مقيش عربيه جريت معاها و سبقنها ربنا يخليلنا البطه النترا 2012\:brn:

**SAMEH_FOUAD** · 12-07-2012 10:23 AM

طيب انتوا بتقولوا ان الالنترا سريعة وبتجمع بسرعة حلو الكلام امال انا لية ماشوفتش دة
والموقف كالاتى :

كنا ماشيين على كوبرى اكتوبر وكنت ماشى بسرعة 110 تقريبا واللى جنبى تقريبا 100 لانى كنت سابقة بشوية صغيرين , وفى النص فاضى الاقى واحد بتاع النترا 2012 داخل كدة بغرزة وتقريبا العربية حس انها هتخدعة فى الغرزة دية راح داس فرامل وبعد كدة وانا من الموقف رحت نزلت ل80 كيلو وهو كان قبلى بشوية صغيرين , وفجأءة اسمع صوت تجعير من المحرك قولت دة هيطير لقيتة بيطلع بسرعة غير صوت الماتور خالص , فطبعا صعب عليا روحت موريلة لما يحب يعمل كدة يبقى مايضحكش الناس علية وعديتة عادى بفرق محترم روحت مهدى لقيتة جاى بسرعة بردة مش كبيرة مع انة قارص

ياريت بقى حد يقولى التسارع الرهيب للعربية اللى عدادها مابيقفش دة راح فين

2- صاحبى غسل الالنترا 2012 على الطريق ب rb

3- جين 2 استكت النترا 2012 غرز وملفات والنترا كان كل اللى بيعملة انة بيجرى وراة

4- النترا 2012 عند الملف اللى عند الازهر بارك فى اتجاة السيدة عائشة , كان ماشى جنبى عادى وهدى جداااااااااااااا , تقريبا سرعتة وصلت 40 كم عشان ياخد الملف , وانا الحمد لله خدتة على سرعة 80 كم فى حارتى واصلا ماشى بمزاجى يعنى ممكن اجيب بية اكتر من كدة , ولما جية يشد تانى كنت انا فوق وهو لسة تحت

فين بقى الالنترا من كل دول , انا الصراحة مابشوفتش عربية بتعمل اللى انت بتقولوا علية دة

يعنى rb تظبطها و gen2 تأستكها , انتظروا ال128 بقوة دة اللى فاضل ههههههههههه

**SAMEH_FOUAD** · 13-07-2012 10:15 AM

المشاركة الأصلية كتبت بواسطة lanos2004

عيب سواق-او ممكن تكون زى السيراتو عربيات عربيات

عرفت منين انة عيب سواق

ياجماعة هو كل لما نقول حاجة عن عربية تقولوا عيب سواق , لما كل الناس مابتعرفش تسوق امال مين اللى بيعرف يسوق بس

انتوا بتحسسونى ان العربيات اللى بنتكلم عليها لامبورجينى عشان كدة السواق مش عارف يتعامل معاها

وانتوا لما بتقولوا جريتوا وقطعتوا عربيات اعلى منكوا ساعتها بيكون المنافس بيعرف يسوق وحريف سواقة صح

سبحان الله

**Samir Elshahawy** · 13-07-2012 02:54 PM

المشاركة الأصلية كتبت بواسطة semsem kane

عرفت منين انة عيب سواق

ياجماعة هو كل لما نقول حاجة عن عربية تقولوا عيب سواق , لما كل الناس مابتعرفش تسوق امال مين اللى بيعرف يسوق بس

انتوا بتحسسونى ان العربيات اللى بنتكلم عليها لامبورجينى عشان كدة السواق مش عارف يتعامل معاها

وانتوا لما بتقولوا جريتوا وقطعتوا عربيات اعلى منكوا ساعتها بيكون المنافس بيعرف يسوق وحريف سواقة صح

سبحان الله

فعلا معظم الناس مابتعرفش تسوق بدليل الفوضي اللي في الشوارع
عدم معرفة القوانين و الجهل بها عدم معرفة بالقيادة
عدم أتباع الاجراءات و القواعد السليمة في القيادة ينم عن جهل
الرعونة و السرعة الزائدة و التخطي الخاطئ و عدم أحترام الاخرين من اناوع عدم المعرفة بالقيادة

اللي يكون فاكرأنه لما يجري بالعربية و يشد و يعمل غرز يبقي سواق تمام يبقي غلطان بالعكس ده كده ترزي مش سواق

**Samir Elshahawy** · 13-07-2012 02:58 PM

المشاركة الأصلية كتبت بواسطة m_marwan

يا جماعه انتو سيبتوا مشكله الراجل وقعتدوا تتكلموا فى مواضيع تانيه خالص

انا كان واحد صاحبى (ملوش اوى فى العربيات) شارى النترا 2012 وقالى برده سحبها مش حلو

المهم ركبت معاه ببص على التابلوه لقيت eco mode شغاله

طبعا قولتله لفظ مش تمام

اكيد عرفتوه

ممكن تكون فى مشكله فى العربيه بتاعه صاحب الموضوع ياريت نفكر ممكن تكون ايه ؟؟

الأيكو مود مالوش علاقة هو مجرد علامة بس و بتفصل لما تدوس بنزين زيادة أو تعمل كيك داون
انا ماشي و مشغله علي طول و الحمد لله معنديش مشكلة في سحب العربية أو سرعة استجابتها و كمان بأحقق أقل أستهلاك للبنزين

هي معادلة يجب تحقيقها مابين أستغلال أمكانيات العربية الموجودة لتحقيق أقل استهلاك بنزين و في نفس الوقت المحافظة علي أداء جيد و سرعة أستجابة للمحرك

و ده هو السواق الشاطر اللي يعرف يستغل أمكانيات عربيته لتحقيق أكبر فائدة ممكنة
مش تقول لي جري و شد و غرز

**mandouros** · 14-07-2012 05:56 AM

انا عايز اسئل سؤال برئ هوا العربيات الكورى ليست قابلة للنقد يعنى مفيهاش حاجة غلط خااااللص ولا حتى حاجة صغيرة يعنى مافيش حاجة هيونداى ولا كيا تطوره كده عربياتهم تمام بس يغياروه الشكل كل سنه مافيش حد نفسه مثلا يعنى فى تعديل مهما كان من المصنع فى اي جزء من العربية المتور التعليق ال كبينه الفرامل انا كل ال فهمتوه من الفات ان الناس عيزه كل العربيات تبقى كوري بس ........... ربنا معاك يا formulator
i really respect your way of thinking ,discussing and your passion for cars

**mody3on** · 14-07-2012 06:59 AM

المشاركة الأصلية كتبت بواسطة mandouros

انا عايز اسئل سؤال برئ هوا العربيات الكورى ليست قابلة للنقد يعنى مفيهاش حاجة غلط خااااللص ولا حتى حاجة صغيرة يعنى مافيش حاجة هيونداى ولا كيا تطوره كده عربياتهم تمام بس يغياروه الشكل كل سنه مافيش حد نفسه مثلا يعنى فى تعديل مهما كان من المصنع فى اي جزء من العربية المتور التعليق ال كبينه الفرامل انا كل ال فهمتوه من الفات ان الناس عيزه كل العربيات تبقى كوري بس ........... ربنا معاك يا formulator
i really respect your way of thinking ,discussing and your passion for cars

غير قابل للنقد !!!!!!!
قول كلام غير ده , هو في اي حاجة تانية بتنتقد هنا غير الكوري اصلا :))

**Samir Elshahawy** · 14-07-2012 12:05 PM

المشاركة الأصلية كتبت بواسطة mandouros

انا عايز اسئل سؤال برئ هوا العربيات الكورى ليست قابلة للنقد يعنى مفيهاش حاجة غلط خااااللص ولا حتى حاجة صغيرة يعنى مافيش حاجة هيونداى ولا كيا تطوره كده عربياتهم تمام بس يغياروه الشكل كل سنه مافيش حد نفسه مثلا يعنى فى تعديل مهما كان من المصنع فى اي جزء من العربية المتور التعليق ال كبينه الفرامل انا كل ال فهمتوه من الفات ان الناس عيزه كل العربيات تبقى كوري بس ........... ربنا معاك يا formulator
i really respect your way of thinking ,discussing and your passion for cars

مين قال كده بالعكس , أنا كمالك لسيارة بغض النظر عن نوعها يهمني أعرف العيوب قبل المميزات لكن بدون تجني و أستهزاء لأنه ليس هناك سيارة كاملة و خالية من العيوب حتي السيارات الاوروبي العريقة

أيضا أود أن أوضح لك ان ماقد يكون عيبا غير مقبول من وجهة نظرك فهو ليس عيب او نظرا لقدرتي او أمكانياتي أو أحتياجاتي من السيارة فهذا العيب من وجهة نظرك قد لايمثل عيبا لي

المشكلة أن حضراتكوا بتنقدوا الكوري فقط و شايفيين فيه نص الكوب الفارغ و مش عايزين تشوفوا مدي التطور اللي وصل له في فترة وجيزة حتي تصبح السيارات الكورية منافسة بل متفوقة في فئات كثيرة عن السيارات الكورية و اليابانية بدليل الانتشار و المبيعات ليس فقط في مصر و الجوائز التي حصدتها تلك السيارات , ده ياراجل رئيس اكبر شركة اوروبية للسيارات جرب بنفسه الألنترا و عجبته و كان نازل منها منبهر

مش معقول أن العالم اللي بره مش بتفهم و أحنا بس اللي بنفهم , أرحموا الكوري شوية من الأستهزاء و ياريت تركزوا علي عربياتكوا اللي برضه فيها عيوب خطيرة برغم أرتفاع أسعارها

دي أخر مرة هأتكلم فيها في الموضوع ده لأني زهقت من اسلوب النقد و التهكم و السخرية علي اي نوع من السيارات و ليس فقط الكوري