الموضوع: مشكلة خطيرة فى تبريد الاوبترا

مشكلة ومش عارف السبب
انا المية بتنقص عندى بشكل رهيب مع ان العربية زيرو وعاملة 9500 بس انا بشغل التكيف على طول الصبح وبطخ مشوار الشغل كل يوم حوالى 50 او 60 كيلو يوميا
فروحت التوكيل قالى كله تمام ما فيش تسريب خالص
وبعد ما مشيت من عندهم روحت غيرت الزيت عن ميكانيكى صاحبى اوى وانا اعرفهم من توكيل دايو .... المهم فتح غطاء الزيت لقى فى الغطاء حاجة عاملة زى الطحينة
قالى كدى العربية سخنت منك جامد وممكن يكون جابت جوان
روحت التوكيل وورتهم الغطاء وقالولى هما فى حاجتين لاما مسامير الوش مش مربوطة كويس او الجوان يتغير ونودى وش السلندر المخرطة عشان نستعدل الجزء المفقع
المهم سيبتلهم العربية وفى اخر النهار قالولى ان الجوان سليم بس لقينا المسامير مش مربوطة كويس فالحمد اللهانها جدت على قد كدة
فانتوا ايه رايكوا ؟
وهل فى حد من الاعضاء المحترمين او اى حد من مالكى الاوبترا اشتكى قبل كدة من نقصان المية بشطكل مفرط فى عربيته ؟؟؟؟