رينو Sandero ولا بريليانس FRV....؟؟

**Raul_7** · 03-05-2012 10:51 PM

السلام عليكم,

لو سمحتم يا رجالة عايز مقارنة بين العربيتين دول من ناحية:

الموتور (قوة واستهلاك بنزين):

العفشه و الثبات:

التوكيل (خدمة واسعار) :

قطع الغيار (توافر واسعار) :

التكييف:

الوسع:

الصاج:

الاعتمادية:

ولو هتختار واحدة تختار أنهي؟

**Hmatchy** · 03-05-2012 11:17 PM

بص انا مركبتيش السانديرو علشان اقارن انا هقولك ال frv ظروفها ايه وربنا يكرم بحد ركب السانديرو ويقولك ظروفها ايه وربنا يوفقك
انا معايا fsv وهيا بتشترك مع الكروس فى كل حاجة فرق الشنطة و الجنوط

الموتور (قوة واستهلاك بنزين): 1500 قوة معقولة اوى وبتاع سرعات عالية مش طلعه قوية لان العربيه وزنها تقيل فعلا و استهلاك بنزين هايل موفرة يعنى مثلا تروح اسكندريه صد رد من غير لف كتير 50 جنيه بنزين وده لو بتجرى 160 و 180
لكن لو على مهلك هتستهلك 5 او 6 ليتر كل 100 كيلو ودى ارقام حقيقيه مش كلام كتالوجات

العفشه و الثبات: عفشة ناشفه شويتين بس بتديك راحة عاليه فى طرق السفر وثبات رهيب بتحس بيه اوى على الطرق السريعه

التوكيل (خدمة واسعار) : التوكيل غالى بس خدمه متميزة ويعتبر افضل توكيل (البفاريه) وجهة نظر

قطع الغيار (توافر واسعار) : قطع الغيار غاليه بس معمرة وخد بالك اى عربية مهما كانت سعر قطعه الغيار الاصليه غاليه بس اللى بيحسس الناس بالفرق الانتشار وتوافر اكتر من مستوى لقطعه الغيار

التكييف: مش فى قوة العربيات الكورى و اليبانى بس انا شيفو معقول جدا لانو مبياثرش على السحب تقريبا

الوسع: ممتازة وشنطة بحر

الصاج: ممتاز وتقيل اوى

الاعتمادية: اعتقد جى بتبان بعد 4 سنين ولا حاجة علشان نحكم والعربيتين مبقالهومش سنتين بس عن تجربة شيل من دماغك موضوع ان البريلليانس صينى
يعنى لو لقيت ان العيب الوحيد فيها انها صينى هاتها لانها بجد عربية هتحس معاها انك راكب حاجة عاليه فى الثبات زى الجولف كدة
وفى النهايه ربنا يوفقك للى فيه مصلحتك

**Hmatchy** · 04-05-2012 12:52 AM

الاختلاف فى المتور و الشكل والكماليات لكن العفشه والشاسيه والصالون واحد
و انا اعتقد مفيش frv كلو كروس دلوقتى

**Hmatchy** · 04-05-2012 12:53 AM

اه نسيت اقولك حتى لو فى اختلاف الfrv شنطتها كبيرة اوى اوى

**Raul_7** · 04-05-2012 03:57 AM

المشاركة الأصلية كتبت بواسطة mido_soliman

من تجربتى للعربيتين اللوجان وال frv افضل ال frv بمراحل
اللوجان (السانديرو هى هى بس هاتش واوتو ) محستش انى سايق عربية خالص
ال frv صينى اة بس انا اعجبت جدا بيها كعربية ثباتها حلو جدا وتسارعها هايل
صوتها مش عالى ومش واطى
تكييفها ممتاز جدا جدا
شنطتها طبعا مش كبيرة لانها هاتش ولكن مقبولة
تحس انك راكب عربية مقارنة بالرينو بامانة لانى لما ركبت الرينو غير انى كنت مخنوق مش حاسس انها عربية جديدة خالص

تمام يابو حميد, إنت بتفكرني بنفس إحساسي لما بركب اللوجان بتاعت الوالد....مابستريحش خالص.

بس أنا سمعت إن قطع الغيار غالية قوي وإن الفانوس الامامي ب 1300 وكلام كده؟؟ (frv)

**mido_soliman** · 04-05-2012 04:45 AM

المشاركة الأصلية كتبت بواسطة raul_7

تمام يابو حميد, إنت بتفكرني بنفس إحساسي لما بركب اللوجان بتاعت الوالد....مابستريحش خالص.

بس أنا سمعت إن قطع الغيار غالية قوي وإن الفانوس الامامي ب 1300 وكلام كده؟؟ (frv)

معرفش حاجة خالص عن قطع الغيار يا حودة للاسف
بس معتقدش انها اوفر كدة اوى وبردة اللى عندة العربية ياريت يوضح
من رائي شيل السانديرو خالص من حساباتك ودخل اى حاحة تانية مكانها

**Raul_7** · 04-05-2012 05:09 AM

المشاركة الأصلية كتبت بواسطة mido_soliman

معرفش حاجة خالص عن قطع الغيار يا حودة للاسف
بس معتقدش انها اوفر كدة اوى وبردة اللى عندة العربية ياريت يوضح
من رائي شيل السانديرو خالص من حساباتك ودخل اى حاحة تانية مكانها

ايه تاني ممكن تحطه في حساباتك طيب؟

-

-

-

الموضوع: رينو Sandero ولا بريليانس FRV....؟؟

LinkBack

أدوات الموضوع

عرض

رينو Sandero ولا بريليانس FRV....؟؟ - انشر الموضوع فى :

-

-

-

-

-

-

المواضيع المتشابهه

رينو Sandero Stepway

Sandero Stepway المواصفات الرسمية من رينو مصر

رينو فلوانس ولا كيا سول ولا بريليانس frv

بريليانس fsv ام رينو لوجان

بريليانس fsv ام رينو لوجان

الكلمات الدلالية لهذا الموضوع

المفضلات

المفضلات

ضوابط المشاركة