الموضوع: الي تعرفه احسن من الي ماتعرفوش

المشاركة الأصلية كتبت بواسطة mohammedabdallh

اكيد يا كبير
كلامك حكم
بس متزعلشى
ممكن قريت لك موضوع بس مش عرف اتحاور معاك فبعمل لايك
بس فى مواضيع لازم اسيب بصمتى
وفيه ناس بتخش تلاقى موضوع مش على مزاجهم من البدايه فبتكبر وتخرج من غير حتى لايك
لازم الموضوع يبقى شيق
وتحط صور ((محدش يفهمنى صح ))
ليه
للاغراء للموضوع والناس تكمل موضوعك
وترد عليك
يارب الرساله تكون وصلت يا هندسه
كانت بجد نقصاك فى بلطيم
بس كويس انك مجتشى
السكه كانت طويله

بس هقول لحضرتك علي حاجة
انا ممكن ادخل موضوع الاقيه هجس
اخرج وماسبش لا رد ولا شكر ولا اعجاب
بس بالتأكيد في ناس حابة الهجس
وفي موضوع تاني بلاقيه قيم
لو افترضنا انه طويل - باخد مقتبسات افهم المعني (بشيل الحشو من الأخر) وبرد بكلمة او اتنين بدون دخول في تفاصيل ولكن حقه اني اشكره لأنه تعب وانا استفدت

زي بالظبط - لما تقف لواحد وترجع بظهرك وتركن وتقرف نفسك وبعد ما يعدي ما يبصلكش حتي

فهمت المعني فأيه ؟؟؟؟

انا اقصد سواء الموضوع هايف او قيم او طبي او علمي او حتي ادبي لازم تلاقي حد متوافق معاك في فكرك
لكن تعمل موضوع ويعدي عليه 25 موضوع وعدد مشاهدات 45 ومفيش ولا رد
يبقي الموضوع يستحق المراجعة والتفكير
في حين ان الموضوع بيناقش قضية ومعموله صياغة بشكل جيد ومتبع فيه اساليب الحوار الجيد من تشويق وبعد عن الملل والتطويل واستشهاد بأيات وتقسيم لفقرات وربط بين الفقرات وعدم خروج عن المحتوي
ومع ذلك محدش قال شكراً

___________________

المهم انتوا عملتوا ايه في بلطيم ؟؟؟ وفين الصور ؟؟