الموضوع: دوكووووو ::: صراع الجبابرة وعودة المنتقم

السلام عليكم


إستكمالا للموضوع القائم بالفعل


فتحت موضوع لوحده علشان مانتوهش

.
خلاصة الموضوع
عملية دهان السيارات في مصر .. عملية مفتوحة للنصب بشكل كبير
سواء إستخدام الخامات الرديئة .. أو إستخصار المجهود والكروتة
أو المبالغة في السعر
ومن هنا
ومن هذا المنزلق

قررت إني أرش عربيتي بإيدي

أنا فتحت موضوع دوكوو .. لكن إتأخر كتير لأكتر من سبب لاداعي لشرحها


.
فتحت جوجل صور..وسجلت على منتدى أجنبي للسيارات الكلاسيكية .. منتدى أمريكي
قابلت واحد إسمه Matt
راجل صاحب مركز تجديد السيارات الكلاسيكية

الراجل ماشي معايا خطوة .. بخطوة

للأسف في البحث على جوجل..مالفتش ولا موضوع بالعربي عن رش العربيات..إلا طبعا الدعاية عن ورش أو خلافه
لكن حد حط خبرته في طريقة رش العربيات.. بصراحة مالقتش



.
فأنا قررت
أكون أول عربي
يعمل عربيته بإيده بدون خبرة سابقة
وأول عربي
يعمل عربيته.. ويوضح للناس الخطوات
خطوة
بــــــــــــ خطوة
بالصور قدر الإمكان

ونايل موتورز أجدر أنه يشيل الموضوع ده



هبدأ أول مشاركة بعد دقايق
ركزو معايا


.

الخامات المطلوبة علشان تعمل عربيتك في جراجك أو تحت بيتك
1. كومبروسور هواء ((انا طبعا ماجبتش .. فكونت بستخدم الكومبرسور بتاع واحد بتاع محل كاوتش وزيت قريب مني))
2. مسدس هوا ... سعره بــ 120-140 ج
3.معجون صاج .. عبوة 3 كيلو في حدود الخمسين جنيه
4.معجون فايبر.. إستخدامه قليل ورخيص
5. ورق سنفرة متنوع .... 80 - 120-320-600-1200 إلخ
فرخ الورق بــ 4 ج
6.جركن تنر thinner
وده رخيص بــ 16 ج الجركن 3 لتر تقريبا
7. سكينة معجون وجلدة فرد.. بـــ 5 ج تقريبا
8. ورق لزق .. البكرة بـــ 3.5 ج
9. كام كيلو ورق جرايد .... مش فاكر سعره علشان كان وسط حاجات تانية
10. علبة فيللر بطئ
11. بطانة للصاج إسمها كابسي سيرفسر


يارب ماكون نسيت حاجة
إستنوا الوصلة الجاية بعد دقايق