ارجو الرد من اصحاب الميجان1

**ismaelmohamed** · 26-05-2012 09:47 AM

السلام عليكم ياجماعه انا مفروض كمان 3 ايام هاشترى ميجان1 اوتوماتيك 2001 ياريت الى ركبوا السياره دى يقولولى رايهم ودى اول مره ليه مع الرينو

**Mohd_Adel_Amin** · 26-05-2012 11:10 AM

عربية ممتازة وحمالة أسية بس اهم حاجة اكشف عليها في التوكيل او مكان شغال في الرينو علشان لو ملعوب فيها من الصنايعية الفتايين هتتعبك جدا .. واستخير وربنا يوفقك للخير .

**ramy_gamal** · 26-05-2012 12:04 PM

انا سمعت ان الفتيس الاوتو بتاعها فيه مشاكل

**ismaelmohamed** · 26-05-2012 07:31 PM

انا متشكر جدا ياجماعه على الاهتمام بس ياريت لو حد معاه بقالها فتره يقول ليا على عيوبها ومميزتها وخاصه اسعار قطع الغيار ومدى توفرها وتكيفها عامل ايه

**Mohd_Adel_Amin** · 27-05-2012 03:39 PM

قطع الغيار متوفرة واسعارها معقولة بس طبعا لا تقارن بمثيلاتها في العربيات الكوري من حيث توفرها و سعرها , بس اهم حاجة تجيب الاصلي لأن المضروب مش بيعمر فيها , اللي معايا مانوال فمقدرش افتيك في الفتيس الاوتو بس الحمد لله اللي معايا شغالة كويس ومعملتش معايا مقلب غير مرة واحدة الكويل ضرب وكنت مسافر بيها واضطريت اني امشي بيها متلته وملقيتش الكويل الاصلي بتاعها غير في التوكيل او في الاستعمال , هي معايا بقالها اكثر من 7 سنين وبعملها الصيانة الدورية بانتظام وبصلحها عند ميكانيكي شغال في الرينو وبس , تكييفها كويس بس زيه زي اختها الميجان 2 مش قوي مع الحر الشديد , بس مع الوقت بيبرد وبضطر اني اقلل سرعته .