الموضوع: غيرت طقم الدبرياج

السلام عليكم ورحمة الله وبركاته
كل سنة وانتم طيبين
بقالى فوق ال 3 شهور حاسس ان سرعة العربية مش زى الاول بجانب ان صوتها بقى عالى قوى بعد ال 120 بالذات وفى الفترة الاخيرة بدات اصمع صوت زى ما يكون ترس بيفوت على ترس وانا مدى العربية الاول او التانى وبطلع مطلع او مطب ( مش دايما ) بس احيانا وبزيادة بسمع صوت خروشة فى السلانسية اول ما ادوس دبرياج تختفى
المهم سالت الاخوة هنا قالو انه طقم دبرياج وسالت المهندس اللى انا بصين عربيتى عنده بردة قالى انه طقم الدبرياج عاوز يتغيير مع العلم ان العربية موديل 2009 يعنى بالضبط بقالها 3 سنين وشهرين وعاملة دلوقت 54350 كم المهم نزلت القاهرة وانا راجع من الشغل عديت على المصيلحى لانه فرع من دايموند سالته على طقم الدبرياج قالولى اولا هو مش متوفر بس ممكن نجيبهولك
طيب بكام طلع ب1950 غير الضريبة وممكن يبقى ازيد من كدا بس مش اقل طبعا انا ظروفى متستحملش المبلغ دا زائد انى كنت لسة شارى تيل الفرامل من الرواس السميتو الاصلى الاخضر ب 495 غير الضريبة ووالله ياشباب مقعدش اكتر من 13000 كم وغيرتة بالصدفة لانى طبعا مكنتش متوقع ان ده معادة لولا ستر ربنا خلانى وانا بصلح خرم فى الكاوتش ابص على التيل المهم لانى من المنوفية سالت المهندس اللى بيصلحلى العربية قالى على محل فى طنطا رحت عندة جبت طقم الدبرياج يابانى مش فاكر اسمة بس هو اسبان تقريبا ب 460 جنية
العربية فاقت والدبرياج بقى ناعم جدا اخر حاجة لدرجة انى حاسس انى بسوق العربية لاول مرة
المهم هو اخد مصنعية تركيب 160 جنية ياترى دا كتير ولا عادى مع العلم انى غيرت بوجيهات وقتها وخليتة يغيرلى الزيت( طبعا الزيت والفلتر انا كنت شاريهم وانا رايحلة ) وفلتر الزيت وغسلى الماتور بعدها
وبعدين هو كان حطلى الطقم القديم فى كرتونة الجديد فى شنطة العربية وانا اللى قلتلة لا انا مش عاوزة خلية عندك لانى كنت تعبان وكنت قاعد عندة من بعد الفطار يعنى من الساعة 8.30 لحد الساعة 12.55 وكنت هموت وانام ومكنتش مركز خالص مع العلم انى كل حاجة اغيرها بحتفظ بيها فى كرتونة عندى فى البيت زى البوجيهات والتيل وكدا
اصحابى قالولى كنت خليتة معايا وكنت بعتة لبتاع خردة الصراحة انا اتحرج ارجع تانى اقولة انا عاوز الطقم القديم خصوصا ان معاملته معايا كويسة ياريت تفيدونى بآراكم بجد