كماليات كروز

**Hooba17** · 24-07-2012 10:35 PM

هل ينفع أركب الطارة المالتي؟؟ وأشغل مثبت السرعة لو هو موجود أساساً؟
ولو مش موجود مثبت السرعة ينفع أركبه؟؟
وياترى تكاليف الحاجات دي كام؟؟

**MohammedAladel** · 25-07-2012 12:28 AM

دى عايزة واحد يكون فاهم العربية وقارئ الكتالوج كويس أبحث ع اليوتيوب هتلاقى فيديوهات كتيرة الموضوع دا اتعمل فى ميجان بس هى مجهزة أساسا بيه بس الطارة غير مجهزة معرفش بقى عندك فى الكروز إيه النظام

**legend_mohsen** · 25-07-2012 12:28 AM

انا سئلت مهندس /احمد الحسيني راجل قمة في الإحترام في منصور مدير صيانة جسر السويس وقالي هتلعب في الضفيرة و هتبقى مشكلة للأسف .
والطارة المالتي تمنها استيراد يتراوح من 1000- 1500

**Hooba17** · 25-07-2012 12:54 AM

المشاركة الأصلية كتبت بواسطة legend_mohsen

انا سئلت مهندس /احمد الحسيني راجل قمة في الإحترام في منصور مدير صيانة جسر السويس وقالي هتلعب في الضفيرة و هتبقى مشكلة للأسف .
والطارة المالتي تمنها استيراد يتراوح من 1000- 1500

أشكر سيادتك على الإهتمام وسؤالي ألاقيها فين إستيراد؟؟ وهل بيكون فيها ايرباج ولا لأ؟؟ وهل لو ركبت مفاتيح المالتيميديا بتشتغل على طول ولا بتحتاج حاجة؟؟

يعني المختصر لو ركبتها - هل امكانيتها اللي فيها هاتشتغل؟؟

**legend_mohsen** · 25-07-2012 02:11 AM

منا بقولك ! علشان تشتغل هتعدل في الضفيرة بتاعة العربية ! و الطارة موجوده في الحرفييين

**Hooba17** · 25-07-2012 03:35 AM

المشاركة الأصلية كتبت بواسطة legend_mohsen

منا بقولك ! علشان تشتغل هتعدل في الضفيرة بتاعة العربية ! و الطارة موجوده في الحرفييين

طيب هي 1000 - 1500 بالمصنعية والتركيب وكل حاجة ولا دا تمنها بس؟؟ ولو دا تمنها بس تبقى المصنعية في حدود كام؟؟؟

والطارة اللي عندي ممكن تتباع؟ وبكام؟؟
عذراً للأسئلة الكتير وأشكرك تاني على اهتمامك

**mhmdalsaadany** · 25-07-2012 12:20 PM

للأسف مينفعش يركب انا سألت في التوكيل وطلعوا للاسف بيغيروا الضفيره بين الموديلات مش زي الاوبل اوالبيجو بتكون الضفيره واحده والطاره هي المختلفه وبتدفه 2000 ولا حاجه وتركب التانيه تشتغل دا حتى الحساسات متنفعش لازم تغير الضفيره يعني كل سنه وانت طيب انت ممكن تغير العربيه احسن وتجيب الموديل الكامل