ياتري في علاقة بين المروحة الجديدة وضعف السحب

**muhmado_furp** · 24-08-2009 04:56 AM

السلام عليكم
كل عام وكل اعضاء المنتدي بخير

ظهرت عندي مشكلة مش عارف دي نتيجة ايه
مروحة الردياتير عندي كانت مش بتبرد كويس لانها مش كانت بتاعة العربيه
فقلت اجيب واحده استيراد كده نص عمر وبسعر حنين واركبها جمب القديمه
منها تحسن التبريد ومنها تخفف حرارة الموتور لان العربيه كانت بتسخن بشكل ملحوظ

المهم
التبريد بقي تمام جدا ومفيش مشكلة
المشكلة اني بدأت احس ان سحب العربيه بيروح خالص علي بعض الغيرات وبشكل متقطع
يعني ضعف السحب مش مستمر
لكن علي بعض الغيارات الاقي السحب رايح
وبعدين السحب بيظبط تاني وكل تمام

مش عارف ده ناتج عن ان الهواء الموجه للموتور مش متساوي
لان المروحه الي ركبت جمب القديمة طبيعي ان هواها اشد شوية
فممكن تكون دي السبب
ولا في سبب تاني
مع العلم ان الكهربائي فصل كهربه المروجه الجديده بعيد عن القديمة وبكتاوت لوحده علشان متحرقش
كتاوت المروحه الاصليه
طبعا انا نسيت اقول العربيه
هيا تمبرا 1600 موديل 94

فلو حد عنده تفسير يبقي ياريت
وللعلم الزيت للموتور لسه فيه اكتر من الفين كيلو زيت موبيل السوبر الاصفر

والف شكر ليكم جميعا

**amarakl** · 24-08-2009 08:46 AM

المفروض ما فيش علاقه بين المروحه والسحب بس ممكن تلاحظ ساعتها حراره الموتور كام

**aYaBooY** · 24-08-2009 10:26 AM

اولا مفيش علاقة بين الزيت و السحب
انت غالبا المشكلة عندك انك مع المروحة الجديدة الموتور بيبرد اكثر من المسموح و ده يسبب احساس بالهزة في الموتور و ضعف في السحب و استهلاك بنزين اكتر من الطبيعي و يؤثر على عمر الموتور بالسلب
نصيحة تشوف الاوضاع بتاعت العربية كانت عاملة ازاي من مصنعها و تعمل زي ما كانت

**muhmado_furp** · 25-08-2009 12:47 AM

المشاركة الأصلية كتبت بواسطة ayabooy

اولا مفيش علاقة بين الزيت و السحب
انت غالبا المشكلة عندك انك مع المروحة الجديدة الموتور بيبرد اكثر من المسموح و ده يسبب احساس بالهزة في الموتور و ضعف في السحب و استهلاك بنزين اكتر من الطبيعي و يؤثر على عمر الموتور بالسلب
نصيحة تشوف الاوضاع بتاعت العربية كانت عاملة ازاي من مصنعها و تعمل زي ما كانت

السلام عليكم
شكرا ياباشا علي الرد
بس انا اعتقد ان المروحه التانيه هتفرق في سرعة التبريد
لان المروحه شغاله علي الترموستات
يعني الموتور يوصل لسخونيته المروحه تشتغل التبريد يشتغل علي الموتور
الترموستات تفصل المروحه
يعني مفيش علاقه بين بين قوة التبريد والاهتزاز وكده

والله اعلم ممكن يكون كلام حضرتك صح
بس الف شكر لاهتمامك

**muhmado_furp** · 25-08-2009 12:55 AM

المشاركة الأصلية كتبت بواسطة amarakl

المفروض ما فيش علاقه بين المروحه والسحب بس ممكن تلاحظ ساعتها حراره الموتور كام

الف شكر ليك ياباشا
هو فعلا انا بلاحظ الحراره
بس انا تاكدت من حاجه النهارده انا ترموستات الموتور فعلا محتاجه تغيير
لان النهارده العربيه بتسخن بسرعه رهيبه
ورغم التبريد كويس لكن برضك التبريد بيفصل بس الحراره مش بتنزل زي عادتها

ففعلا كده ترموستات الموتور محتاجه تغيير
ياريت رأي باقي الزملاء
وياريت رأي مهندسنا م/سميرعياد

**Ali_Abdelhamid** · 25-08-2009 11:04 AM

اعتقد ان مشكله السحب ناتجه عن قله الكهرباء فى حاله تشغيل المروحه التانية ... بمعنى انا فى عربيتى لما ركبت انوار اضافيه وكانت البطارية عندى ضعيفه كان السحب ضعيف جدا ... وأتاكد من كدا لما اكون واقف أمام الموتور واشغل النور العالى يتغير صوت الماتور وبحدث رجه ... والحمد لله اتحلت المشكله لما جبت بطارية جديده بأمبيير اعلى ... واعتقد ان دا اللى بيحصل عندك لما بتحس أن السحب بقى ضعيف فى حاله تشغيل المروحه

**galilio_mad** · 25-08-2009 11:15 AM

المشاركة الأصلية كتبت بواسطة ali_abdelhamid

اعتقد ان مشكله السحب ناتجه عن قله الكهرباء فى حاله تشغيل المروحه التانية ... بمعنى انا فى عربيتى لما ركبت انوار اضافيه وكانت البطارية عندى ضعيفه كان السحب ضعيف جدا ... وأتاكد من كدا لما اكون واقف أمام الموتور واشغل النور العالى يتغير صوت الماتور وبحدث رجه ... والحمد لله اتحلت المشكله لما جبت بطارية جديده بأمبيير اعلى ... واعتقد ان دا اللى بيحصل عندك لما بتحس أن السحب بقى ضعيف فى حاله تشغيل المروحه

صح , حتى فى الوضع العادى و بدون اى مشاكل لما المروحة بتشتغل الموتور بيبرجل ثانية او اتنين
نتيجة لسحب الكهربا الزيادة

شوف المروحة الاقوى و ركبها لوحدها بكتاوت كويس
و لو عايز تتأكد افصل اى واحدة فيهم و جرب سحب العربية

**aYaBooY** · 26-08-2009 12:51 PM

بما انك عندك ترموثتات موتور و عاوز يتغير يبقي اعملة الاول و متسمعش كلام اى صنيعي عامل فيها بورم و لما يقولك انه ملوش لازمة

**amr_elrashidy** · 26-08-2009 01:12 PM

المشاركة الأصلية كتبت بواسطة ali_abdelhamid

اعتقد ان مشكله السحب ناتجه عن قله الكهرباء فى حاله تشغيل المروحه التانية ... بمعنى انا فى عربيتى لما ركبت انوار اضافيه وكانت البطارية عندى ضعيفه كان السحب ضعيف جدا ... وأتاكد من كدا لما اكون واقف أمام الموتور واشغل النور العالى يتغير صوت الماتور وبحدث رجه ... والحمد لله اتحلت المشكله لما جبت بطارية جديده بأمبيير اعلى ... واعتقد ان دا اللى بيحصل عندك لما بتحس أن السحب بقى ضعيف فى حاله تشغيل المروحه

+11111111111111111111111111
كلامك مظبوط
انا حاصل عندى نفس المشكلة بالظبط و الكهربائى قالى بطاريتك صغيرة على العربية و فعلا بتعمل هزة فى الموتور ساعة ماتشتغل.

**Ali_Abdelhamid** · 26-08-2009 03:28 PM

شكرا جزيلا يا عمرو ... يا ريت اى حد فى المنتدى يكون عنده مشكله وربنا اكرمه وحلها يقول لاخريين ... هانفيد بعض اكتر بكتيير ... واهم حاجه نبعد عن الميكانيكية اللى بيفتو ... والحمد لله الذى قدرنا لهذا ... على عبد الحميد

الموضوع: ياتري في علاقة بين المروحة الجديدة وضعف السحب

LinkBack

أدوات الموضوع

عرض

ياتري في علاقة بين المروحة الجديدة وضعف السحب - انشر الموضوع فى :

-

-

-

-

-

-

المواضيع المتشابهه

مشكلة فى البنزين وضعف السحب والتجميع فى كيا شوما

صوت خشونة وضعف فى السحب

علاقة المروحة بإستهلاك البنزين

بتعمل مدافع وانا ماشى وضعف فى السحب

رجرجة جامدة وضعف فى السحب شديد!!!

الكلمات الدلالية لهذا الموضوع

المفضلات

المفضلات

ضوابط المشاركة