصلك المكان الى انت عاوزه مفيش مشكله

المشاركة الأصلية كتبت بواسطة mshawky

ربنا يعزك اهل المحله طيبين وكلهم زوق زيك ياغالى

انا كنت هروح بصراحه المسيرى ده ومصنع اسمه فوكس بتوع حاجات رياضه

فى حد اقوى منهم ترشحهولى ؟

ربنا يخليك يا باشا ده بس من ذوقك
فوكس اعتقد بتاع عيله الشعراوى
بصراحه الملابس الرياضيه مش مجالى انا شغال فى الوبريات
بس هسألك بكره ان شاء الله لو فى حد اقوى منهم بس اعتقد ان هما اقوى اتنين
هو حضرتك نازل بكره ؟

المشاركة الأصلية كتبت بواسطة mshawky

باذن الله او حد من عندى ممكن يكلمك ان شاء الله ويسالك بس لو تاه ولا حاجه

مفيش مشكله اتشرف بمكالمه اى حد