احذر من انك تركب معاك حد ماتعرفوش

**فادى محمد** · 11-03-2009 11:52 AM

السلام عليكم ورحمه الله .خلوا بالكوا ياجماعه ان مش اي حد يشاور علي الطريق تركبه معاك سواء كبير في السن - ملتحي - اوحتي ظابط (مع احترامي للكل ) بس النصابين كتروا جدا وبيتفننوا في الحيل والخداع . وتكون النتيجه سرقه متعلقات من السياره او سرقه السياره نفسها اوربنا يحفظنا قتل او عاهه مستديمه .علشان كده حبيت احذركم انه ماعتش امان . ياريت ياجماعه اللي مر بخبره في هذا الموضوع يحكيهالنا علشان الكل ياخد باله ويستفيد .انا الصيف اللي فات شفت موتوسيكل مرمي في عرض الطريق الدولي وانا راجع من القاهره عند وصله بورسعيد وجمبيه شخص مرمي علي الارض وكانه لقطه من فيلم احمد حلمي ولما هديت السرعه شويه وماكنتش حقف طبعا لقيت سواق لوري بيشاورلي اني امشي طبعا هو عالي وكاشف الطريق . الفضول كان حياكلني اعرف في ايه؟؟ لفيت من اول U turnووقفت من بعيد وشفت ناس مستخبيه وراء الحاجز الاسمنتي . فتخيلوا اللي يعمل شهم ويقف يحصله ايه ؟؟اكيد كان حيروح مشي وكمان ملط اللهم لا اعترض.

**Islam Amer** · 11-03-2009 03:00 PM

شكراا جدااا علي التحذير

**Abdo_Eldesokey** · 11-03-2009 03:06 PM

متهيألي لو حد شاف فيلم The Hitcher مش هيركب حد يعرفوا أساسا ً معاه في العربية

والفيلم مأخوذ عن قصة حقيقية

**kimo-nubira** · 11-03-2009 03:24 PM

هاحكيلكم موقف حصل مع واحد صاحبي كان ماشي عند وزاره الرزاعه الساعه 2.30 بليل ومتجه علي ميدان علاء الدين ونادي الصيد

وهو ماشي لقي واحد مرميه في الارض وبتستنجد وكانت لابسه اسود ومغطيه وشها افتكرها ست كبيره قام عمل شهم ووقف ونزل

من العربيه و اول ما نزل من العربيه طلع عليه اتنين بمتوسيكل وطلعو عليه مطاوي واخدو منه المحفظه والموبايل والساعه وكمان

خدو منه مفاتيح العربيه علشان ما يجريش وراهم او يحصلهم وفي الاخر طلعت الست اللي بتستنجد ديه بنت واخدوها على الموتسيكل

وجريو خدو بالكم البلد خلاص مابقاش فيها امان انا عن نفسي مابقتش اقف لحد ابدا الا لو كان راجل عجوز ومحتاج فعلا توصيله

ويكون معايا حد تاني كمان في العربيه علشان لو حصل حاجه نقدر نتصرف حبيت احكيلكم علشان كل واحد ياخد باله وربنا يحفظنا جميعا

**MoToRiZeR** · 11-03-2009 04:15 PM

ده أساسي
انا لو أبويا شاورلي عالطريق مش هركبه .

**ahmed1981** · 11-03-2009 06:04 PM

المشاركة الأصلية كتبت بواسطة MoToRiZeR

انا لو أبويا شاورلي عالطريق مش هركبه .

حلوة
المهم أنا برضه ليا قصة
وسأقولها بعد صلاة المغرب بإذن الله عشان المغرب بيأذن حالاً

**KHALED AYMAN** · 11-03-2009 08:11 PM

فعلا البلد مش امان و انا عن نفسى مش بثق فى حد و هحكيلكو حكايه :

سنه 2005 كنا جايبين اوكتافيا A5 زيرو و كانت لسه جديده و والدى كان مسافر العاشر من رمضان المهم يومها بالليل و هو لسه فى العاشر كان ماشى فى شارع ضلمه و لقى ولد صغير واقف على جنب ...
لما والدى جه ادامه بالعربيه قام الواد حادف عليه طوبه كبيره جت فى الباب اليمين ...
طبعا صوت مهول و خضه رهيبه و طبعا والدى توقع ان الباب يكون نصين و قام واقف علشان ينزل (للعيل الصغير ده) ...
و طبعا ناوى يبهدله لانه طفل ووالدى راجل كبير و مش طايق نفسه لان العربيه لسه جديده وولد مستهتر بوظها ...
المهم والدى مجرد ما وقف لقى تاكسى جاى من وراه و عمال يديله نور و كلاكس و قاله اطلع بسرعه قام والدى طالع و بص فى المرايا لقى العيل الصغير معاه شباب كبااااااااااااار و معاهم عصيان و سيوف و حاجات من دى .....

طبعا لو كان وقف كان زمانه .........

و الحمد لله الخبطه سبحان الله لقيناها نقره اد كف الايد فى الباب ..
طبعا تزعل جدا ..
و الى اشترى العربيه مننا لسه مصلحهاش هههههههه...

محدش يثق فى حد يا جماعه ........

**waleedrahmy** · 11-03-2009 08:29 PM

نحن في زمن ال يخاف يعيش أكثر

**AudiQ7** · 11-03-2009 08:41 PM

المشاركة الأصلية كتبت بواسطة MoToRiZeR

ده أساسي
انا لو أبويا شاورلي عالطريق مش هركبه .

سيبه واقف و اديله تمن المواصلات بس حتي :D
هوه الافضل انك ماتركبش حد معاك فعلاً .. و دايماً الزجاج مقفول و السنتر مقفول .. و شغل كاسيت (في حالتي الاغاني الكلاسيكيه الهاديه بتاعه زمان) و ماباقفش لحد الا لو "مضمون" بالنسبالي .

-

الموضوع: احذر من انك تركب معاك حد ماتعرفوش

LinkBack

أدوات الموضوع

عرض

-

-

-

-

-

-

المواضيع المتشابهه

الي تعرفه احسن من الي ماتعرفوش

ممكن تركب تاكسى وممكن تركب فصل

تركب e36 موديل 2001 حتى 2003 ولا تركب e90 موديل 2006 ؟؟

معاك 60 الف جنيه تركب هوندا سيفيك 96 ولا نوبيرا 2005 ؟

الكلمات الدلالية لهذا الموضوع

المفضلات

المفضلات

ضوابط المشاركة