عربية بتسخن فى الجرى ام فى زحمة وسط البلد مش بتسخن

**mohamedway** · 01-07-2008 03:54 PM

وش السلندر مايسخنش العربيه انما بوظانه ده نتيجه تابعه لان العربيه سخنت اصلا من اى سبب تانى ولو ولو وش السلندر ضارب هتلاقى الموتور مبرجل فى السلانسيه وممكن تلاقى ميه التبريد عليها زيت و ممكن تلاقى زيت الموتور بقى لونه ابيض زى الطحينه بالظبط ولو كل الظواهر ده مش عندك يبقه وش السلندر سليم و متفتحش على نفسك فتحه و موضوع السخونه ده ليها اسباب كتيره
1- وده اللى انا حاسس ان عربيتك بتعانى منه ان سير الكاتينه ما يكونش مضبوط كويس لان تقسيمه العربيه لو مرحله سنه واحده ممكن تكون السبب فى سخونه العربيه
2- نضف الردياتير و سلكه عند حد بتاع ردياترات و خليه يسلكهولك و بلاش فى البنزينه لانهم بيحطوا نسبه ميه نار فى الدوره عشان تنضفلك الردياتير من غير ما يفكه و مع الوقت الردياتير هيتاكل و يتخرم.
3- اتاكد ان طلمبه الميه بتقلب كويس و ده عن طريق انك تبص على الميه و الردياتير مفتوح مع تزويد سرعه الموتور (امبليهات يعنى) و اوعه تفتح الردياتير و العربيه سخنه طبعا!!!!!

**ehabthefirst** · 01-07-2008 06:53 PM

المشاركة الأصلية كتبت بواسطة mohamedway

وش السلندر مايسخنش العربيه انما بوظانه ده نتيجه تابعه لان العربيه سخنت اصلا من اى سبب تانى ولو ولو وش السلندر ضارب هتلاقى الموتور مبرجل فى السلانسيه وممكن تلاقى ميه التبريد عليها زيت و ممكن تلاقى زيت الموتور بقى لونه ابيض زى الطحينه بالظبط ولو كل الظواهر ده مش عندك يبقه وش السلندر سليم و متفتحش على نفسك فتحه و موضوع السخونه ده ليها اسباب كتيره
1- وده اللى انا حاسس ان عربيتك بتعانى منه ان سير الكاتينه ما يكونش مضبوط كويس لان تقسيمه العربيه لو مرحله سنه واحده ممكن تكون السبب فى سخونه العربيه
2- نضف الردياتير و سلكه عند حد بتاع ردياترات و خليه يسلكهولك و بلاش فى البنزينه لانهم بيحطوا نسبه ميه نار فى الدوره عشان تنضفلك الردياتير من غير ما يفكه و مع الوقت الردياتير هيتاكل و يتخرم.
3- اتاكد ان طلمبه الميه بتقلب كويس و ده عن طريق انك تبص على الميه و الردياتير مفتوح مع تزويد سرعه الموتور (امبليهات يعنى) و اوعه تفتح الردياتير و العربيه سخنه طبعا!!!!!

ya seedy law el juan beta3 wesh el cylender bayez men nahyet el kabs beya3mel nafkh fee dawret el mayah wa yosabeb sekhonna fel tawaly
amma el kalam elly enta be2olo dah law beteskhan fe el mashy el batee2

**Ahmed Selim** · 01-07-2008 08:03 PM

المشاركة الأصلية كتبت بواسطة mohamedway

نضف الردياتير و سلكه عند حد بتاع ردياترات و خليه يسلكهولك و بلاش فى البنزينه لانهم بيحطوا نسبه ميه نار فى الدوره عشان تنضفلك الردياتير من غير ما يفكه و مع الوقت الردياتير هيتاكل و يتخرم.

+111

ولو الردياتير بتاعك ضعيف شوية مية النار دى هتبوظهولك وتبقى معاك السخونة على طول

أنا زمان كانت عربيتى ال بي أم كويسة وزى الفل ودخلت محطة موبيل اللى قدام مجلس الدولة فى الدقى وقلت أنضف الردياتير و يا ريتنى ما نضفته :(

يالا محدش بيتعلم ببلاش :)

**shoudy2005** · 02-07-2008 05:35 PM

مش لازم علشان الزيت متخلطش مع الميه يبقى مفيش وش سلندر ممكن يكون فيه تنفيس فبالتالى تؤدى الى سخونة و نقص فى الماء و بالتالى يحتاج تغيير الجوان و خرط الوش اذا فيه تقفيع

**nabil246** · 03-07-2008 09:11 AM

ممكن سؤالين :
1 مالمقصود ب واخده هواء ، وكيف يتم العلاج فى السيارة الشاهين ؟
2 مالمقصود ب تنفيس؟ ......................مع خالص الشكر.

لغسيل دورة التبريد ....يوجد بمدينة نصر ببنزينة كالتكس بتقاطع شارع عباس العقاد مع شارع مصطفى النحاس (المترو) ، غسيل جيد لدورة التبريد كاملة.

**sab3aawy** · 03-07-2008 11:45 AM

بالنسبة للسكودا فيليشيا عيب اعوجاج وش السلندر(تقفيع الوش) عيب شائع ومكرر فى الفيليشيا، علشان كدة هو الميكيانيكى شكله حافظ مش فاهم، يعنى هو عارف ان :بما ان:بتسخن، وبما أن:فيليشيا ، إذن :عيب وش سلندر

وذلك بدون تجربة

انا اقدر اقول لك ان كلام الميكانيكى "غالبا" صح ،باعتبارات التاريخ والتجارب، لكن الحاجة الوحيدة اللى هتأكد اذا كلان كلام الميكانيكى"فعلا"صح وللا لأ، هى نقصان المياه، لو المية بتنقص بشدة(يعن العربية تاخد لها لتر مثلا فى مشوار 20-30 كيلو، ومافيش اثار تسرب فى اى حتة من العربية، يبقى احتمال وش السلندر احتمال قوى، وخد بالك ان مش لازم وش السلندر لو فيه مشكلة يجيب زيت على المية لأن التقفيع ممكن يكون ما بين المية والحيريق وبعيد عن الزيت،فى هذة الحالة عندك حلين، اما انك تستعمل حاجة اسمها بلوك ويلد ، وده عبارة عن مخلوط يضاف لمية التبريد، فيه منه نوع مصرى اسمه رابيدو تمنه حوالى 20 جنيه، يباع فى كارفور ومحطات البنزين، ضيفه لدورة التبريد بس لازم ولابد تضيفه بالطريقة المكتوبة على العبوة لأنها طريقة معقدة شوية، وده هملأ اى فراغات كأنه جوان تفصيل ويمنع تسرب الماء، لو ده محلش المشكلة ومية لسة بتنقص يبقى هتحتاج تفك الوش وتوديه لخراط اوشاش يقيس استوائه ويعمل له مسح لو لزم الأمر

**kamel_sh** · 07-07-2008 04:14 AM

اولا احب ان اشكركم جميعا وخصوصا الاخ الفاضل صاحب الموضوع
او صاحب المشكلة بمعنى اصح وياريب نشوف رده وتوصله من خلال الموضوع
لكى نستفيد جميعا من الموضوع
لان حاسس ان عندى نفس مشكلة ومحتار بين ناس تقول عندى وش سلندر
وناس تانية تقول عربيتك زاى الفل مع العلم ان عربيتى زاز دايو 2001
وبقلها معى اربع اشهر شغالة زاى الفل دخل البلد ولما قولت اروح اصيف
بها حصل الى حصل فى السفر رايح جاى مع العلم ان المياة كلها فارة من القربة
وانا رجع ورغم كدة ناس تقول جوان وناس تقول العربية زاى الفل
والواحد محتار يعمل ايه لقطع الشك باليقين

**ehab_osman** · 07-07-2008 08:41 AM

الاخوة الاعزاء تحية طيبة لكم جميعا واحب ان اعرفكم بداية المشكلة وانا عملت فيها ايه :-
اساس المشكلة من ثلاث سنوات وهى بالترتيب كما يلى :-
1- فى الصيف قبل الماضى :- سخونة السيارة حتى يصل مؤشر الحرارة فوق 105 درجة + عند ايقاف السيارة أجد صوت فوران المياه شديد فى القربة وتبخر المياهه تماما = عملت الاتى غيرت جوان وش السلندر وتم كشط وش السلندر + استبدلت الرادياتر الاصلى الالمونيوم 2 ماسورة بـ رادياتر نحاس 3 ماسورة \\\\\ النتيجة مشكلة فوران المياه انتهت بس مشكلة سخونة فى الجرى لم تحل .

2 - فى الصيف الماضى :- بناء على اقتراح من الميكانيكى غير الاسطوانة والبليه والدسك
ولم يحدث تغيير يذكر فى حالة سخونة العربية .

3- فى الصيف الحالى :- غيرت طرمبة المياه وجبت طرمبة المانى + حطيت 2 جوان لوش السلندر ولم يحدث تحسن يذكر .

الان السيد الدكتور المهندس الميكانيكى مصر على تغير وش السلندر ، سألت ميكانيكى تانى قالى المشكلة فى الرادياتر .... الرادياتر النحاس لا ينفع فى حالة العربية التى تجرى بسرعة عالية وانما ينفع السيارات القديمة فقط .
سألت على الرادياتر الاصلى لم اجده ... ووجدت رادياتر صينى بلاستيك من الجانبين ؟ فهل ينفع فى حاجة ... لم اشتريه ، وسألت على وش السلندر الاصلى 2300 جم والصينى 700 جم .
الميكانيكى قلى الصينى كويس ؟؟؟ فهل عندكم نصيحة فى هذا الخصوص .
اخوكم ايهاب عثمان:embarrassed2::arghh:

**ehab_osman** · 05-08-2008 02:10 PM

بعد طول تفكير قررت اسمع كلام الميكانيكى بتاعى وغيرت وش السلندر واشتريت وش اصلى ؟؟؟؟؟ الموضوع اتكلف حوالى 2500 جم ........

المهم لم يحدث اى تحسن والعربية جربتها امس 4/8/2008 وسخنت كأننا لم نفعل شئ على الاطلاق .
ايهاب عثمان