الموضوع: تقرير نظري مبداي عن الصني الشكل الجديد

السلام عليكم يا صقور

الكلام كان كتير قوي الفترة اللي فاتت عن الصني ووصل الموضوع لحد المشادات للاسف

عشان كده قررت اروح اتفرج على العربيه بنفسي

لو بتثقوا في رايي احب اقول ليكوا ان العربيه دي تحفه تحفه تحفه من برة من حيث الحجم والتصميم وفعلا رؤيه العربيه على الطبيعه غير الصور تماما لدرجه ان ممكن يكون في حد مش طايقها من الصور ويغير رايه لما يشوفها

العربيه من جوه فعلا بحر (واسعه جدا ما شاء الله ) وابهرني وسع وراحه صالونها

التابلوة اللي حصل عليه خلافات كتير في الراي هو فعلا مش غني قوي بس بالنسبه لعربيه بالسعر ده ووضعا في الاعتبار ان نيسان منزلاها عشان تكون عربيه اقتصاديه وليست فارهه فهو معقول جدا واعتقد ان اللون البيج فيه ها يكون احسن من الاسود

شنطه العربيه يا جماعه ممكن تحط فيها حاجات لحد ما تزهق لانها ما شاء الله واااااااااااااااسعه جدا

وانا على احر من الجمر عشان اعمل لها تيست درايف

العربيه دي لازم نبوصلها من منظور معين عشان ما نظلمهاش وهو ان نيسان منزله العربيه دي عشان تكون عربيه اقتصاديه من الدرجه الاولى من حيث السعر والبنزين والصيانه

ومن هذا المنظور وفعلا وبدون مبالغه برافو نيسان

والعربيه دي ان شاء الله ها تعمل شغل عالي جدا