النتراوى جديد يريد المساعدة ....... شكراً مقدماً

**abo5** · 23-05-2012 02:47 AM

اخوكم العبد الفقير لله لسه شارى النترا 2008 من شهرين كانت عاملة 40900 كم و بقت عاملة 44000 دلوقتى وبما انى كنت من ملاك ال 504 فالمعاملة مختلفة تماما ً :) :) ارجوكم ان تفيدونى فى الاتى
1- عايز اغير زيت موتور و فتيس عايز اعرف افضل زيت للاتنين و اسعارهم و بيتغيروا كل قد ايه
2- عايز اجيب اربع فرد كاوتش .. عايز اعرف افضل الفرد الموجودة و فى حدود كام كده .. مع العلم ان مقاس الكاوتش هو بتاع الزيرو زى ما هو وانى افضل القيادة المريحة عن الرياضية
3- مشكلة غريبة جداً بقى ... شارى العربية و كان صاحبها مركبلها انذار مش الاصلى بتاعها ... المهم فضلت العربية كويسة مافيهاش حاجة ... شهركده و اجى ادور ساعات تدور و ساعات لأ .. المهم رحت لميكانيكى معرفة كشف على الكمبيوتر و قالى الانذار ده بيعلق .. رحت رايح مغيره كله بس كنت بدور بمفتاح الانذار القديم لحد ما مرة مرديش يدور .. ولما جربت مفتاح الاسبير دارت عادى ... رحت مطلع مفتاح على الاسبير ... فضل المفتاح الجديد ده يدور العربية فترة و بعدين مارضيش ... رجت مستخدم الاسبير دارت العربية عادى ... دلوقتى السؤال هل ينفع اروح التوكيل و اطلب منهم يدونى مفتاح اصلى تانى للعربية ولا لأ و لا هفضل ماشى بالاسبير كده و خلاص ؟!! و ايه رسوم الخطوة دى ؟

انا اشف يا جماعة طولت عليكم ... بس قلت اسأل اهل الخبرة :) :)

**Screenplays** · 23-05-2012 06:09 AM

بالنسبه للزيت : انا كنت بستخدم منتجات موبيل عن نفسي

بالنسبه للكاوتش : انا كنت مركب طقم بريدجستون حكايه

بالنسبه للمفتاح : اه ممكن تروح للتوكيل و تطلب مفتاح

**Kareem Fawzy** · 23-05-2012 08:47 AM

المشاركة الأصلية كتبت بواسطة abo5

اخوكم العبد الفقير لله لسه شارى النترا 2008 من شهرين كانت عاملة 40900 كم و بقت عاملة 44000 دلوقتى وبما انى كنت من ملاك ال 504 فالمعاملة مختلفة تماما ً :) :) ارجوكم ان تفيدونى فى الاتى
1- عايز اغير زيت موتور و فتيس عايز اعرف افضل زيت للاتنين و اسعارهم و بيتغيروا كل قد ايه

زيت الموتور انصحك للالنترا انك تحط زيت فالفولين syn power mst 5w-30
دة زيت تخليقى بالكامل محترم جداً وبيقعد معاك 15الف كيلو ممكن اكتر بس انا افضل 15 الف كيلو
ودة سعره 310 جنيه شامل التغيير والمفاجئة انك بتكلمه يجيي يغيره تحت البيت من غير اى مصاريف اضافية
الزيت دة مستورد والشركة دى من افضل شركات صناعة الزيوت فى العالم
وهى عاملة اعلان هنا فى المنتدى اتفضل اللينك اهه
http://www.nilemotors.net/nile/245367-valvoline.html
نصيحة لحضرتك بلاش تحط موبيل او شل او زيت محلى لانهم بقوا زيت قلية مش زيت سيارات من كتر الغش فيهم

بالنسبة لزيت الفتيس ممكن حضرتك تحط زيت شل كويس وبيعد 40000 كم بس حضرتك مقولتش العربية اتوماتيك ولا مانيوال؟؟

2- عايز اجيب اربع فرد كاوتش .. عايز اعرف افضل الفرد الموجودة و فى حدود كام كده .. مع العلم ان مقاس الكاوتش هو بتاع الزيرو زى ما هو وانى افضل القيادة المريحة عن الرياضية

انصحك ببريدجستون هى فارده غالية شوية بس هتستريح وهتحس بفرق عن الكومهو اللى راكبه عندك دلوقتى
كنت سألت على المقاس الاكبر اللى مكتوب على القايم الشمال اللى هو 195/65/15
الفرده كانت ب561 جنيه شاملة الترصيص والبلف والنيتروجين
ومعاها ضمان طول فترة الاستخدام

3- مشكلة غريبة جداً بقى ... شارى العربية و كان صاحبها مركبلها انذار مش الاصلى بتاعها ... المهم فضلت العربية كويسة مافيهاش حاجة ... شهركده و اجى ادور ساعات تدور و ساعات لأ .. المهم رحت لميكانيكى معرفة كشف على الكمبيوتر و قالى الانذار ده بيعلق .. رحت رايح مغيره كله بس كنت بدور بمفتاح الانذار القديم لحد ما مرة مرديش يدور .. ولما جربت مفتاح الاسبير دارت عادى ... رحت مطلع مفتاح على الاسبير ... فضل المفتاح الجديد ده يدور العربية فترة و بعدين مارضيش ... رجت مستخدم الاسبير دارت العربية عادى ... دلوقتى السؤال هل ينفع اروح التوكيل و اطلب منهم يدونى مفتاح اصلى تانى للعربية ولا لأ و لا هفضل ماشى بالاسبير كده و خلاص ؟!! و ايه رسوم الخطوة دى ؟

انا اشف يا جماعة طولت عليكم ... بس قلت اسأل اهل الخبرة :) :)

موضوع المفتاح دة غريب شوية بس عندى سؤال لحضرتك هل لما بتفتح الكونتاكت بس من غير ما تدور بيبقى فيه لمبة منورة عبارة عن عربية كدة وفيها مفتاح؟؟؟

واخيراً الف مليون مبرووك على العربية ونتمنى تبقى عضو اساسى من نجوم هيونداى

**abo5** · 23-05-2012 12:18 PM

المشاركة الأصلية كتبت بواسطة kareem fawzy

موضوع المفتاح دة غريب شوية بس عندى سؤال لحضرتك هل لما بتفتح الكونتاكت بس من غير ما تدور بيبقى فيه لمبة منورة عبارة عن عربية كدة وفيها مفتاح؟؟؟

واخيراً الف مليون مبرووك على العربية ونتمنى تبقى عضو اساسى من نجوم هيونداى

الله يبارك فيك يا باشا ..... انا راشقلكوا فى المنتدى من هنا و رايح :) :)
اه اللمبة دى بتنور ....

**abo5** · 23-05-2012 12:20 PM

متشكر جداًً يا باشا على حوار الزيت ... و هجيب فالفولين ده ان شاء الله و حوار التغيير تحت البيت ده جميل قوى :)
العربية اوتوماتيك
بالنسبة للكاوتش هو غالى كده ليه :) :) مافيش حاجة حنينة شوية :) :) .....

**abo5** · 23-05-2012 12:26 PM

المشاركة الأصلية كتبت بواسطة Kareem Fawzy

زيت الموتور انصحك للالنترا انك تحط زيت فالفولين syn power mst 5w-30
دة زيت تخليقى بالكامل محترم جداً وبيقعد معاك 15الف كيلو ممكن اكتر بس انا افضل 15 الف كيلو
ودة سعره 310 جنيه شامل التغيير والمفاجئة انك بتكلمه يجيي يغيره تحت البيت من غير اى مصاريف اضافية
الزيت دة مستورد والشركة دى من افضل شركات صناعة الزيوت فى العالم
وهى عاملة اعلان هنا فى المنتدى اتفضل اللينك اهه
http://www.nilemotors.net/nile/245367-valvoline.html (ما الذى يجعل ™Valvoline الماركة رقم واحد للزيوت؟ - موضوع اعلانى)
نصيحة لحضرتك بلاش تحط موبيل او شل او زيت محلى لانهم بقوا زيت قلية مش زيت سيارات من كتر الغش فيهم
والله يا باشا عداك العيب و قزح .......ز متشكر على الافادة العظيمة دى ... :)
بالنسبة لزيت الفتيس ممكن حضرتك تحط زيت شل كويس وبيعد 40000 كم بس حضرتك مقولتش العربية اتوماتيك ولا مانيوال؟؟
اوتوماتيك

نصحك ببريدجستون هى فارده غالية شوية بس هتستريح وهتحس بفرق عن الكومهو اللى راكبه عندك دلوقتى
كنت سألت على المقاس الاكبر اللى مكتوب على القايم الشمال اللى هو 195/65/15
الفرده كانت ب561 جنيه شاملة الترصيص والبلف والنيتروجين
ومعاها ضمان طول فترة الاستخدام

مفيش حاجة حنينة شوية .... غالية دى عليا :)

**abo5** · 23-05-2012 01:02 PM

المشاركة الأصلية كتبت بواسطة koshary

بالنسبة للزيت ليكوى مولى او فالفولين ولاكنى اميل الى فالفولين

بالنسبة للكاوتش بريدجستون طبعا مفيش كلام عليه او ميشلان كويس بردو او دانلوب يابانى فردة فى الحنين وكويسة بردو

بالنسبة للمفتاح التوكيل هيديلك واحد تانى مفيش مشكلة

متشكر جداً يا فندم على مشاركتك .... هجيب فالفولين ... و لسه ماحسمتش امر الكاوتش
بالنسبة للمفتاح من التوكيل فى رسوم ولا حاجة ؟!!

**abo5** · 23-05-2012 01:05 PM

المشاركة الأصلية كتبت بواسطة screenplays

بالنسبه للزيت : انا كنت بستخدم منتجات موبيل عن نفسي

بالنسبه للكاوتش : انا كنت مركب طقم بريدجستون حكايه

بالنسبه للمفتاح : اه ممكن تروح للتوكيل و تطلب مفتاح

مشكر جداً يا باشا على المشاركة ... خوفونى من موبيل بيقولو بقى اى كلام ... البريدجستون عرفت انه غالى وانا كنت عايز حاجة ارخص
حوار المفتاح ده شكلى هروح اجيب واجد من التوكيل .... :)

شكراً تانىى

**Kareem Fawzy** · 23-05-2012 01:54 PM

المشاركة الأصلية كتبت بواسطة abo5

الله يبارك فيك يا باشا ..... انا راشقلكوا فى المنتدى من هنا و رايح :) :)
اه اللمبة دى بتنور ....

يا باشا حضرتك منورنا بوجودك معانا
والمفتاح اللى حضرتك عملته دة طلعته عند مين؟؟
واحد عادى ولا بتاع مفاتيح مشفرة

بص يا باشا حضرتك مش هتحتاج تروح التوكيل
لان حضرتك كدة تقريباً عملت المفتاح عند واحد بتاع مفتايح عادى
والسبب ان مفتاح عربيتك مشفر لان كدة عربيتك خليجى وفيها امبيولايزر وهو نظام امان خاص بأن العربية متدورش غير بمفتاحها الاصلى
بس اللى انا مستغربه ان العربية اشتغلت شوية بيه ودى غريبة الحقيقة