مقارنة بين الصنى الجديدة و الكيا ريو

**shady_hamdy** · 30-07-2012 11:09 AM

ياريت حد يفدنى فى اتخاذ قرار شراء ما بين الصنى 2012 و الكيا ريوا ال2012 الاتوماتك طبعا اكيد الصنى تكسب من الامكانيات لان الريوا الفئة الاتوماتك سعرها 105 و بدون اى كمليات بس انا ركبت الاتنين فى فرق فى الخامات و الشكل اكيد لصالح الريو ياريت لاصحاب الخبرة و السيارتان يفدونى

**MITSUKERO** · 30-07-2012 11:39 AM

بص ياباشا نصيحة دائما بقولها من تجربة : الياباني حاجة و الكوري حاجة و الياباني افضل بكتير اوي من الكوري سواء في عمر قطعة الغيار او في الاعتمادية و بيستحمل اوي اوي و بتقسي عليه و بيشيلك و انا مش بحس كده في الكوري

شوف اي عربية ياباني و اي عربية كوري و قارن بينهم بعد ما يعملوا مثلا 300 الف كيلو و ساعتها هتعرف انا اقصد ايه

ده رأي شخصي بحت بس من تجربة كذا عربية ياباني و كذا عربية كوري و لو حد له رأي تاني ياريت يفيدنا بيه لان هنا كلنا بنتعلم من بعض

و ياريت الناس اللي معاهم العربيتين دول يدخلوا يفيدوك لان برضة انا مركبتش غير الصني الجديدة و هي بجد عربية رائعة خصوصا انا ب 100 الف و فيها كمية وسائل امان كتير و واسعة جدا جدا جدا من جوه

فلو حد معاه الريو هيفيدك بمعلومات اكتر لان انا متابع النيسان عشان عايز اشتريها انما الريو او الكوري بصفه عامة مش متابعه خصوصا بعد ما جربت الانوس "وهي عربية بتستحمل بس مش عاجباني اوي بالمقارنة بالياباني"

والله اعلي و اعلم

**Ahmed_selmy** · 30-07-2012 12:15 PM

متابع باهتمام

**mohamed_rhem** · 30-07-2012 12:35 PM

انا شخصيا جربت قيادة النيسان صني في مودرن موتورز

الايجابيات

محرك اقتصادي هادي علي السرعات المنخفضة

شنظة واسعة

تكييف خلفي

وسع داخلي رهيب

العيوب في وجهه نظري

المحرك صوته عالي عند الضغط المفاجيء علي دواسة البنزيين

واستجابته هو والفتيس القديم غير مرضية

الفرامل ادائها مش علي المستوي المطلوب عكس ما هما قايلين

الخامات كالفرش والتابلوه والابواب وفرش السقف موفرين فيها جامد

الكاوتش نوعه سيء اعتقد كان ماكسيس وليس كونينينتتال زي الجوك والقشقاي

في المجمل لو عايز عربية عائلية وواسعة وشنطة كبيرة واقتصادية

تبقي صفقه رابحه لان مفيش عربية في السعر ده

انما لو يهمك التفاصيل والتسارع والخامات تبقي الفئة ده مش مناسبة

اما بخصوص الريو فليس لدي اي معلومات غير ان شكلها الخارجي بيعجبني

**S O P H O S** · 30-07-2012 04:29 PM

لو متقبل الصني كشكل يبقي هي ..

**kliken** · 30-07-2012 05:36 PM

الصنى عمليه جدا و سعرها مناسب جدا و لكن شكلا الريو تتفوق و ممكن لو شفت فئه اعلى فى الريو يكون فيها عوامل امان و اوبشن افضل

**shady_hamdy** · 27-08-2012 10:31 AM

طبعا انا عارف ان رينوا اشترت نيسان بس الى سمعتة ان الصينى الجيدة موتورها رينوا فرنسى عاوزة حد ياكدلى المعلومة دة

**Batman372** · 27-08-2012 06:06 PM

خليك فى الصنى الجديده 2013 ...

**Batman372** · 27-08-2012 06:10 PM

المشاركة الأصلية كتبت بواسطة ekrami

طبعا انا عارف ان رينوا اشترت نيسان بس الى سمعتة ان الصينى الجيدة موتورها رينوا فرنسى عاوزة حد ياكدلى المعلومة دة

تصحيح للمعلومه : هناك شراكه تجاريه بين نيسان و رينو بمعنى join venture ... ممكن تقول تبادل للتكنولوجى بين الشركتين ... و الشركتين شاريين حصص من بعض ...
الموتور فى الصنى و الصنى الشكل الجديد 2013 هو نيسان ... و نيسان مواتيرها افضل كثيرا من الرينو ...
تحياتى ...