تحذيرين على الماشى للاسكندرانية و زوار الاسكندرية

**Ghamrawy** · 01-05-2012 02:55 AM

الاول
طبعا كلنا عارفين ثمرة بنجر السكر
حاجة كده كبيرة و مكببة و حجمها اكبر من القلقاس
الثمرة دى بتروح على عربيات مقطورة صندوق لمصنع سكر النوبارية
و بما ان سواقين النقل الكبير ما عندهمش ذمة و لا ضمير بيحملوا العربية باكتر من طاقتها و الثمر بيفضل يقع من العربية على الطريق الصحراوى من النوبارية لمدخل اسكندرية و العكس
الثمرة دة كلها من جوه عبارة عن سوائل زيتية
لو عربية داست عليها كل سنة و انت طيب،عومان و حادثة اكيدة

التانى
و انا راجع من القهوة فى سيدى بشر و راجع على زيزينيا لقيت الاشاوس بتوع المحافظة قافلين الطريق اللى نازل من سيدى بشر لمحطة الرمل "طريق البحر" و بيعملوا مطب حلو من النوع الصغير الناشف الرفيع اللى بيهد العربية ده
المطب موجود فى الناحية المواجهة لبنك بى ان بى باريبا "فرع لوران اللى على الكورنيش"
طبعا ماحدش يجرى هناك علشان ميفرملش فجأة و يلبس فيه حد من ورا او يكسر عربية لو طار من على المطب

و عمار يا اسكندرية

و عمار يا مصر
وصيف سعيد

**DarkMagician** · 01-05-2012 03:12 AM

يااااااااااااه البنجر ده دنا كنت بعوم فيه كل يوم في مصنع نجيب سويرس
ههههههههههههههههههههههههه هههههههههههههه

**DarkMagician** · 01-05-2012 03:13 AM

متشكرين يا فندم على التحذير

**AhMeD MeTwAlY** · 01-05-2012 04:41 AM

مصر كلها مطبات حاليا عندنا في الشرقيه اهل الكرم بيعملو المطبات بغباوه (كبري عامل فيها مطب)
طريق سريع لمسافة 21 كيلو للربط بين الزقازيق وديرب نجم فيهم اكتر من 35 مطب تخيل دا طريق سريع