اشتريت فيليشيا ومحتاج ارائكم

**medo_msa** · 20-07-2012 02:59 PM

السلام عليكم ورحمه الله وبركاته ..اولا كل سنه وحضراتكم طيبين وانا سعيد جدا لان دى اول موضوع ليا ف المنتدى من زمان وانا متابعكم وبقرا مواضيعكم ومشاركاتكم بس اول مره اكون انا المتحدث ..انا اسمى محمد واشتريت اسكودا فيليشيا كومبى موديل 97 .. العربيه كشكل جميله جدا ونضيفه وحبيتها اوى بس من يوم ماشتريتها وفى شويه مشاكل بتقابلنى فيها ..اول حاجه :تانى يوم بعد مااشتريتها طلعت راس البر وانا راجع لقيت الدركسيون قفش ع الاخر وبيرج جامد اوى كان فى فرده ضربت ..فضلت ماشى ع سرعه 20 حوالى 50 كيلو وطبعا مفيش ولا حد فاتح لان الكلام ده كان بليل ..وصلت الحمد لله وتانى يوم رحت لعفشجى وطلع ف بلى فارط وجلد الكبالن غيرها وشحم الكبالن وظبط العمل ..

تانى حاجه :الحراراه الى تقريبا علطول العربيه بتوحوح وسخنه بس مش بتعدى فوق اوى يعنى ممكن اخرها 100 ورحه لميكانيكى قالى هيا كده والجو حر المهم تريحها لما تسخن اوى.

تالت حاجه بقى الكهربا : بحس ان العربيه كهربتها ضعيفه حتى الكلكس صوته بيشحر بس لما بزود بنزين بيتظبط فلو حد يعرف ده بيكون من ايه ياريت تفيدونى

فى النهايه تقبلو تحيااااااتى ليكم كلكم وانا سعيد جدا انى ان شاء الله هبقى واحد منكم

**mo7madbakr** · 20-07-2012 04:56 PM

اولا انا مش حعرف اجاوبك على اى سؤال لانى على قدى فى العربيات
بس حبيت اباركلك على العربية , الف مبروووك و كل سنة وانت طيب

**dr_walid** · 20-07-2012 06:55 PM

ألف مبروك وربنا يرزقك خيرها ويبعدك عن شرها بس ممكن أعرف اشترتها بكام ؟؟وإيه مواصفاتها والاوبشن بتاعتها؟؟؟
لانى عايز اشترى واحدة فلشيا فبريكا صاحبها عارضها على 33 الف

**medo_msa** · 20-07-2012 08:41 PM

المشاركة الأصلية كتبت بواسطة mo7madbakr

اولا انا مش حعرف اجاوبك على اى سؤال لانى على قدى فى العربيات
بس حبيت اباركلك على العربية , الف مبروووك و كل سنة وانت طيب

كفايه عليا انك نورت موضوعى ..الله يبارك فيك وكل سنه وحضرتك بخير

**medo_msa** · 20-07-2012 08:45 PM

المشاركة الأصلية كتبت بواسطة dr_walid

ألف مبروك وربنا يرزقك خيرها ويبعدك عن شرها بس ممكن أعرف اشترتها بكام ؟؟وإيه مواصفاتها والاوبشن بتاعتها؟؟؟
لانى عايز اشترى واحدة فلشيا فبريكا صاحبها عارضها على 33 الف

الله يبارك فيك ..العربيه موديل 97 طبعا 1300 سى سى كاربيرتير ..فيها تكيف بس مش شغال وسنتر وزينون وجنوط اسبور وفرش جلد وازاز قدام كهربا اوشتريتها 29 ونص

**medo_msa** · 20-07-2012 08:45 PM

المشاركة الأصلية كتبت بواسطة dr_walid

ألف مبروك وربنا يرزقك خيرها ويبعدك عن شرها بس ممكن أعرف اشترتها بكام ؟؟وإيه مواصفاتها والاوبشن بتاعتها؟؟؟
لانى عايز اشترى واحدة فلشيا فبريكا صاحبها عارضها على 33 الف

الله يبارك فيك ..العربيه موديل 97 طبعا 1300 سى سى كاربيرتير ..فيها تكيف بس مش شغال وسنتر وزينون وجنوط اسبور وفرش جلد وازاز قدام كهربا اوشتريتها 29 ونص والعربيه رشه بره ورخصه سنه

**AhMeD MeTwAlY** · 21-07-2012 01:11 AM

موضوع الكهربه ضعيفه دا حاجه من الاتنين
لو الموضوع عام يعني لما بتدوس علي البنزين النور بيزيد ولما بترفع رجلك بيضعف قوي يبق دا عيب بطاريه او دينامو شحن او سلك الارضي مش مربوط كويس
نسيت الف الف مبروك علي الفليشيا وربنا يبارك ليك فيها ويديك خيرها ويكفيك شرها
MeTwAlY

**sakr_skoda** · 21-07-2012 04:21 PM

المشاركة الأصلية كتبت بواسطة medo_msa

السلام عليكم ورحمه الله وبركاته ..اولا كل سنه وحضراتكم طيبين وانا سعيد جدا لان دى اول موضوع ليا ف المنتدى من زمان وانا متابعكم وبقرا مواضيعكم ومشاركاتكم بس اول مره اكون انا المتحدث ..انا اسمى محمد واشتريت اسكودا فيليشيا كومبى موديل 97 .. العربيه كشكل جميله جدا ونضيفه وحبيتها اوى بس من يوم ماشتريتها وفى شويه مشاكل بتقابلنى فيها ..اول حاجه :تانى يوم بعد مااشتريتها طلعت راس البر وانا راجع لقيت الدركسيون قفش ع الاخر وبيرج جامد اوى كان فى فرده ضربت ..فضلت ماشى ع سرعه 20 حوالى 50 كيلو وطبعا مفيش ولا حد فاتح لان الكلام ده كان بليل ..وصلت الحمد لله وتانى يوم رحت لعفشجى وطلع ف بلى فارط وجلد الكبالن غيرها وشحم الكبالن وظبط العمل ..

تانى حاجه :الحراراه الى تقريبا علطول العربيه بتوحوح وسخنه بس مش بتعدى فوق اوى يعنى ممكن اخرها 100 ورحه لميكانيكى قالى هيا كده والجو حر المهم تريحها لما تسخن اوى.

تالت حاجه بقى الكهربا : بحس ان العربيه كهربتها ضعيفه حتى الكلكس صوته بيشحر بس لما بزود بنزين بيتظبط فلو حد يعرف ده بيكون من ايه ياريت تفيدونى

فى النهايه تقبلو تحيااااااتى ليكم كلكم وانا سعيد جدا انى ان شاء الله هبقى واحد منكم

من فرج عن مؤمن كربة من كرب الدنا فرج الله عنه قربة من قرب يوم القيامه........

بس بقى ياسى محمد افندى اولا مشكله الحرارة عندك كدا معقوله خصوصا فى الصيف بس عاوزك تبص على الريداتير ياريت تغيرة بريداتير المونيوم صينى ب 175 جنية والتركيب 20 جنية وانسى الحرارة....*

تانى حاجة موضوع الكهربا دا وضعفها حاجة من الأتنين ياما سير الدينمو مرخى ودا الاحتمال الأول وتقريبا الأكيد لأن نفس الموضع عندى والسير ورانى الويل هو السبب فى السخونه هو السبب فى ضعف الشحن هو السبب فى القضاء على البطاريه....

لو الاحتمال دا مش موجود يقى لازم يابطل تغير البطاريه ومبروك عليك فليشتك الجميله ومروك علينا فليشياوى جديد محترم ....

**medo_msa** · 21-07-2012 11:32 PM

المشاركة الأصلية كتبت بواسطة sakr1964

من فرج عن مؤمن كربة من كرب الدنا فرج الله عنه قربة من قرب يوم القيامه........

بس بقى ياسى محمد افندى اولا مشكله الحرارة عندك كدا معقوله خصوصا فى الصيف بس عاوزك تبص على الريداتير ياريت تغيرة بريداتير المونيوم صينى ب 175 جنية والتركيب 20 جنية وانسى الحرارة....*

تانى حاجة موضوع الكهربا دا وضعفها حاجة من الأتنين ياما سير الدينمو مرخى ودا الاحتمال الأول وتقريبا الأكيد لأن نفس الموضع عندى والسير ورانى الويل هو السبب فى السخونه هو السبب فى ضعف الشحن هو السبب فى القضاء على البطاريه....

لو الاحتمال دا مش موجود يقى لازم يابطل تغير البطاريه ومبروك عليك فليشتك الجميله ومروك علينا فليشياوى جديد محترم ....

هو الريداتير عندى نحاس وان شاء الله اغيره ع الصيف الى جاى ..هبص ع السير واشوفه وشكرا ع الرد الجميل