موضوع واحد لتقييم و مشاكل الألنترا md - (خاص فقط بالسادة الملاك)

**sayedmagic** · 08-05-2012 04:16 AM

[QUOTE=error_1088;3874291647]يعنى العربية لو فيها خبطة كدة ولا كده اوديها قسم الهياكل وهما هيظبطوها
والتكلفة بتفرق جامد عن السمكرية ولا مش اوى ؟
اولا بعد الشر عنك وربنا مايجبلك حاجة وحشة ثانيا عن تجرية شغلهم نضيف بس اسعار غالية اووووووووووووووووووووي يعني انا راشش الرفرف الايمين بمصنعيات لوحده 1500 وكان فيه حكة في الباب بس الباب مرشش بس احلي حاجة ان لونه فبريكة ومفيش اي تغير عن باقي العربية ده اللي عجبني وخالي ادفع 5000 يوم حدثيتي

**kbarema** · 08-05-2012 04:16 PM

- نوع العربية : النترا md موديل 2012 .
2- الفئة : اول فئة اوتوماتيك + فتحة سقف.
3- تاريخ الشراء : 2-2012
4- عداد الكيلومتر :9600 كم
5- أهم المميزات : العربية شكلها جبار الناس علطول عنها عليها صالون واسع و مريح و شكل التابلوه انيق_والبلوتوث جميل _والكاسيت معقول مش وحش _موتور قوي_وبالنسبة لثبات اخر حاجة جربتها كانت 170 كم/ساعة.
6- أهم العيوب : سمعة التوكيل_سقفها واطى جدا لو واحد طويل شويل يضايق منه فعلا خصوصا ورا _كبر حجم الفوانيس الامامية و الخلفية وصعوبة رؤية كبوت وشنطة (مسألة تعود)_صعوبة أصلاح الشكل الخارجي_ارتفاع سعرها_عدم وجود فرامل abs وايمبلويزر _ أستهلاك بنزين عالى _صوت العربية عالي _صوت غريب لما اكون علي منحدر جامد وضاغط فرامل وبلف الطارة _ في صوت تكتكه بسيط في العجله اليمين وانا ماشى بس مسمعوش غير بالليل في الهدوء
7- المشاكل الفعلية التي ظهرت : حتى الان الحمد لله

**CryptonX** · 08-05-2012 04:22 PM

1- نوع العربية : الانترا 2012 توكيل
2- الفئة : اول فئة اوتوماتيك
3- تاريخ الشراء : 29-1-2011
4- عداد الكيلومتر : 7600 كم

5- أهم المميزات : احلى تصميم سيارة في فئتها - موتور هادئ و عزل ممتاز - رحابة في الداخل -
رغم كونها اول فئة لكن يوجد بها بعد كماليات غير موجودة في المنافسين - انتشار كبير - سهولة القيادة و سهولة الوصول الى اي جزء في التابلوه - ثبات جيد جدا حتى 160 - تسارع جيد جدا

6- أهم العيوب : الرؤية الخلفية سيئة جدا بسبب صغر حجم الزجاج الخلفي - لا يوجد ABS/Immobilizer في اول فئة للاسف. - نوع الكاوتش جيد و لكن صوته عالي جدا على الطرق الممهدة بطريقة سئية
7- المشاكل الفعلية التي ظهرت : لم تظهر الى الان الحمد الله

**besbest** · 18-05-2012 03:18 PM

نوع العربيه:- هيونداي النترا 2012 وكيل
الفئه:- md with air bag &abs (تالت فئه اوتوماتيك)
تاريخ الشراء:- 23\8\2011
عداد الكيلو متر :- 17250

المميزات:- الشكل الخارجي جذاب جدا ,الانسيابيه الفائقه ,صالون داخلي رحب وواسع,الفتيس الجديد تسارعه كويس جدا ,اقصي سرعه وصلت ليها 195 كم وكانت ممكن تجيب اكتر من كده لولا ظروف الطريق,الثبات في المنحنيات رائع بسرعه 110 تقريبا تماسك العربيه علي الطريق جيد جدا (منحني الكوبري الجديد اللي فوق بنزينه وطنيه -علي طريق القطاميه في اتجاه التجمع الخامس للي يعرفه يعني ) في اقل نصف قطر.
اداء الفرامل المانعه للإنغلاق عالي جدا بمنتهي الحياديه استهلاك البنزين تقريبا 8 لتر\100كم استهلاك مش اقتصادي من وجهه نظري الشخصيه ,الثبات تقريبا بدرجه 7.5 من وجهه نظري برضه

العيوب :- السعر مبالغ فيه حوالي من 5 الي 8 الاف جنيه في كل فئه ,خامات التابلوه مش هتستحمل ارتفاع درجات الحراره في مصر ,العفشه الخلفيه ناشفه وقاسيه ,عدم وجود طي الكنبه لزياده مساحه التحميل مع الشنطه ,صوت احتكاك الكاوتش مع الاسفلت عالي ومسموع بدرجه كبيره ,عدم توافر اي اكسسوارات ليها حتي الان في الاسواق .

المشاكل الفعليه :- ظهور صوت تزييق فرش الابواب من الداخل وكأنها عربيه قديمه والي الان مظهرتش اي مشكله تانيه والحمد لله

**esam_ayad** · 06-08-2012 02:59 AM

ايه ياجماعه؟معقول هم دول الأعضاء اللي اشترو النترا2012 بس؟
ده المنتدي بسم الله ماشاء الله مليان النتراويه كتييييييييييييير.
نرجو تفعيل الموضوع ومشاركة جميع الاعضاء ليستفاد القدر الأعظم من الناس.

**hawary2** · 07-08-2012 06:11 PM

نوع العربية : هيونداى النترا md 2012
الفئة : اول فئة اوتوماتيك
تاريخ الشراء: 10/2011
عداد الكيلو متر : 21160
المميزات : نفس كلام اﻻعضاء
العيوب : صوت احتكاك الكاوتش مع اﻻسفلت. و مسموع بصوت واضح
المشاكل الفعلية : سماع صوت هواء بيدخل العربية على السرعات العالية من 100 وانت طالع مع العلم ان جميع زجاج العربية بيكون مقفول كله على اﻻخر
فياريت لو حد ظهرت عنده المشكلة دى يقول و يقول حلها ايه
الصوت بيظهر من باب السواق
وكان فى صوت هواء بيظهر من الزجاج اﻻمامى تم وضع سيليكون زيادة واختفى الصوت ملاحظة انا كنت مغير الزجاج اﻻمامى ﻻنه اتكسر قبل كدة.......... لكن باب السواق مش عارف اعمل فى ايه

**svneleven** · 08-01-2013 07:14 AM

1- نوع العربية : الانترا 2012 وكيل
2- الفئة : اوتوماتيك مش عارف أنهي فئة ممكن حد يقولي ( ABS* Bluetooth* driver airbag* Sun roof دركسون و عصاية فتيس جلد و جنوط 16)
3- تاريخ الشراء : 3/2012
4- عداد الكيلومتر : 9800كم

5- أهم المميزات : عملية جدا واسعة شكل مميز أداء المحرك معقول فرامل عالمية جدا عفشة طرية و مريحة ثبات رائع في الملفات أوبشنز معقول.
6- أهم العيوب : الكنبة مش بتفتح علي الشنطة لزيادة مساحة التخزين. احساس بعدم الثبات عند عبور فواصل الكباري في الملفات علي سرعة عالية. محتاجة حرص عند الركن نظرا للأبعاد و المنحنيات الكتير في جسم العربية
7- المشاكل الفعلية التي ظهرت : لم تظهر الى الان الحمد الله

**محمد التنجى** · 08-01-2013 09:31 PM

نوع العربيه النترا 2012
الفئه هاى لاين gl
تارخ الشراءاخر مارس 2012
عدد الكيلومترات 18 الف
اهم المميزات: واسعه انسيابيه ومرنه فى القياده وممتعه ثابته فى الطرق الممهده على السرعات العاليه وكذا فى المنحنيات تسارع ممتاز حتى 120 رفاهيه فى القياده
العيوب:التعليق اللمتصل للعجل الخلفى بيحسسك ان العربيه بترقص فى المطبات زياده استهلاك البنزين على السرعات العاليه بصوره مبالغ فيها بسمع اصوات تزيق احيانا فى التابلوه بسمع اصوات العجل عالى وبيدخل الظلط فيه بطريقه مبالغ فيها بوبات التكيف غير محكمه القفل