تأخير التشغيل

**ebn_mesr** · 26-08-2012 06:30 AM

اخوانى الاعزاء اعضاء المنتدى الكرام
كل عام وانتم بخير
احب ان اخذ رأيكم فى مشكلة حدثت مأخرا فى سيارتى النوبيرا 2008 وهى ان السيارة تأخر فى الشغيل (الدوارة) وهى باردة وكمان وهى سخنة ومش عارف المشكلة من ايه بالظبط وكل ما اروح لميكانيكى يقولى على عيب شكل يعنى مرة واحد قالى المشكلة من الموبينة وخلانى اشتريت موبينة جديدة ب350 جنيه ولما روحت اركبها بس عند واحد تانى قالى لاء العيب ده مش من الموبينه ده من الرشاشات فروحت سألت واحد غيرهم قالى لاء العيب ده من البيجوهات ومن ساعتها وانا فى حيرة ومش عارف اعمل ايه وخايف التأخير دع يأثر على المارش او البطارية او اى حاجة تانى ومش عارف ايه الحل ارجوكم لو حد كانت حصلت معاه المشكلة دى واتحلت يقولى اعمل ايه؟
وشكرا جزيلا لكم
وحسبى الله ونعم الوكيل فى الصنايعية اللى مابيفهموش حاجة وعاملين فيها معلمين.

**eldell** · 26-08-2012 07:47 AM

غالبا ياباشا التعتيل فى الدواره بيبقى بسبب البوجيهات ده الى انا اعرفه لاكن لو بتقطع معاك فى الدواره بيبقى من البطاريه وفكك من حوار الموبينه ده خاااااالص

**broadband** · 26-08-2012 11:59 AM

الرشاشت احد عيوبها غياب فى الدوارة و ايضا ترشيح بنزين و ممكن تكشف عليها بالانف لو شميت ريحة بنزين يبقى فيه مشكلة منها

و راجع عند ميكانيكى كويس

**Karim Ibiza** · 26-08-2012 12:16 PM

غالبا بوجيهات

**mem** · 26-08-2012 12:48 PM

متابع

**semi** · 26-08-2012 01:00 PM

اسباب كتيرة جدا للاسف منها برضه الكربراتير ممكن يكون عايز يتنضف
فانت ممكن تبدأ من الاصغر الى الاكبر تكلفة
تنظيف رشاشات...تغيير بوجيهات...تنظيف كربراتير
وهتبقى برضه استفدت لان الحاجات دي بتحتاج صيانة دورية

**فادى محمد** · 26-08-2012 02:45 PM

الاسباب كتير ومتشابكه للاسف
لو حاله الموتور حلوه يبقي هتدور في مغذيات الدواره ممكن اوتوماتيك المارش او كتاوت المارش
وممكن الاسبراتير ...
لو غيرت البوجيهات ولقيت الجديد هبب ولسه بتتاخر في الدواره تبقي رشاشات او حساس هوا