الموضوع: مقيش عربيه جريت معاها و سبقنها ربنا يخليلنا البطه النترا 2012\:brn:

المشاركة الأصلية كتبت بواسطة SE_coralsea

لو تلاحظ وصفي للشد مع الجيتا و البي أم هاتعرف ليه الجيتا تخطتني مرتين و رجعت أنا اتخطيتها تاني , عموما هاقولك :

لأني لما باجري بالعربية مش باجري أي حاجة و عندي قواعد بألزم بيها نفسي في النقطة دي مهما حصل :
1- يكون الطريق مستقيم وواضح
2- طريق أكون عارفه كويس و مش أول مرة أمشي عليه
3- رؤية واضحة و كاشف الطريق كويس
4- الطريق يكون فاضي بشكل يسمح بالسرعة
5- عدم وجود يوتيرنات أو مخارج جانبية للطريق
6- عدم المخاطرة بأي شكل من الاشكال بأخذ أي غرزة علي السرعات العالية
7- التأكد من حالة العربية بنسبة 100% (أطارات - فرامل - انوار .....) و ده بأعمله قبل كل رحلة طويلة أو سفر

نيجي بقي لحالة الجيتا :
اولا الموضوع بدأ بأني لاحظت شد قدامي بين عربية تيجو 2000 سي سي و بي أم أس 3
طبعا أستغربت و قررت أني أتابع من بعيد و هنا السرعة وصلت لحوالي 140 كم/ساعة و أثناء ذلك تخطيت الجيتا و طبعا المسافة بيني و بين التيجو و البي ام كانت كبيرة لأني كنت باتابع بس مع الاخذ في الاعتبار العوامل اللي شرحتها فوق

المهم سرعتي و سرعة الجيتا تقريبا كانت واحدة فالجيتا حب أنه يشد و انا كنت عايز أطلع منه بصراحة و الطريق فتح و بدأ يبقي واضح فضغطت علي البنزين السرعة طلعت بسرعة من 140 الي 180 و في ثواني تخطيت الجيتا بفرق مش قليل
طبعا الطريق بدأ يقفل تاني و لكن كان عندي الفرصة أني أعدي بغرز لكني فضلت اني أهدي السرعة هنا الجيتا حصلني و تخطي من اليمين و عمل كام غرزة خطرة

المسافة بعدت بيني و بين الجيتا و مرة تانية الطريق فتح و المنطقة دي أنا عارف أن مافيش فيها أي فتحات جانبية و كنت بصراحة لسه مخلص صيانة ال 20000 كم و عايز أختبر أداء العربية و أقارنه بحالتها و هيا جديدة فدوست البنزين علي الاخر و في ثواني معدودة وصلت ل 200 كم/ساعة هنا بقي تخطيت الجيتا من الشمال و بفرق رهيب السرعة دي أستمرت لمدة لاتزيد عن ال 3 دقائق (الارقام دي أقدر أحصل عليها في أي وقت من تسجيل المسار الموجود بالجي بي أس بتاع العربية)

طبعا الموقف أتكرر لثالث مرة و في الرابعة الجيتا تخطت لأني كنت خلاص جربت اللي أنا عايزه و مش محتاج أجري تاني بالاضافة أن حالة الطريق كانت بدأت تسوء

خلال الكام شدة دول مع الجيتا أقتربنا أوي من البي أم و تخطينا التيجو لكن كان واضح برضه أن سواق البي أم مش في دماغه الشد و هو مثبت علي حد اقصي مش بيعلي عنه بالاضافة لألتزامه بحالة الطريق لذلك ظلينا انا و هو مع بعض تقريبا حتي دخلنا الاسكندرية و سرعتينا لم تزد عن ال 140 كم/ساعة في أحسن الاحوال

خلاصة الكلام أنا مش باجري أي حاجة و بأجري و خلاص حتي لو مستعجل و بأقدر كل الاحتمالات و انا ماشي و باتوقع اللي قدامي ممكن يعمل أيه و باكون مجهز رد فعل أو حل ده لأني سواق و أتعلمت السواقة في مدارس داخل مصر و خارجها لمدة تزيد عن ال 3 سنوات قبل ما أفكر أطلع رخصة ده غير أن شخصيتي متأثرة جدا بطبيعة عملي اللي بتفرض عليا الحذر و التوقع و وضع تصور لكل فعل و تقدر تسأل ناس كتير ركبوا معايا (حسام كوداك - أحمد كار - وليد عادل) و تشوف تعليقاتهم أيه

مع إحترامى لكلام وخبرة حضرتك بالسواقة والجرى
ومن رأيى المتواضع لما اى حد بيجرى بعربية كورى فوق ال 130 بأعتبرة بينتحر
لأن العربيات دية غير مصممة لكدة ولا ثبات ولا فرامل ولا هاندلينج ولا مناورات
العربيات ديه مصممة للقيادة العادية فقط لاغير city driving
وربنا يستر طرقك وطريقنا

المشاركة الأصلية كتبت بواسطة se_coralsea

برضه مافيش فايدة ....
عقدة الخواجة الأوروبي لسه متحكمة فيكوا
مش عايزين تشوفوا ان الكوريين و الاسيويين بشكل عام طالعين جامد جدا
و بكرة الصيني اللي بتتريقوا عليه يثبت نفسه هو كمان

معلش يا جماعة شرق أسيا قادم و بقوة في كل شئ
و اللي مش عايز يشوف ده .... هو حر خليه في الأوروبي

أنا مش هأتناقش تاني في حاجة أنا عارفها و متأكد منها علشان كده أنا بأضيع وقتي
متشكر جدا لحضرتك و أكيد أنا كمالك لسيارة كوري أستفدت من كل كلمة سيئة ذكرتها عن العربية حتي و أن كانت غير صحيحة

فعلا المناقشة من النوعية ديه ملهاش فايدة لأن فعلا عقدة الخواجة الأوروبى موجودة
لأن الخواجة ده بيعرف يعمل عربيات بجد تستاهل كل جنيه بيدفع فيها
وبالتالى هاقول اللى مركبش أوروبى ما ركبش عربيات بمعنى الكلمة
وإنتحروا زى ما انتوا عايزين

المشاركة الأصلية كتبت بواسطة SE_coralsea

لأني لما باجري بالعربية مش باجري أي حاجة و عندي قواعد بألزم بيها نفسي في النقطة دي مهما حصل :
1- يكون الطريق مستقيم وواضح
2- طريق أكون عارفه كويس و مش أول مرة أمشي عليه
3- رؤية واضحة و كاشف الطريق كويس
4- الطريق يكون فاضي بشكل يسمح بالسرعة
5- عدم وجود يوتيرنات أو مخارج جانبية للطريق
6- عدم المخاطرة بأي شكل من الاشكال بأخذ أي غرزة علي السرعات العالية

وهو ده إسمه جرى؟؟!!!
أمال فين الـrush والـfun وعنصر المفاءجة؟!! فين الأدرينالين؟؟
هههههههههههههههههه
على كده بقى نفضيلك تراك سباقات، وإجرى براحتك.. (أو جرب العربية)؟!!

يابيه هو متعته انك تاخد الـrisk، وغرز على سرعات عالية، وملفات سريعة.. وفرملة فـ كيككاية فـ فراملة...etc.
مبقولش تبقى غشيم وانت بتجرى، ولا بقول انتحر..
- لكن اللى انت بتقول عليه ده مش جرى، ولا حتى تجربة.. انت كده بتستنى كل الظروف المثالية، وتيجى تقول العربية ثابتة وفراملها تمااااااااااام؟؟!!!

مفيش زى الجرى (للإختبار) اللى يبقى فـ طريق ضيق وحارتين مثلا، وأسفلت فيه عالى و واطى.. و زحمة و U-turns..
كده هتضطر تعمل manoeuvres وفرامل وحرق وشد وملفات، وهتبان قدرات العربية (والسواق ).. الدائرى-الأوتوستراد... وكده.

لكن كون انك عارف إمكانيات العربية، ومابتجربهاش إلا فـ ideal-conditions.. دى حاجة تانى؟؟!!!

طبعا الطريق بدأ يقفل تاني و لكن كان عندي الفرصة أني أعدي بغرز لكني فضلت اني أهدي السرعة هنا الجيتا حصلني و تخطي من اليمين و عمل كام غرزة خطرة
طبعا الموقف أتكرر لثالث مرة و في الرابعة الجيتا تخطت لأني كنت خلاص جربت اللي أنا عايزه و مش محتاج أجري تاني بالاضافة أن حالة الطريق كانت بدأت تسوء

ماهو ده الفرق اللى بنتكلم عليه.. بين الإلنترا والجيتا (والسواقين)،
- انت شايف ان الغرز اللى هو خدها "خطرة".. قد يكون هو من جوا العربية، ولا فـ دماغه (ولا حاسس) بالخطورة اللى انت بتتكلم عليها؟؟!!!
ومتحكم فيها كويس جدا.. وده حقيقى،
- انت موتورك أقوى، لكن هو عربيته كـoverall أعلى هندسيا وفنيا (شاسيه وعفشة وفرامل ودركسيون)..
فـ انت بتطلع فـ الـstraight (وده شد مواتير)،
وهو بيطلع فـ الملفات والغرز.. (وده شد عربيات + سواقين)..
ههههههههههههههههه

المشاركة الأصلية كتبت بواسطة TFSI

مع إحترامى لكلام وخبرة حضرتك بالسواقة والجرى
ومن رأيى المتواضع لما اى حد بيجرى بعربية كورى فوق ال 130 بأعتبرة بينتحر
لأن العربيات دية غير مصممة لكدة ولا ثبات ولا فرامل ولا هاندلينج ولا مناورات
العربيات ديه مصممة للقيادة العادية فقط لاغير city driving
وربنا يستر طرقك وطريقنا

أنا عندى إعتقاد قوى جدا؛ ان الجرى عند مرحلة/سرعة معينة.. بيبقى مهارة + ممارسة-تعود،
بعد المرحلة دى.. بيبقى قلب
عشان كده لما بشوف واحد بفيرنا-إلانترا-سيراتو بيجرى فوووووق كده (أعلى من عربيته بكتييييييير).. بعرف انه brave-heart

المشاركة الأصلية كتبت بواسطة TFSI

فعلا المناقشة من النوعية ديه ملهاش فايدة لأن فعلا عقدة الخواجة الأوروبى موجودة
لأن الخواجة ده بيعرف يعمل عربيات بجد تستاهل كل جنيه بيدفع فيها
وبالتالى هاقول اللى مركبش أوروبى ما ركبش عربيات بمعنى الكلمة
وإنتحروا زى ما انتوا عايزين