الاوبترا مخنوقة

**نينو** · 17-08-2012 06:25 AM

دلوقتي انا مغير زيت متور و فتيس وعامل كل الصيانات والفلاتر تمام بس حاسس ان الشكمان من عند المنافول كدة بينفس وصوتة عالي و كمان السوستة بتاعة الشكمان حاسس ان هي دايبة السوستة دي اللي بتبقي بعد علبة البيئة من تحت ده ممكن يكون سبب في كتمة العربية انا بحس ان العربية متكتفة زي مكون رافع فرامل اليد ده ممكن يكون السبب و لا اغير سلك البوجيهات الاول بس علي فكرة الحكاية دي حصلت فجاة من غير اي مقدمات

**egyptiandiver** · 17-08-2012 06:33 AM

بص على توصيلة الكهربا الارضي و أكد على البوجهات و حط إضافة لكي مولي منظف إنجكشن أو ما يوازيه و قلنا الدنيا أخبارها إيه؟ أو ممكن ترجع للتوكيل و هما يعالج الكاتمة دي. إن شاء الله بسيطة

**نينو** · 17-08-2012 07:49 AM

يعني احتمال الشكمان ده ضعيف يكون هو السبب انا بحس ان فرامل اليد مرفوعة متخيل الخنقة عاملة ازاي

**HeMa_LanCeR** · 18-08-2012 03:07 AM

طيب قولي بتبقي مكتومة امتي
يعني وانت طالع ولا واقف ولا اية بالظبط

**نينو** · 18-08-2012 04:01 AM

وانا ماشي بحس ان فرامل اليد مرفوعة انا شكيت قولت يمكن يكون في عجلة قافشة و لا حاجة كشفت عليهم لقيت كل حاجة تمام و التيل زي الفل عارف احساس ان العربية مش بتاخد سحبتها كدة و تحس ان حد ماسكها هو كدة بالضبط و بيحصل و انا ماشي يعني في نص الطريق مش من الطلعة

**dr.hazem** · 18-08-2012 04:47 AM

احتمال كبير يكون من الشكمان طبعا طالما ان الصيانات معموله والفلاتر متغير وبوجيهاتك نضيفه ممكن جدا يبقى الشكمان هو السبب وان علبة البيئه فيها سدد وهوا اللي عامل التنفيس وكاتم العربية...
تحياتي