علاقة المروحة بإستهلاك البنزين

**Ahmed_Ramadan** · 13-05-2012 06:02 PM

السلام عليكم
كنت عاوز أعرف علاقة بين سرعة مروحة التكييف و إستهلاك البنزين ......بمعنى هل لمل أشغل مروحة التكييف على 4 العربية هتستهلك زى ما أشغلها على 2 مثلا ؟؟

**totyfox** · 13-05-2012 10:41 PM

متابع

**douha_wise** · 13-05-2012 11:01 PM

لا يختلف إستهلاك البنزين لو شغلت المروحة على السرعة الأولى أو السرعة القصوى لأن و ظيفتها فقط هو زيادة معدل اندفاع الهواء سواء البارد أو الساخن فقط الاستهلاك سيكون فقط لتشغيلك التكييف ليس إلا

**engwael** · 15-05-2012 03:45 PM

طب انا عندي سؤال مشابه وهو ما هو معدل زيادة استهلاك البنزين عند تشغيل التكييف؟

**Rsarabia** · 23-06-2012 01:27 PM

زيادة سرعة المروحة فى بداية التشغيل هيرفع استهلاك البنزين لكن هيوصل العربية لدرجة الحرارة المطلوبة بسرعة و بالتالى تفصل الكومبيرسور اسرع و توفر فى البنزين بعدين لذلك
يفضل عند بداية تشغيل التكييف تشغليه على اقصى سرعة بعد كدا ممكن تنزل سرعة المروحة

**dandashx** · 03-07-2012 12:40 PM

التكييف استهلاكه ثابت على أي سرعة للمروحة

المروحة بتسحب من كهربة العربية مع زيادة سرعة المروحة وبالتالي بتأثر برضو على استهلاك البنزين، بس بصورة ضعيفة جدا لا تقارن بتأثير التكييف

الخلاصة، لو بتفكر تقلل سرعة مروحة التكييف عشان استهلاك البنزين يقل، مش هتفرق كتير

بالعكس، ممكن لما تزود سرعة المروحة، توصل بالعربية لدرجة التبريد المطلوبة أسرع وبالتلي الكمبروسور يفصل زي ما الأخ قال.

بالنسبالي باستخدم سرعة 4 للمروحة في حالتين اتنين فقط، أول ماشغل التكييف، ولما يكون فيه ناس راكبة ورا، غير كده باشتغل على 1 بالليل و2 بالنهار، أكتر من كده الصوت بيبقى مزعج